«ەۋروحيم» ءونىمىن العاش رەت بەلارۋسقا جەتكىزدى

الماتى. 23 اقپان. «ەۋروحيم» قازاقستاندا شىعارىلعان ءونىمىن العاش رەت بەلارۋسقا جەتكىزدى. بۇل تۋرالى قازاقستان ءباسپاسوز كلۋبىنا سىلتەمە جاساعان egemen.kz ءتىلشىسى حابارلادى. قازاقستاندا وندىرىلگەن فوسفور ۇنتاعى قازىردىڭ وزىندە كراسنودار ولكەسىندەگى «ەۆروحيم-بمۋ» كاسىپورنىنا جەتكىزىلىپ, وندا «ەۋروحيم» كومپانياسىنىڭ كوۆدور تاۋ-كەن بايىتۋ كومبيناتىندا وندىرىلەتىن اپاتيت كونتسەنتراتىنىڭ 30 پايىزعا دەيىنگى مولشەرى بار قوسپادا قولدانىلىپ كەلەدى. كەلىسىمشارت اياسىندا «ەۋروحيمنىڭ» گومەل حيميالىق زاۋىتىمەن بۇرىننان بەرى كەلە جاتقان جەمىستى ىنتىماقتاستىعى جالعاسىن تابۋدا. كاسىپورىننىڭ «ەۋروحيم» ونىمىنەن دايىندالىپ, قۇرامىندا كۇكىرت پەن ميكروەلەمەنتتەرى بار NPK تىڭايتقىشتارى شىعىس ەۋروپا ەلدەرىندەگى, بەلارۋس, ۋكراينا جانە مولدوۆاداعى اۋىلشارۋاشىلىق ءونىم وندىرۋشىلەرىنىڭ جوعارى باعاسىن الىپ, ۇلكەن سۇرانىسقا يە. «ەۋروحيم» كومپانياسى گومەل حيميالىق زاۋىتىمەن بىرگە وتكىزۋ نارىعىندا دا ىنتىماقتاستىق قۇرىپ وتىر, اتاپ ايتقاندا, زاۋىتتا وندىرىلگەن 100 مىڭ توننا ءونىم جىل سايىن «ەۋروحيمنىڭ» تمد ەلدەرىندەگى ديستريبۋتسيا جەلىسى ارقىلى وتكىزىلەدى. «ەۋروحيم» قازاقستانداعى ينۆەستيتسيالىق جوباسىن جۇزەگە اسىرۋ اياسىندا كەندى باستاپقى قايتا وڭدەيتىن ءوندىرىسى مەن كەنىشىنىڭ قۇرىلىسىن اياقتاعان. جالپى قۇنى 120 ميلليون دوللاردى قۇرايتىن اتالعان كاسىپورىن فوسفور ۇنتاعىن شىعارۋدى باستاپ كەتكەن. سونداي-اق, 2016 جىلى «ەۋروحيم» باعالانعان ينۆەستيتسيالىق قۇنى 950 ملن. دوللاردى قۇرايتىن حيميالىق كەشەندى سالۋعا كىرىسپەك. ەۋرازيا ەكونوميكالىق وداعى اياسىندا ينتەگراتسيالىق بايلانىستار مەن وندىرىستىك جانە وتكىزۋ نارىعىنداعى سەرىكتەستىك دامىتىلۋدا. ايناش ەسالي. دەرەك, سۋرەت: قازاقستان ءباسپاسوز كلۋبى.