بىلتىر باتىس قازاقستاندا 91,8 ملرد. تەڭگەنىڭ اۋىلشارۋاشىلىق ونىمدەرى ءوندىرىلدى

ورال. 24 اقپان. وتكەن جىلى باتىس قازاقستان وبلىسىندا 91,8 ملرد. تەڭگەنىڭ اۋىلشارۋاشىلىق ونىمدەرى ءوندىرىلدى. اتالعان كورسەتكىش قۋاڭشىلىق سالدارىنان 3,9 پايىزعا تومەندەگەن. بۇل تۋرالى وبلىس اكىمى نۇرلان نوعاەۆتىڭ مالىمدەمەسىنە سىلتەمە جاساعان egemen.kz ءتىلشىسى حابارلادى. اۋىل شارۋاشىلىعى داقىلدارىنىڭ جالپى ەگىس كولەمى 488,2 مىڭ گەكتار القاپتى قۇراسا, ونىڭ ىشىندەگى ءداندى داقىلداردىڭ ۇلەسى – 260,1 مىڭ گەكتار. قۋاڭشىلىقتىڭ سالدارىنان ءداندى داقىلدار ەگىسىنىڭ 115,7 مىڭ گەكتارى نەمەسە جالپى ءداندى داقىلدار القابىنىڭ 44,5 پايىزى ەسەپتەن شىعارىلدى. ورتاشا ونىمدىلىگى گەكتارىنان 6,6 تسەنتنەردەن 95,4 مىڭ توننا ءدان جينالدى. وبلىس حالقىن ماۋسىمارالىق كەزەڭدە قولجەتىمدى باعامەن ەرتە پىسەتىن كوكونىستەرمەن قامتاماسىز ەتۋگە ارنالعان جالپى اۋدانى 24,4 مىڭ شارشى مەتر 62 جىلىجاي بار. تەمىر قۇسايىن. دەرەك: egemen.kz. سۋرەت: caravan.kz.