وتاندىق ونىمگە – ۇدايى ارتىقشىلىق

كەشە قازاقستان كوممۋنيستىك حالىق پارتياسىنىڭ (قكحپ) وكىلدەرى رەسپۋبليكالىق سايلاۋالدى شتابى ۇگىت-ناسيحات ناۋقانى اياسىندا تارازداعى «تا-ماك» جشس جۇمىسكەرلەرىمەن كەزدەسۋ ۇيىمداستىردى. جۇمىسشى تابى وكىلدەرى كوممۋنيستىك يدەيانى جاقتايتىندىعىن الدىمەن اۋىزعا العان قكحپ اتىنان ۇمىتكەرلەر تىزىمىنە ەنگەن, V شاقىرىلىمنىڭ دەپۋتاتى جامبىل احمەتبەكوۆ جينالعاندار الدىندا سويلەپ, قازاقستاندىق ءتول ءونىمنىڭ ماڭىزدىلىعىن, ونىڭ ساپاسى جاقسارعان سايىن سۇرانىسقا يە بولىپ كەلە جاتقانىن اتاپ ءوتتى. سونىمەن قاتار, شەشەن كوممۋنيستىك يدەيانىڭ حالىقتىڭ ءال-قۋاتىن ارتتىرۋدى كوزدەيتىنىن, قوعامدا ادىلەتتىلىك پەن كەلىسىمنىڭ بولۋىن جاقتايتىنىن ايتتى. ۇلتتىق ەكونوميكانىڭ ۇدەمەلى ءوسىمى ەلدەگى تۇراقتىلىقتىڭ نەگىزى بولادى, دەدى شەشەن. V سايلانىمدا كوممۋنيستىك پارتيا اتىنان دەپۋتاتتىققا وتكەندەر ۇلتتىق ەكونوميكانىڭ وسىمىمەن قاتار, حالىقتىڭ مۇڭ-مۇقتاجىن قورعاۋدا بەلسەندىلىك كورسەتكەنىنەن ناقتى مىسالدار كەلتىردى. سونىڭ ىشىندە دەپۋتاتتار قوڭىروۆ, ومىرزاقوۆ جانە ت.ب. كەيبىر بانكتەردىڭ حالىقتى الداۋ باعىتىندا جۇرگىزگەن ساياساتىن اشكەرەلەپ, ۇكىمەت باسشىسىنا ساۋالدار جولداعانىن, ولاردى فراكتسياداعى بارلىق دەپۋتاتتار قولداعانىن جەتكىزدى. ج.احمەتبەكوۆتىڭ پىكىرىنشە, وتان­­­دىق ونىمدەر شىعارىپ جۇرگەن كاسىپ­­ورىندار وكىمەت تاراپىنان ۇلكەن قول­­داۋعا يە بولۋى كەرەك. «سونىڭ ءىشىن­دە ءسىز­دەردىڭ كاسىپ­ورىندارىڭىز دا بار. ەگەر قكحپ وكىلدەرى 7 پايىزدىق تابال­دىرىق­تى ەڭ­سەرىپ, تاعى دا دەپۋتاتتار قاتار­ىنا وتەتىن بولسا, ءبىز قولدان كەلگەن كو­مە­گىمىزدى جاساپ, ۇكىمەت نازارىن وسىنداي ماسەلەگە ۇنەمى اۋدارىپ وتىرا­تىن بولامىز», – دەدى ول. ءسوزىنىڭ سوڭىندا جامبىل احمەتبەكوۆ وتاندىق ءوندىرىستى دامىتۋ مەن قولداۋ جاڭا جۇمىس ورىندارىنىڭ اشىلۋىنا دا تۇرتكى بولاتىنىن ايتتى. سوندىقتان وسى سالا ۇنەمى الدىڭعى كەزەكتەگى نازاردا بولۋى كەرەك. وسىلاي دەي كەلە, ول كاسىپورىن قىزمەتكەرلەرىن قكحپ-عا داۋىس بەرۋگە شاقىردى. قكحپ جامبىل وبلىستىق كومي­تە­تىنىڭ جەتەكشىسى جارىلقاسىن نۇراليەۆ دۇرىس تاماقتانۋعا نەگىز بولاتىن ءونىم ءون­دىرىپ وتىرعان كاسىپورىن سالاماتتى ۇر­پاق قالىپتاستىرۋعا قوماقتى ۇلەس قو­سا­­تىنىن جەتكىزدى. «ءبىزدى ەلىمىزدە وسىن­­داي كاسىپورىنداردىڭ كوبەيىپ كەلە جات­قاندىعى قۋانتادى», – دەدى ج.نۇراليەۆ. جيىن سوڭىندا قكحپ-نىڭ بەلسەن­دىلەرى «تا-ماك» جشس جۇمىسكەر­لەرىن وزدەرىنىڭ جيىنىنا كەلىپ, باعدار­لامالارى مەن پىكىرلەرىن تىڭداعاندارى ءۇشىن العىستارىن ايتتى جانە پارلامەنت ءماجىلىسىنىڭ سايلاۋىندا وزدەرىنە داۋىس بەرۋگە شاقىردى. جاقسىباي سامرات, «ەگەمەن قازاقستان». جامبىل وبلىسى.