كۇردەلى كەزەڭنىڭ ماڭىزدى مىندەتتەرى

داعدارىس جاعدايىنداعى جەرگىلىكتى اتقارۋشى بيلىكتىڭ باستى مىندەتى كاسىپورىنداردا جۇمىسشىلاردىڭ قىسقارۋىنا جول بەرمەۋ بولىپ تابىلادى. وبلىس اكىمى بەردىبەك ساپارباەۆ اقتوبە حروم قوسىندىلارى زاۋىتى باسشىلىعى جانە جۇمىسشىلارىمەن كەزدەسۋ بارىسىندا وسى ماسەلەگە ايرىقشا نازار اۋداردى. ءوڭىر باسشىسى جينالعاندار الدىندا سويلەگەن سوزىندە بۇگىنگى كۇنى الەمدىك ەكونوميكادا قالىپتاسقان كۇردەلى جاعدايدا بىرلەسىپ, سترا­تە­گيالىق تۇرعىدان ورتاق ويلاسىپ جانە اقىلمەن جۇمىس ىستەۋ قا­جەتتىگىن اتاپ كورسەتتى. بۇل ءۇشىن ءىرى كاسىپورىنداردىڭ, تاۋار ءوندى­رۋ­شىلەردىڭ, شاعىن جانە ورتا بيز­نەس پەن باسقا دا شارۋاشىلىق قۇرى­لىمدارىنىڭ جۇمىستارىن ءۇي­لە­سىمدى جۇرگىزۋ قاجەتتىگىن اتاپ ءوتتى. بەردىبەك ساپارباەۆ سونىمەن قاتار, ەكونوميكالىق داع­دا­رىستىڭ الەۋمەتتىك تولەم­دەر­دىڭ – جاردەماقىلار مەن جەڭىل­­­­دىك­تەر­دىڭ, سونداي-اق, ۇيىمداردا ەڭبەك­­اقىنىڭ كەشىگىپ تولەنۋىنە سەبەپ بولا الماي­تىنىن قاداپ ايت­تى. جىل قورىتىن­دىسى بويىنشا جۇ­مىسسىزدىق وبلىستىڭ ەكو­نومي­كالىق بەلسەندى تۇرعىن­دارىنىڭ 4,9 پايىزىن قۇراي­دى, بۇل كور­سەتكىش جالپى رەس­پۋب­لي­كا­­لىقتان 0,2 پايىزعا تومەن. مەم­لەكەتتىك باع­دارلامالاردى جۇزەگە اسىرۋ ناتيجەسىندە جاڭا جۇمىس ورىن­­دارى قۇرىلدى, ەڭبەك ۇجىم­دا­رى ­ارا­سىندا تۇراقتىلىق ساقتالۋدا. سونىمەن بىرگە, ءوڭىر باسشىسى قازاق­ستان بويىنشا, ونىڭ ءىشىن­دە اقتوبەنىڭ دە نەگىزگى سالاسى ونەركاسىپتىڭ ەكونوميكالىق سيپات­تاعى سىرتقى تەرىس اسەرلەردەن قا­شىپ قۇتىلا الماعانىن جاسىرعان جوق. وبلىس بۇل رەتتە ەكسپورتقا باعىتتالعان. سوندىقتان دا الەمدىك داعدارىس ءناتي­جەسىندە 2014 جىلمەن سالىستىرعاندا ءوندىرىس كولەمى 4,5 پايىزعا تومەندەدى. جيىندا كاسىپورىننىڭ ءوت­كەن جىلعى وندىرىستىك باعدار­لامالارىنىڭ جانە ۇجىمدىق كەلىسىمشارتتىڭ ورىندالۋ بارىسى تالقىلاندى. ءوز كەزەگىندە «اقتوبە حروم قوسىندىلارى زاۋىتى» اق باسقارما توراعاسى الەكسەي حي­ميچ كاسىپورىننىڭ 2015 جىلعى نەگىزگى جۇمىس قورىتىندىلارىنا توقتالدى. ونىڭ ايتۋىنشا, زاۋىت ۇجىمدىق ەڭبەك كەلىسىمشارتىندا جازىلعان بارلىق شارتتاردى جانە وزدەرىنە العان الەۋمەتتىك مىندەتتەمەلەرىن ورىنداعان. ول سونداي-اق, زاۋىت جۇمىس ىستەيتىن قازاقستاندىق قۇرامنىڭ ۇلەسى بۇگىنگى كۇنى 66 پايىزدان جوعارى ەكەنىن اتاپ كورسەتتى. وبلىس اكىمى جيىن بارىسىندا زاۋىت جۇمىسشىلارىنىڭ سۇراقتارىنا جاۋاپ بەرە وتىرىپ, بۇگىنگى كۇنى اتقارۋشى بي­لىك پەن بيزنەس قۇرىلىمدارى اراسىندا ونىمدەردىڭ بىرقاتار تۇرلەرىنە باعالاردى رەتتەۋ تۋرالى بىرنەشە مەموراندۋمعا قول قويىلعاندىعىن مالىمدەدى. ءوڭىر باسشىسى كاسىپورىن باسشىلىعىنا ءون­دىرىستىك قۋاتتاردى ودان ءارى ءوسىرۋ, قازاقستاندىق قۇرامدى دامىتۋ جانە بيزنەستىڭ الەۋمەتتىك جاۋاپكەرشىلىگىن ارتتىرۋ جونىندە تاپسىرما بەردى. ساتىبالدى ءساۋىرباي, «ەگەمەن قازاقستان». اقتوبە وبلىسى.