اقجاردا وڭالتۋ ورتالىعى اشىلدى

تارباعاتاي اۋدانىنىڭ اقجار اۋىلىندا بالالارعا ارنالعان وڭالتۋ ورتالىعى اشىلدى. جاڭا مەكەمەگە جەرگىلىكتى بيۋدجەتتەن 15 ميلليون تەڭ­گە بولىنگەن. 15 ادامدى جۇمىسپەن قامتىعان ورتالىق قىزمەتكەرلەرىنىڭ ورتاشا ەڭبەكاقىسى 50 مىڭ تەڭگەنى قۇرايدى. وڭالتۋ مەكەمەسىندە قيمىل-قوزعالىسى مەن اقىل-ويى تەجەلگەن 15-17 جاس ارالىعىنداعى بالالارعا الەۋمەتتىك مەديتسينا­لىق, پسيحولوگيالىق, ەڭبەك جانە مۋزىكا, لوگوتەراپيا, دەنەشى­نىق­­­تىرۋ ماماندارى قىزمەت كور­سەتەدى. جالپى, اۋدان بو­يىنشا وڭالتۋ ورتالىعىمەن 28 بالا قام­­­تىلسا, اقجار اۋىلىنداعى ور­تا­لىققا 13 بالا قابىلداندى. بۇل مەكە­مە اقسۋات اۋىلىنداعى پسي­حونەۆرولوگيالىق اۋىتقۋى بار بالالارعا ارنالعان جارتىلاي ستا­تس­يو­نارلىق وڭالتۋ الەۋمەتتىك-مەديتسينالىق ورتالىعىنىڭ ءبو­لىم­شەسى رەتىندە اشىلعانىن ايتا كەتەيىك. وڭالتۋ ورتالىعىنىڭ اشىلۋ شاراسىنا قاتىسقان اۋدان اكى­مى دىلدابەك ورازباەۆ ەلباسى تاپسىرماسىمەن مۇمكىندىگى شەك­تەۋلى بالالار مەملەكەت تاراپىنا قام­قورلىققا الىنعانىن, ولارعا ۇزدىكسىز الەۋمەتتىك-مەديتسينالىق قىزمەت كورسەتۋدىڭ ءتۇرلى جولدارى قاراستىرىلعانىن, سونىڭ ءبىرى شالعاي وڭىرلەردە وڭالتۋ ورتا­لىقتارىنىڭ اشىلۋى بولىپ وتىرعانىن ەرەكشە اتاپ ءوت­تى. سونداي-اق, اۋدان باسشىسى ور­تالىقتى جابدىقتاۋعا قول ۇشىن سوزعان مەكەمەلەردىڭ جەتەكشىلەرى مەن كاسىپكەرلەرگە ريزاشىلىعىن جەتكىزدى. «بالا – باۋىر ەتىڭ» دەي­دى حالقىمىز. ەشكىم بالاسىنىڭ جارىمجان بولۋىن قالامايدى. بىراق, ءومىردىڭ ءوز زاڭى بار. اق­جار­­­لىق­تار جاڭادان اشىلعان ورتالىققا تارتۋ-تارالعىلارىمەن دە كەلىپتى. ولاردىڭ ءبىرى «وتاۋ-تۆ» سپۋتنيكتىك تاباعىن سىيلاسا, ەندى ءبىرى كىلەم تارتۋ ەتىپ جاتتى. – ەلباسى جولداۋىندا اتاپ كور­سەتكەندەي, مۇمكىندىگى شەكتەۋلى جاندار تەك جاردەماقى الىپ وتىرماۋى كەرەك. ولار دا ورتاعا بەيىمدەلىپ, قوعامدىق ومىردەن تىس قالماۋى ءتيىس. بۇل رەتتە كەلەشەكتە قازاقستاننىڭ كەدەرگىسىز ايماققا اينالۋى كوز­دەلگەنىن ايتا كەتكەنىمىز ابزال. وسىعان دەيىن كۆوتا العان بالالار ءىرى قالالارعا بارىپ ەمدەلىپ ءجۇردى. بىراق كۆوتا بارلىق بالاعا جەتە بەر­مەيدى. سوندىقتان, ءتورت قا­بىر­عاعا قاراپ جاتقان اۋىل بالالارىنا بۇل ورتالىقتىڭ تيگىزەتىن كومەگى كوپ بولادى, – دەدى اتالعان وڭالتۋ ورتالىعىنىڭ مەڭگەرۋشىسى مەرۋەرت دۇيسەنوۆا. اقسۋات پەن اقجارداعى وڭالتۋ ورتالىقتارىنىڭ ارقايسىسىنا شا­عىن اۆتوبۋس بەرىلگەن. سون­دىقتان, وڭالتۋ مەكەمەسىنە سول اۋىلدىڭ بالالارىنان بولەك, ما­ڭايداعى ەلدى مەكەندەردىڭ دە ەمدى قاجەت ەتەتىن بۇلدىرشىندەرىن كولىكپەن الىپ كەلىپ, 6 ساعاتتان كەيىن قايتادان ۇيىنە جەت­كىزىپ, اتا-انالارىنا تابىس ەتۋگە جاعداي جاسالىپ وتىر. ءبىز اۋىل تۇرعىنى دينارا كا­كىمبەكوۆانى سوزگە تارتقان ەدىك. ورتالىققا التى جاستاعى مارعۇلان جەڭىسبەكوۆ ەسىمدى ءبۇلدىرشىنىن الىپ كەلگەن انانىڭ ايتۋىنشا, بالاسى ەكى جىل بۇرىن ينسۋلت الىپ, وزدىگىنەن جۇرە الماي قالعان جانە ءبىر قولى جۇمىس ىستەمەيدى. ءبىر جىل بۇرىن استاناداعى بالالارعا ارنالعان وڭالتۋ ورتالىعىنا بارىپ كەلگەننەن كەيىن, ەم-دومدى تاعى دا جالعاستىرۋعا مۇمكىندىگى بول­ماعان انا اۋىل ىشىندە وڭالتۋ ورتالىعىنىڭ اشىلىپ جاتقانىنان ۇلكەن ءۇمىت كۇتەتىنىن ايتتى. – ەلورداعا بارۋ ءبىز سياقتى اۋىل تۇرعىنىنا كادۋىلگىدەي كۇش. جول ۇزاق. بالا دا قاجيدى. سوندىقتان, مەملەكەتىمىزدىڭ اۋىلدا كۇندە­لىك­­تى ەم الۋعا جاعداي جاساعانى­نا قۋا­­­نىش­­تىمىز. ەندى بالامىزدىڭ دەنساۋلىعى جاقسارادى دەگەن ويدامىز. مۇندا بالالاردى فيزيكالىق تۇرعىدان دامىتۋعا قاجەتتى جاع­دايدىڭ بارلىعى جاسالعان ەكەن, – دەدى دينارا احمەتقىزى. ءسوز سوڭىندا اۋدان اكىمى ءدىل­دابەك ورازباەۆ اقجار اۋىلىندا بيىل جاڭا مەكتەپ پەن اۋىز سۋ جۇيەسىنىڭ پايدالانۋعا بەرىلەتىنىن, سونىمەن بىرگە وبلىس اكىمىنىڭ تاپسىرماسى بويىنشا ۇشتۇعىرلى ءتىلدى دامىتۋ باعدارلاماسى اياسىندا اعىلشىن ءتىلىن تەرەڭدەتىپ وقىتۋ ورتالىعى مەن مەنتالدى ماتەماتيكا مەكتەبى اشىلاتىنىن اتاپ ءوتتى. دۋمان اناش, «ەگەمەن قازاقستان». شىعىس قازاقستان وبلىسى, تارباعاتاي اۋدانى.