قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ بۇيرىعى №8

2016 جىلعى 20 قاڭتار,استانا قالاسى قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ  رەگلامەنتى تۋرالى قازاقستان رەسپۋبليكاسىنىڭ 2000 جىلعى 27 قاراشاداعى «اكىمشىلىك راسىمدەر تۋرالى» زاڭىنىڭ 9-1 بابى 1-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ رەگلامەنتى (بۇدان ءارى – رەگلامەنت) بەكىتىلسىن. 2. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل جونىندەگى ۇلتتىق بيۋروسى, قۇرىلىمدىق بولىمشەلەرى, اۋماقتىق ورگاندارى, ۆەدومستۆوعا باعىنىستى ۇيىمدارىنىڭ باسشىلارى رەگلامەنتتى مۇلتىكسىز ساقتاۋدى قامتاماسىز ەتسىن. 3. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ زاڭ دەپارتامەنتى: 1) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) ونىڭ زاڭنامادا بەلگىلەنگەن تارتىپپەن رەسمي جاريالانۋىن; 3) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلىمىنەن كەيىن ون كالەندارلىق كۇننەن كەيىن قازاقستان رەسپۋبليكاسى ادىلەت مينيسترىلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا قازاقستان رەسپۋبليكاسى نورماتيۆتiك قۇقىقتىق اكتiلەرiنiڭ ەتالوندىق باقىلاۋ بانكiندە ورنالاستىرۋ ءۇشىن جولدانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ جاۋاپتى حاتشىسىنا جۇكتەلسىن. 5. وسى بۇيرىق ونىڭ ءبىرىنشى رەسمي جاريالانۋ كۇنىنەن كەيىن قولدانىسقا ەنگىزىلەدى. مينيستر ت.دوناقوۆ. قازاقستان رەسپۋبليكاسى مەملەكەتتىك قىزمەت ىستەرى ءمينيسترىنىڭ 2016 جىلعى 20 قاڭتارداعى № 8 بۇيرىعىمەن بەكىتىلگەن قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ رەگلامەنتى 1. جالپى ەرەجەلەر 1. وسى قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ رەگلامەنتى (بۇدان ءارى – رەگلامەنت) قازاقستان رەسپۋبليكاسىنىڭ كونستيتۋتسياسىنا, زاڭدارىنا, پرەزيدەنت, ۇكىمەت اكتىلەرىنە, مينيسترلىك تۋرالى ەرەجەگە جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ (بۇدان ءارى – مينيسترلىك), سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرونىڭ (بۇدان ءارى – ۇلتتىق بيۋرو), قۇرىلىمدىق جانە اۋماقتىق بولىمشەلەردىڭ جانە ۆەدومستۆوعا قاراستى ۇيىمداردىڭ مينيسترلىككە جۇكتەلگەن فۋنكتسيالاردى ورىنداۋ پروتسەسىندەگى قىزمەتى قاعيدالارىن ايقىندايدى. 2. وسى رەگلامەنتتە بەلگىلەنگەن تالاپتار مينيسترلىكتىڭ ورتالىق اپپاراتىنىڭ, سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرونىڭ, اۋماقتىق بولىمشەلەر مەن ۆەدومستۆوعا قاراستى ۇيىمداردىڭ بارلىق قىزمەتكەرلەرىنە قولدانىلادى. 3. قۇپيا ەمەس ءىس جۇرگىزۋدى ۇيىمداستىرۋ جانە جۇرگىزۋ, حات-حاباردى قابىلداۋ, وڭدەۋ مەن ءبولۋ, ونىڭ ىشىندە ەلەكتروندىق قۇجات اينالىمىن جۇرگىزۋ قازاقستان رەسپۋبليكاسىنىڭ 1998 جىلعى 24 ناۋرىزداعى «نورماتيۆتىك قۇقىقتىق اكتىلەر تۋرالى» (بۇدان ءارى – نقا تۋرالى زاڭ), 2000 جىلعى 27 قاراشاداعى «اكىمشىلىك راسىمدەر تۋرالى» (بۇدان ءارى – اكىم.راسىمدەر تۋرالى زاڭ), 2003 جىلعى 7 قاڭتارداعى «ەلەكتروندىق قۇجات اينالىمى مەن ەلەكتروندىق تسيفرلىق قولتاڭبا تۋرالى», 2007 جىلعى 12 قاڭتارداعى «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» (بۇدان ءارى – ازاماتتاردىڭ وتىنىشتەرىن قاراۋ جونىندەگى زاڭ) زاڭدارىنىڭ تالاپتارىنا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس وسى رەگلامەنتتە ايقىندالادى. قۇپيا ەمەس ءىس جۇرگىزۋدى ۇيىمداستىرۋ مەن جۇرگىزۋ قازاقستان رەسپۋبليكاسىنىڭ 1999 جىلعى 15 ناۋرىزداعى «مەملەكەتتىك قۇپيالار تۋرالى» زاڭىنا جانە ۇكىمەتتىڭ 2000 جىلعى 14 ناۋرىزداعى № 390-16س قاۋلىسىمەن بەكىتىلگەن قازاقستان رەسپۋبليكاسىندا قۇپيالىلىق رەجيمىن قامتاماسىز ەتۋ جونىندەگى نۇسقاۋلىققا (بۇدان ءارى – قۇپيالىلىق رەجيمىن قامتاماسىز ەتۋ جونىندەگى نۇسقاۋلىق) سايكەس جۇزەگە اسىرىلادى. 4. مينيسترلىكتىڭ اپپاراتىندا ۇزاقتىعى سەگىز ساعاتتىق جۇمىس ۋاقىتى بەلگىلەندى, جۇمىستىڭ باستالۋى 9 ساعات 00 مينۋت, جۇمىستىڭ اياقتالۋى – 18 ساعات 30 مينۋت. تۇسكى ءۇزىلىس 13.00-دەن 14.30-عا دەيىن. 2. جۇمىستى جوسپارلاۋ 5. مينيسترلىك ءوز جۇمىسىن ستراتەگيالىق جانە وپەراتسيالىق جوسپارلارعا, سونداي-اق توقسانعا, جىلعا جانە ۇزاق مەرزىمگە جاسالاتىن جۇمىس جوسپارلارىنا سايكەس جۇزەگە اسىرادى. مينيسترلىكتە جۇمىستى جوسپارلاۋ قازاقستان رەسپۋبليكاسىنىڭ ستراتەگيالىق جانە باعدارلامالىق قۇجاتتارىنا, قازاقستان رەسپۋبليكاسىنىڭ پرەمەر-ءمينيسترىنىڭ اكتىلەرى مەن تاپسىرمالارىنا, جوعارى تۇرعان ورگانداردىڭ اكتىلەرى مەن مەملەكەتتىڭ لاۋازىمدى تۇلعالارىنىڭ تاپسىرمالارىنا نەگىزدەلەدى. 6. ستراتەگيالىق جوسپاردا كوزدەلگەن مىندەتتەردىڭ تۋرا ناتيجەلەرىنىڭ ماقساتتى ينديكاتورلارى مەن كورسەت­كىش­تەرىنە قول جەتكىزۋ مينيسترلىكتىڭ قۇرىلىمدىق بولىمشەلەرىنىڭ, ونىڭ ىشىندە ۇلتتىق بيۋرونىڭ ءبىرىنشى كەزەكتەگى مىندەتى بولىپ تابىلادى. 7. ستراتەگيالىق جوسپار مەملەكەتتىك جوسپارلاۋ جونىندەگى ورتالىق ۋاكىلەتتى ورگاننىڭ كەلىسىمى بويىنشا قازاقستان رەسپۋبليكاسى مەملەكەتتىك قىزمەت ىستەرى ءمينيسترىنىڭ (بۇدان ءارى – مينيستر) بۇيرىعىمەن بەكىتىلەدى. 8. قازاقستان رەسپۋبليكاسىنىڭ ون جىل مەرزىمگە ستراتەگيالىق دامۋ جوسپارىن ىسكە اسىرۋعا مينيسترلىك جىل سايىن 1 قاراشاعا دەيىن كەزەكتى قارجىلىق جىلعا مەموراندۋم ازىرلەيدى, وعان مينيستر قول قويادى جانە قازاقستان رەسپۋبليكاسىنىڭ پرەمەر-ءمينيسترى بەكىتەدى. مەموراندۋمدى ازىرلەۋ الدىڭعى جىلدىڭ نەگىزگى ماقساتتى ينديكاتورلارىنا قول جەتكىزۋدى باعالاۋدى ەسكەرە وتىرىپ, جۇزەگە اسىرىلادى. 9. وپەراتسيالىق جوسپار جىل سايىن جاسالادى جانە مينيسترمەن كەلىسىلگەن سوڭ, مينيسترلىكتىڭ جاۋاپتى حاتشىسى مينيسترلىكتىڭ ستراتەگيالىق جوسپارىنا قول قويىلعان كۇننەن باستاپ ون كۇنتىزبەلىك كۇن ىشىندە ونى بەكىتەدى جانە مينيسترلىكتىڭ ۆەب-پورتالىندا ورنالاستىرىلادى. وپەراتسيالىق جوسپار مينيسترلىكتىڭ ستراتەگيالىق جوسپارىندا كوزدەلگەن ماقساتتار مەن ماقساتتى ينديكاتورلارعا قول جەتكىزۋ ءۇشىن قاجەتتى ءىس-شارالاردى جانە مينيسترلىك تۋرالى ەرەجەدە ايقىندالعان وزگە دە مىندەتتەردى, قۇرىلىمدىق بولىمشەلەردىڭ, ۇلتتىق بيۋرونىڭ جانە ۆەدومستۆوعا قاراستى ۇيىمداردىڭ قىزمەتىن قوسا العاندا, ونىڭ بارلىق قىزمەت سالاسىن قامتيدى. 10. مينيسترلىكتىڭ جۇمىس جوسپارلارىن مينيسترلىكتىڭ جاۋاپتى حاتشىسى بەكىتەدى. جۇمىس جوسپارلارى ناقتى قىزمەت كورسەتكىشتەرى كورسەتىلگەن ءىس-شارالاردى قامتيدى, ولاردىڭ ورىندالۋىنا مينيسترلىكتىڭ جانە ۇلتتىق بيۋرونىڭ قۇرىلىمدىق بولىمشەلەرى جاۋاپ بەرەدى, مىندەتتى تۇردە مينيسترلىكتىڭ ستراتەگيالىق ازىرلەمەلەر مەن حالىقارالىق باعدارلامالار دەپارتامەنتىمەن كەلىسىلەدى. ۇلتتىق بيۋرونىڭ جۇمىس جوسپارلارىن ونىڭ توراعاسى مينيسترلىكپەن كەلىسە وتىرىپ, بەكىتەدى. ۇلتتىق بيۋرونىڭ جۇمىس جوسپارلارىنىڭ نەگىزگى ءىس-شارالارى مينيسترلىكتىڭ ستراتەگيالىق مىندەتتەرىن ىسكە اسىرۋعا باعىتتالعان جانە مينيسترلىكتىڭ ستراتەگيالىق جوسپارى مەن جۇمىس جوسپارلارىنا بىرىكتىرىلەدى. 11. مينيسترلىكتىڭ بەكىتىلگەن جۇمىس جوسپارلارى جوسپارلانعان كەزەڭ باستالعانعا دەيىن 3 كۇنتىزبەلىك كۇننەن كەشىكتىرمەي ۆيتسە-مينيسترلەرگە, مينيسترلىكتىڭ قۇرىلىمدىق بولىمشەلەرىنىڭ باسشىلارىنا تانىسۋ جانە ودان ءارى ورىندالۋى ءۇشىن جىبەرىلەدى. مينيسترلىكتىڭ اكىمشىلىك دەپارتامەنتىنىڭ ۇيىمداستىرۋ-باقىلاۋ باسقارماسى (بۇدان ءارى – ۇبب) جۇمىس جوسپارلارىنىڭ ورىندالۋ مەرزىمى بويىنشا باقىلاۋ جۇرگىزەدى. 12. وتكەن جىلدىڭ قورىتىندىسى بويىنشا مينيسترلىكتىڭ ستراتەگيالىق, وپەراتسيالىق جوسپارلارىن جانە مينيسترلىكتىڭ جۇمىس جوسپارلارىن, مەموراندۋمدى ىسكە اسىرۋ بارىسى تۋرالى ەسەبى قۇراستىرىلادى. 13. جوسپارلى ءىس-شارالاردى ىسكە اسىرۋ تۋرالى ماتەريالداردى بولىمشە باسشىلارى جوسپارلاردا كوزدەلگەن مەرزىمدە دايىندايدى جانە بولىنگەن مىندەتتەرگە سايكەس جەتەكشىلىك ەتۋشى ۆيتسە-مينيسترلەرمەن, جاۋاپتى حاتشىمەن كەلىسىلەدى, ودان سوڭ مينيسترگە جىبەرىلەدى. جاۋاپتى حاتشى مينيسترلىكتىڭ جۇمىس جوسپارىنىڭ ورىندالۋ بارىسى تۋرالى اي سايىن مينيسترگە بايانداپ وتىرادى. 14. ستراتەگيالىق جوسپاردى, مەموراندۋمدى ازىرلەۋ, ىسكە اسىرۋ, مونيتورينگ, تالداۋ, ءىس-شارالاردى تۇزەتۋ مەن جىل سايىن بەكىتۋ بويىنشا جۇمىستاردى ۇيلەستىرۋدى مينيسترلىكتىڭ ستراتەگيالىق ازىرلەمەلەر مەن حالىقارالىق باعدارلامالار دەپارتامەنتى جۇزەگە اسىرادى. مينيسترلىكتىڭ قۇرىلىمدىق بولىمشەلەرى وسى جۇمىستى ۇيلەستىرۋ ماقساتىندا ستراتەگيالىق ازىرلەمەلەر مەن حالىقارالىق باعدارلامالار دەپارتامەنتىنىڭ سۇراتۋى بويىنشا كورسەتىلگەن مەرزىمدە جانە كولەمدە قاجەتتى اقپاراتتى بەرەدى. 15. ستراتەگيالىق جوسپارعا وزگەرىستەر مەن تولىقتىرۋلار ەنگىزۋ كەزىندە وپەراتسيالىق جوسپار دا, قاجەت بولعان جاعدايدا, مينيسترلىكتىڭ جۇمىس جوسپارلارى دا تۇزەتىلەدى. جوسپارلارعا تۇزەتۋلەر مينيسترلىكتىڭ, ۇلتتىق بيۋرونىڭ قۇرىلىمدىق بولىمشەلەرى باسشىسىنىڭ دالەلدى قىزمەتتىك جازبا حاتى نەگىزىندە ەنگىزىلەدى. 3. القا وتىرىستارىن, كەڭەستەردى جوسپارلاۋ, دايىنداۋ جانە وتكىزۋ ءتارتىبى 16. مينيسترلىكتىڭ القاسى (بۇدان ءارى – القا) مينيستر جانىنداعى كونسۋلتاتيۆتىك-كەڭەسشى ورگانى بولىپ تابىلادى. القا وتىرىسىنىڭ قورىتىندىسى بويىنشا شەشىمدەردى مينيسترلىكتىڭ قۇرىلىمدىق بولىمشەلەرى, ۇلتتىق بيۋرو, اۋماقتىق ورگاندار ورىنداۋعا ءتيىس. القانىڭ ساندىق جانە جەكە قۇرامىن مينيستر بەكىتەدى جانە ول ۆيتسە-مينيسترلەردى, جاۋاپتى حاتشى, ۇلتتىق بيۋرو توراعاسى مەن مينيسترلىكتىڭ قۇرىلىمدىق بولىمشەلەرىنىڭ باسشىلارىنان قۇرالادى. 17. مينيسترلىكتىڭ القا وتىرىستارى القانىڭ كۇن تارتىبىنە سايكەس مەملەكەتتىك جانە ورىس تىلدەرىندە جۇرگىزىلەدى. القا وتىرىسى اشىق بولىپ تابىلادى. مينيستر القانىڭ جابىق وتىرىسىن وتكىزۋ تۋرالى حابارلاي الادى. القا وتىرىستارىندا قارالاتىن سۇراقتاردىڭ سانى شەكتەلمەيدى. القا مينيسترلىكتىڭ ەسەپتى كەزەڭگە قىزمەت ناتيجەلەرى جانە الداعى جىلعا نەگىزگى مىندەتتەر بويىنشا قازاقستان رەسپۋبليكاسى پرەمەر-ءمينيسترىنىڭ كەڭسەسى ۇسىنعان القا وتىرىسىن وتكىزۋ كەستەسىنە سايكەس قازاقستان رەسپۋبليكاسى پرەمەر-ءمينيسترىنىڭ قاتىسۋىمەن وتكىزىلەدى. 18. ءمينيستردىڭ شەشىمى بويىنشا كەزەكتەن تىس القا وتىرىستارى وتكىزىلۋى مۇمكىن. القا وتىرىسى, ەگەر وعان ونىڭ مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسىپ وتىرعان جاعدايدا, زاڭدى بولىپ سانالادى. القا مۇشەلەرى وتىرىستارعا الماستىرۋ قۇقىعىنسىز قاتىسادى. 19. القانىڭ جۇمىس جوسپارىن ءمينيستردىڭ تاپسىرماسى, ۆيتسە-مينيسترلەردىڭ, جاۋاپتى حاتشىنىڭ, مينيسترلىكتىڭ قۇرى­­­لىمدىق بولىمشەلەرىنىڭ, ۇلتتىق بيۋرونىڭ ۇسىنىستارى نەگىزىندە ۇبب ازىرلەيدى جانە ءمينيستردىڭ بۇيرىعىمەن بەكىتىلەدى. 20. مينيسترلىكتىڭ القا وتىرىسىنا مەملەكەتتىك ورگانداردىڭ وكىلدەرى, ولاردىڭ ارالاس قىزمەت سالالارىندا ۆەدومستۆوارالىق ۇيلەستىرۋ مىندەتتەرىنە قاراي, سونداي-اق ءمينيستردىڭ شەشىمى بويىنشا ۇكىمەتتىك ەمەس ۇيىمداردىڭ وكىلدەرى شاقىرىلادى. 21. مينيسترلىكتىڭ قۇرىلىمدىق بولىمشەلەرى قاجەتتى اقپاراتتىق جانە پرەزەنتاتسيالىق ماتەريالداردى مەملەكەتتىك جانە ورىس تىلدەرىندە ادەتتە, القا وتىرىسىنا دەيىن 10 (ون) جۇمىس كۇنىنەن كەشىكتىرمەي ۇبب-عا ۋاقىتىلى بەرەدى. ۇيىمداستىرۋ-باقىلاۋ باسقارماسى ماتەريالداردى القا توراعاسى مەن القا مۇشەلەرىنە وتىرىستىڭ بولاتىن كۇنىنە دەيىن 3 كۇنتىزبەلىك كۇننەن كەشىكتىرمەي بەرەدى. القانىڭ كەزەكتەن تىس وتىرىسىن وتكىزگەن كەزدە قارالاتىن ماسەلەلەر بويىنشا ماتەريالدار ۇبب-عا ونى وتكىزەتىن كۇنى ەنگىزىلەدى جانە القا وتىرىسىنىڭ قاتىسۋشىلارىنا تىكەلەي القا وتىرىسىندا جەتكىزىلەدى. القانىڭ قاراۋىنا ەنگىزىلەتىن ماتەريالداردى ۋاقىتىلى دايىنداۋ مەن ساپاسى ءۇشىن مينيسترلىكتىڭ جانە ۇلتتىق بيۋرونىڭ ماسەلەنى قاراۋ جونىندە باستاما كوتەرگەن قۇرىلىمدىق بولىمشەلەرىنىڭ باسشىلارى جاۋاپ بەرەدى. مينيسترلىكتىڭ, ۇلتتىق بيۋرونىڭ قۇرىلىمدىق بولىمشەلەرى ۇسىنعان اقپارات نەگىزىندە ءمينيستردىڭ بايانداماسى, پرەزەنتاتسيالىق ماتەريالدار, سونداي-اق مينيسترلىكتىڭ باسشىلىعى مەن القا قاتىسۋشىلارى ءۇشىن باسقا قاجەتتى ۇلەستىرمە ماتەريالدار دايىندالادى. قاجەت بولعان جاعدايدا, مينيسترلىكتىڭ ناقتى سۇراق بويىنشا القا وتىرىسىن وتكىزۋدىڭ وزگە ءتارتىبى بەلگىلەنۋى مۇمكىن. 22. ۇبب القا وتىرىسىندا قاراۋ ءۇشىن ۇسىنىلعان ماتەريالداردىڭ دايىندىعى دارەجەسىن زەردەلەيدى جانە مينيسترگە ولاردىڭ دايىندىعى تۋرالى باياندايدى, القا وتىرىسىنىڭ كۇن ءتارتىبى مەن جۇمىس رەگلامەنتى بەكىتىلەدى. القا توراعاسى: 1) القا وتىرىستارىنا توراعالىق ەتەدى; 2) القانىڭ جۇمىسىن ۇيىمداستىرادى; 3) القانىڭ جۇمىس جوسپارىن, القانىڭ كۇن ءتارتىبىن, جۇمىس رەگلامەنتىن, وتىرىستى وتكىزۋ كۇنى, ۋاقىتى مەن ورنىن, جۇرگىزۋ ءتارتىبى مەن وزگە دە قاجەتتى قۇجاتتار مەن ماتەريالداردى بەكىتەدى; 4) القانىڭ قاراۋىنا ەنگىزىلگەن ماسەلەلەر بويىنشا بايانداماشىلاردى ايقىندايدى. جوسپارلانعان سۇراقتاردى الىپ تاستاۋ جانە كۇن تارتىبىنە جوسپارلانباعان سۇراقتاردى ەنگىزۋگە تەك ءمينيستردىڭ شەشىمىمەن رۇقسات ەتىلەدى. 23. القا مۇشەلەرى: 1) القانىڭ قاراۋىنا ەنگىزىلگەن ماسەلەلەر بويىنشا داۋىس بەرەدى; 2) جوسپارلانعان سۇراقتاردى الىپ تاستاۋ جانە القانىڭ قاراۋى ءۇشىن كۇن تارتىبىنە جوسپارلانباعان سۇراقتاردى ەنگىزۋ جونىندە ۇسىنىستار ەنگىزەدى. القا مۇشەلەرى ەرەكشە پىكىر ايتا الادى, ول جازباشا تۇردە باياندالادى جانە القا وتىرىسىنىڭ حاتتاماسىنا قوسا بەرىلەدى. القا وتىرىسى ونىڭ مۇشەلەرىنىڭ كوپشىلىك داۋىسىمەن قابىلدانادى. داۋىستار تەڭ بولعان جاعدايدا, القا توراعاسى داۋىس بەرگەن شەشىم قابىلدانعان بولىپ ەسەپتەلەدى. 24. بولعان تالقىلاۋدى ەسكەرە وتىرىپ, ماسەلەنى دايىنداعان بولىمشە 1 جۇمىس كۇنى ىشىندە القا وتىرىسىنىڭ حاتتاماسىن, باسقا ماتەريالداردى پىسىقتايدى جانە ولاردى جەتەكشىلىك ەتۋشى ۆيتسە-مينيسترلەر جانە/نەمەسە جاۋاپتى حاتشىمەن كەلىسكەن سوڭ ۇبب-عا بەرەدى. القا وتىرىسى حاتتاماسىنىڭ مەملەكەتتىك جانە ورىس تىلدەرىندەگى جوباسى ۆيتسە-مينيسترلەرمەن جانە/نەمەسە جاۋاپتى حاتشىمەن جانە مينيسترلىكتىڭ مۇددەلى قۇرىلىمدىق بولىمشەلەرىمەن كەلىسكەن سوڭ, القا وتىرىسى وتكىزىلگەن كۇننەن 3 جۇمىس كۇنىنەن كەشىكتىرمەي القا توراعاسىنىڭ قول قويۋى ءۇشىن ۇسىنىلادى. ەگەر حاتتاما جوباسىن كەلىسۋ بارىسىندا قۇرىلىمدىق بولىمشەلەردىڭ اراسىندا جەكەلەگەن سۇراقتار بويىنشا كەلىسپەۋشىلىكتەر تۋىنداسا, داۋلى ماسەلە بويىنشا سوڭعى شەشىمدى مينيستر قابىلدايدى. قازاقستان رەسپۋبليكاسى پرەمەر-ءمينيسترىنىڭ توراعالىعىمەن وتەتىن القا قورىتىندىسى بويىنشا حاتتاما جوباسى مۇددەلى قۇرىلىمدىق بولىمشەلەرمەن جانە مينيسترلىكتىڭ باسشىلىعىمەن كەلىسىلگەن سوڭ قازاقستان رەسپۋبليكاسى پرەمەر-ءمينيسترىنىڭ كەڭسەسىنە جىبەرىلەدى. القا وتىرىسىنىڭ حاتتاماسى وعان القا توراعاسى قول قويعان سوڭ, بىرىڭعاي ەلەكتروندىق قۇجات اينالىمى جۇيەسىندە تىركەلەدى جانە دەرەۋ تانىسۋ جانە ورىنداۋ ءۇشىن حاتتامادا ورىنداۋشىلار رەتىندە كورسەتىلگەن تۇلعالارعا جانە بولىمشەلەرگە, سونداي-اق باقىلاۋعا قويۋ مەن ونى جۇزەگە اسىرۋ, حاتتامانىڭ تۇپنۇسقالارىن ساقتاۋدى ۇيىمداستىرۋ ءۇشىن ۇبب-عا جىبەرىلەدى. القا شەشىمدەرىنىڭ ساپالى جانە ۋاقىتىلى ورىندالۋىن قامتاماسىز ەتۋ ماقساتىندا ولاردىڭ تۇجىرىمدارى ناقتى شارالار قابىلداۋ تۋرالى انىق جانە ناقتى تاپسىرمالاردى, سونداي-اق ورىنداۋ مەرزىمىن قامتۋى ءتيىس. القا وتىرىسىنىڭ حاتتاماسىندا تاپسىرمانى ورىنداۋدىڭ ناقتى مەرزىمى («تۇراقتى», «جىل ىشىندە») ايقىندالماسا, وندا ولار مينيسترگە حابارلانا وتىرىپ, ەسەپتى جىل ىشىندە وسى كەزەڭ وتكەن سوڭ ورىندالادى. القا شەشىمدەرىنە سايكەس دايىندالعان بۇيرىقتار, قىزمەتتىك جازبالار, حاتتار تاپسىرمالارعا ۆيتسە-مينيسترلەر جانە/نەمەسە جاۋاپتى حاتشى قول قويادى جانە القا وتىرىسىنىڭ حاتتاماسىندا بەلگىلەنگەن مەرزىمدە مينيسترگە ۇسىنىلادى. 25. ۇبب القا وتىرىسىن ۇيىمداستىرۋ جۇمىستارىن جۇزەگە اسىرادى, ءىس جۇرگىزەدى, جىل سايىن القانى وتكىزۋ ءتاجى­ريبەسىن زەردەلەيدى جانە قورىتادى جانە مينيسترگە ونىڭ قىزمەتىن جەتىلدىرۋ شارالارى تۋرالى ۇسىنىستار ەنگىزەدى. 26. القا جۇمىسىنىڭ قورىتىندىسى تۋرالى اقپارات مينيسترلىكتىڭ رەسمي ينتەرنەت-رەسۋرسىندا ورنالاستىرىلادى. 27. مينيستر اپتا سايىن دۇيسەنبى كۇنى مينيسترلىكتىڭ قۇزىرەتىنە كىرەتىن ماسەلەلەر, مينيسترلىككە جۇكتەلگەن مىندەتتەر مەن ءىس-شارالاردى جۇزەگە اسىرۋ, سونداي-اق ەڭبەك جانە ورىنداۋشىلىق ءتارتىپتى ساقتاۋ مەن مينيسترلىكتىڭ قىزمەتىنىڭ اسا وزەكتى ماسەلەلەرىنە قاتىستى باسقا دا ماسەلەلەر بويىنشا اپپاراتتىق كەڭەس وتكىزەدى. اپپارات كەڭەستەرىنە ۆيتسە-مينيسترلەر, جاۋاپتى حاتشى, قۇرىلىمدىق بولىمشەلەردىڭ باسشىلارى, سونداي-اق ۇلتتىق بيۋرونىڭ توراعانىڭ ورىنباسارىنان تومەن ەمەس دەڭگەيدەگى وكىلى قاتىسادى. قۇرىلىمدىق بولىمشەلەر باسشىلارى بولماعان كەزدە ولاردى الماستىراتىن تۇلعالار قاتىسادى. اپپاراتتىق كەڭەستەردى ۇيىمداستىرۋ مەن وتكىزۋدى مينيسترلىكتىڭ اكىمشىلىك دەپارتامەنتى قامتاماسىز ەتەدى. اپپاراتتىق كەڭەستە قارالۋى ءۇشىن جوسپارلانعان سۇراقتار بويىنشا قاجەتتى ماتەريالداردى قۇرىلىمدىق بولىمشەلەر مينيسترلىكتىڭ اكىمشىلىك دەپارتامەنتىنە كەڭەس وتكىزىلگەنگە دەيىن ەكى كۇنتىزبەلىك كۇن بۇرىن, ودان كەشىكتىرمەي ۇسىنادى. كەڭەس بارىسىندا بەرىلگەن تاپسىرمالار اپپاراتتىق كەڭەس حاتتاماسىندا كورسەتىلەدى. مينيستر اپپاراتتىق كەڭەستى وتكىزۋدىڭ بەلگىلەنگەن ءتارتىبىن وزگەرتە الادى. مينيسترلىك باسشىلىعى نەمەسە قۇرىلىمدىق بولىمشەلەردىڭ باسشىلارى ۇسىنعان وزگە دە سۇراقتار بويىنشا جەدەل كەڭەستەر وتكىزىلەدى. جەدەل كەڭەستەر قازاقستان رەسپۋبليكاسى پرەزيدەنتىنىڭ اكتىلەرى مەن تاپسىرمالارىن ىسكە اسىرۋ ماسەلەلەرى بويىنشا دا وتكىزىلەدى. بۇل كەڭەستەر پرەزيدەنت اكىمشىلىگىنىڭ, پرەمەر-ءمينيسترى كەڭسەسىنىڭ مينيسترلىكتىڭ قىزمەتىنە جەتەكشىلىك ەتەتىن وكىلدەرىنىڭ قاتىسۋىمەن وتكىزىلۋى مۇمكىن. 28. ايىنا كەمىندە ەكى رەت مينيسترلىكتىڭ اۋماقتىق بولىمشەلەرىمەن ۆيدەو-كونفەرەنتسيا فورماتىندا كەڭەستەر وتكىزىلەدى. ۆيدەو-كونفەرەنتسيا فورماتىنداعى كەڭەستەرگە ماتەريالداردى مينيسترلىكتىڭ قۇرىلىمدىق بولىمشەلەرى دايىندايدى, ونى ۆيتسە-مينيسترلەرمەن جانە/نەمەسە جاۋاپتى حاتشىمەن كەلىسكەن سوڭ, ۇبب-عا بەرىلەدى. ۇبب ماتەريالداردى جيناقتاۋ مەن قورىتۋدى جۇزەگە اسىرادى جانە كەڭەس وتكىزىلەتىن كۇنگە دەيىن 1 جۇمىس كۇنىنەن كەشىكتىرمەي ءمينيستردىڭ كەڭەسشىسىنە مينيسترگە ۇسىنۋ ءۇشىن جىبەرەدى. 29. ءىس جۇرگىزۋ مەن كەڭەستەر وتكىزۋدى ۇيىمداستىرۋ, ونىڭ ىشىندە قاتىسۋشىلارعا حابارلاۋ, ماتەريالداردى دايىنداۋ, حاتتاما جۇرگىزۋدى ۇبب جۇزەگە اسىرادى. ۇبب مينيسترلىكتىڭ اپپاراتتىق, جەدەل كەڭەستەرىنىڭ حاتتامالىق شەشىمدەرىنىڭ ورىندالۋىنا باقىلاۋ جۇرگىزەدى. 4. قۇرىلىمدىق بولىمشەلەردىڭ جۇمىسىن ۇيىمداستىرۋ 30. مينيسترلىكتىڭ قۇرىلىمدىق بولىمشەلەرىنىڭ جۇمىسىن ۇيىمداستىرۋدى تىكەلەي ولاردىڭ باسشىلارى قامتاماسىز ەتەدى. 31. مينيستر نەمەسە ۆيتسە-مينيسترلەر جەتەكشىلىك ەتەتىن, ولاردىڭ مىندەتتەرى مەن فۋنكتسيالارى, اتالعان قۇرىلىمدار باسشىلارىنىڭ لاۋازىمدىق وكىلەتتىكتەرى ايقىندالاتىن, مينيسترلىكتىڭ قۇرىلىمدىق بولىمشەلەرى تۋرالى ەرەجەنى جاۋاپتى حاتشى مينيسترمەن كەلىسىم بويىنشا بەكىتەدى. مينيسترلىكتىڭ جاۋاپتى حاتشى جەتەكشىلىك ەتەتىن, ولاردىڭ مىندەتتەرى مەن فۋنكتسيالارى ايقىندالاتىن قۇرىلىمدىق بولىمشەلەرى تۋرالى ەرەجەنى ولاردىڭ وزدەرى دەربەس بەكىتەدى. 5. ۇلتتىق بيۋرو, مينيسترلىكتىڭ اۋماقتىق بولىمشەلەرى جانە ۆەدومستۆوعا قاراستى ۇيىمدارىمەن ءوزارا ءىس-قيمىلى 32. مينيسترلىك ۇلتتىق بيۋرونىڭ, قۇرىلىمدىق جانە اۋماقتىق بولىمشەلەردىڭ, ۆەدومستۆوعا قاراستى ۇيىمدارعا جالپى باسشىلىق پەن ولاردىڭ قىزمەتىن ۇيلەستىرۋدى جۇزەگە اسىرادى جانە مەملەكەتتىك جوسپارلاۋ جۇيەسىنىڭ قۇجاتتارىنا سايكەس نەگىزگى دامۋ باعىتتارىن ايقىندايدى. 33. مينيسترلىكتىڭ ۆەدومستۆوسى بولا وتىرىپ, ۇلتتىق بيۋرو مينيسترلىككە ەسەپ بەرەدى جانە باقىلاۋىندا بولادى, ءوز قىزمەتىن مەملەكەتتىك جوسپارلاۋ جۇيەسىنىڭ قۇجاتتارىندا, نورماتيۆتىك قۇقىقتىق اكتىلەردە جانە مينيسترلىك باسشىلارىنىڭ تاپسىرمالارىندا كورسەتىلگەن مىندەتتەرگە سايكەس جۇزەگە اسىرادى. 34. ۇلتتىق بيۋرو مينيسترلىككە ءوز قىزمەتى تۋرالى مىناداي اقپاراتتى بەرەدى: رەسپۋبليكا بويىنشا تىركەلگەن سىبايلاس جەمقورلىق قۇقىق بۇزۋشىلىقتار تۋرالى جەدەل جيىنتىق اقپاراتتى (قازاقستان رەسپۋبليكاسى پرەزيدەنتى اكىمشىلىگى ۇسىنعان نىساندا) – كۇن سايىن; مىناداي اقپاراتتى: مينيسترلىكتىڭ جۇمىسى تۋرالى ەسەپكە قوسۋ ءۇشىن ۇلتتىق بيۋرونىڭ قىزمەتى تۋرالى – جارتى جىلدا ءبىر رەت, 10 شىلدە جانە 10 قاڭتاردان كەشىكتىرمەي; سىبايلاس جەمقورلىقتى قىلمىستىق-قۇقىقتىق ادىستەر ارقىلى تالداۋ مەن باعالاۋ ماقساتىندا «قىلمىستىق قۋدالاۋ ورگاندارىنىڭ جۇمىسى تۋرالى» №1-ە ستاتيستيكالىق ەسەپ نىسانىندا ۇلتتىق بيۋرونىڭ سىبايلاس جەمقورلىققا قارسى ءىس-قيمىل سالاسىنداعى قىزمەتىنىڭ ناتيجەلەرى تۋرالى – توقسان سايىن, ەسەپتى كەزەڭنەن كەيىنگى ايدىڭ 10-نان كەشىكتىرمەي; مينيسترلىكتىڭ ستراتەگيالىق جانە وزگە جوسپارلارىندا كوزدەلگەن ءىس-شارالاردى ورىنداۋ تۋرالى (مينيسترلىكتىڭ ورتالىق اپپاراتىنىڭ قۇرىلىمدىق بولىمشەلەرىنىڭ سۇراتۋى بويىنشا); سىبايلاس جەمقورلىققا قارسى ءىس-قيمىل تۋرالى جىل سايىنعى ۇلتتىق باياندامانى دايىنداۋ ءۇشىن (مينيسترلىكتىڭ ورتالىق اپپاراتىنىڭ قۇرىلىمدىق بولىمشەلەرىنىڭ سۇراتۋى بويىنشا); ۇلتتىق بيۋرونىڭ جەكە قۇرامى اراسىندا تىركەلگەن وقيعالار تۋرالى (مينيسترلىكتىڭ ورتالىق اپپاراتىنىڭ قۇرىلىمدىق بولىمشەلەرىنىڭ سۇراتۋى بويىنشا); مينيسترلىكتىڭ ورتالىق اپپاراتى قىزمەتكەرلەرىنىڭ زاڭعا قايشى مىنەز-ق ۇلىق فاكتىلەرى تۋرالى; ۇلتتىق بيۋرونىڭ كومەكشى قىزمەتتەرىنىڭ جۇمىسى تۋرالى (مينيسترلىكتىڭ ورتالىق اپپاراتىنىڭ قۇرىلىمدىق بولىمشەلەرىنىڭ سۇراتۋى بويىنشا). 35. مينيسترلىك باسشىلىعىنىڭ ۇلتتىق بيۋرو قىزمەتى سالاسىنا قاتىستى ماسەلەلەر بويىنشا تاپسىرمالارىن ولار تاپسىرمادا بەلگىلەنگەن مەرزىمدە ورىندايدى. 36. مينيسترلىك باسشىلىعىنىڭ تاپسىرمالارىن ۇلتتىق بيۋروعا جەتكىزۋ جانە ولاردىڭ ورىندالۋىن باقىلاۋدى مينيسترلىكتىڭ قۇجاتتامالىق قامتاماسىز ەتۋ قىزمەتى جۇزەگە اسىرادى. 37. مينيسترلىك باسشىلىعىنىڭ تاپسىرمالارىن ورىنداۋ بارىسىندا ۇلتتىق بيۋرو مينيسترلىكتىڭ قۇرىلىمدىق بولىمشەلەرىمەن ءوزارا بىرلەسىپ جۇمىس ىستەيدى. 38. ۇلتتىق بيۋرو جەدەل-ىزدەستىرۋ جانە ءىس جۇرگىزۋ قىزمەتىن جۇزەگە اسىرۋ شەگىندە وزگە مەملەكەتتىك ورگاندارعا, ۇيىمدارعا جانە لاۋازىمدى تۇلعالارعا دەربەس جۇگىنە الادى. 39. مينيسترلىكتىڭ قۇرىلىمدىق بولىمشەلەرىنىڭ ۇلتتىق بيۋرومەن ءوزارا ءىس-قيمىلى كەزىندە تۋىندايتىن كەلىسپەۋشىلىكتەردى ۇلتتىق بيۋروعا جەتەكشىلىك ەتەتىن ۆيتسە-مينيستر نەمەسە جاۋاپتى حاتشى قاراستىرادى. قاراستىرعان سوڭ اتالعان كەلىسپەۋشىلىك رەتتەلمەگەن جاعدايدا, ولار بويىنشا شەشىمدى مينيستر قابىلدايدى. ۇلتتىق بيۋرو مەن ولارعا جەتەكشىلىك ەتەتىن ۆيتسە-مينيسترلەر نەمەسە جاۋاپتى حاتشى اراسىنداعى كەلىسپەۋشىلىكتەردى ءاربىر تاراپتىڭ جازباشا ءوتىنىشى بويىنشا مينيستر قاراستىرادى. 40. مينيسترلىكتىڭ اۋماقتىق بولىمشەلەرى ورتالىق اپپاراتقا مىناداي اقپاراتتى بەرەدى. 1) مەملەكەتتىك قىزمەت جەلىسى بويىنشا: جىل سايىن: مەملەكەتتىك قىزمەت كادرلارى جاعدايىنا مونيتورينگ بويىنشا ەسەپتەر; مەملەكەتتىك ورگانداردىڭ قىزمەتى تيىمدىلىگىن باعالاۋ ناتيجەلەرى بويىنشا اقپارات (قىزمەتكەرلەردى وقۋمەن, كاسىبي دامۋدىڭ جەكە جوسپارلارىمەن, اكىمشىلىك مەملەكەتتىك قىزمەتشىلەردى باعالاۋمەن قامتۋ, بوس ادام-كۇنىنىڭ ۇلەسى); توقسان سايىن: اكىمشىلىك مەملەكەتتىك قىزمەتشىلەردىڭ قىزمەتى تيىمدىلىگىن باعالاۋ قورىتىندىسى بويىنشا اقپارات («ۇزدىك», «ءتيىمدى», «قاناعاتتانارلىق», «قاناعاتتانارلىقسىز» ناتيجەلەرى بار مەملەكەتتىك قىزمەتشىلەردىڭ ۇلەسى); مەملەكەتتىك قىزمەتكە العاش كىرگەن جانە سىناق مەرزىمىنەن ويداعىداي وتكەن تۇلعالار سانى; مەملەكەتتىك قىزمەتشىلەردى قايتا دايارلاۋ جانە ولاردىڭ بىلىكتىلىگىن ارتتىرۋ تۋرالى اقپارات; اي سايىن: مەملەكەتتىك ورگاندار بولىنىسىندە بوس لاۋازىمدار سانى; مەملەكەتتىك قىزمەتشىلەردىڭ اۋىسۋ پايىزى; «ە-قىزمەت» ااج-ىن ەنگىزگەن مەملەكەتتىك ورگانداردىڭ سانى (وبلىستىڭ جالپى مەملەكەتتىك ورگاندارى سانىنان); مەملەكەتتىك قىزمەتشىلەر جانە «ا» كورپۋسىنىڭ رەزەرۆشىلەرى تۋرالى مالىمەتتەر («ا» كورپۋسىنىڭ لاۋازىمدارىنا تاعايىنداۋ, «ا» كورپۋسىنىڭ لاۋازىمىنان بوساتۋ, روتاتسيا, بوس لاۋازىمدار, ونىڭ ىشىندە 2 ايدان استام ۋاقىت ىشىندە ولاردىڭ بوس بولۋ سەبەپتەرى, رەزەرۆشىلەردى وقىتۋ, تارتىپتىك جازالار تۋرالى); اپتا سايىن: زاڭنامانى ءبىلۋ (ونىڭ ىشىندە باستاپقى مەجەدەن وتكەندەر) جانە جەكە قاسيەتتەرىن باعالاۋ ءۇشىن تەستىلەۋدەن وتكەندەر سانى; مەملەكەتتىك ورگاندار بولىنىسىندە وتكىزىلگەن كونكۋرستار سانى (جالپى جانە ىشكى); 2) مەملەكەتتىك قىزمەتتەر جەلىسى بويىنشا: توقسان سايىن: مەملەكەتتىك قىزمەتتەر كورسەتۋ سالاسىندا زاڭنامانى ساقتاۋ بويىنشا, ونىڭ ىشىندە مەملەكەتتىك قىزمەت ستاندارتتارى مەن رەگلامەنتتەرىنىڭ مەملەكەتتىك قىزمەتتەر تۋرالى زاڭناماعا جانە ۆەدومستۆولىق نورماتيۆتىك قۇقىقتىق اكتىلەرگە قاتىستى انىقتالعان سايكەسسىزدىگى, ولاردى جويۋ بويىنشا ۇسىنىستار ازىرلەي وتىرىپ, جۇرگىزىلگەن تەكسەرۋ تۋرالى اقپارات; مەملەكەتتىك قىزمەت كورسەتۋ ساپاسىنا مونيتورينگ ناتيجەلەرى بويىنشا قابىلدانعان شارالار تۋرالى اقپارات («مونيتورينگ» ااج مالىمەتتەرىن, قىزمەت الۋشىلاردىڭ ەسەپتەرىن, جەكە جانە زاڭدى تۇلعالاردىڭ وتىنىشتەرىن تالداۋ, مەملەكەتتىك ورگاندار, قىزمەت بەرۋشىلەردىڭ مەملەكەتتىك قىزمەت كورسەتۋ ورىندارىندا, ينتەرنەت-رەسۋرستارىندا مەملەكەتتىك قىزمەت كورسەتۋ ءتارتىبى تۋرالى تولىق جانە سەنىمدى اقپاراتتى ورنالاستىرۋ مونيتورينگى); انىقتالعان «جاسىرىن» مەملەكەتتىك قىزمەتتەر تۋرالى اقپارات; مەملەكەتتىك قىزمەتتەر كورسەتۋ راسىمدەرىن جەتىلدتسرۋ بويىنشا ازىرلەنگەن ۇسىنىستار تۋرالى اقپارات; 3) سىبايلاس جەمقورلىققا قارسى ساياسات جەلىسى بويىنشا: اپتا سايىن: مەملەكەتتىك ورگانداردىڭ سىبايلاس جەمقورلىققا قارسى قاتەرلەرىن تالداۋدىڭ ارالىق ناتيجەلەرى (سىرتقى تالداۋ جۇرگىزۋ كەزىندە); اي سايىن: سىبايلاس جەمقورلىققا قارسى وقۋ-اعارتۋ جانە ءبىلىم, جۇرتشىلىقپەن ءوزارا ءىس-قيمىل بويىنشا وتكىزىلگەن ءىس-شارالار تۋرالى اقپارات; سىبايلاس جەمقورلىقتىڭ كەز كەلگەن كورىنىستەرىنە توزبەۋشىلىك اتموسفەراسىن قۇرۋ مەن قوعامدا سىبايلاس جەمقورلىققا قارسى مادەنيەتتى قالىپتاستىرۋ بويىنشا اشىق كەلىسىم بويىنشا اقپارات; سىبايلاس جەمقورلىققا قارسى مونيتورينگ بويىنشا دەرەكتەر; مەملەكەتتىك قىزمەت تۋرالى زاڭنامانىڭ ساقتالۋىن باقىلاۋ جەلىسى بويىنشا: اپتا سايىن: «قازاقستان رەسپۋبليكاسىنىڭ مەملەكەتتىك قىزمەت تۋرالى» زاڭناماسىنىڭ ساقتالۋىن باقىلاۋ بويىنشا تەكسەرۋ قورىتىندىسى; كۇندەلىكتى: تارتىپتىك جاۋاپكەرشىلىككە تارتىلعان مەملەكەتتىك قىزمەتشىلەر سانى; 4) اقپاراتتىق-يميدجدىك جۇمىس جەلىسى بويىنشا: اپتا سايىن: وزىنە وزەكتى ءىس-شارالاردى قامتيتىن ءبىر اپتاعا جۇمىس جوسپارى (سويلەنەتىن سوزدەر, بريفينگتەر, دوڭگەلەك ۇستەلدەر, جانە ت.ب.). جىل سايىنعى اقپارات ەسەپتى كەزەڭنەن كەيىنگى ايدىڭ 1-نە دەيىن ۇسىنىلادى. توقسان سايىنعى اقپارات ەسەپتى كەزەڭنەن كەيىنگى ايدىڭ 5-نە دەيىن ۇسىنىلادى. اي سايىنعى اقپارات ەسەپتى كەزەڭنەن كەيىنگى ايدىڭ 5-نە دەيىن ۇسىنىلادى. اپتا سايىنعى اقپارات ءاربىر اپتانىڭ ءبىرىنشى جۇمىس كۇنىنەن كەشىكتىرمەي ۇسىنىلادى. كۇندەلىكتى اقپارات كەلەسى جۇمىس كۇنىنىڭ ساعات 10.00-دەن كەشىكتىرمەي ۇسىنىلادى. 41. اۋماقتىق ورگاندارعا جانە ۇلتتىق بيۋروعا تاپسىرمالار مينيسترلىكتىڭ جۇمىس جوسپارىنا نەمەسە دەربەس بولىمشەنىڭ جۇمىس جوسپارىنا سايكەس مەملەكەت باسشىسىنىڭ, قازاقستان رەسپۋبليكاسى پرەزيدەنتى اكىمشىلىگى جانە ۇكىمەتى باسشىلىعىنىڭ تاپسىرمالارىن ورىنداۋ, سونداي-اق جەكە جانە زاڭدى تۇلعالاردىڭ وتىنىشتەرىن قاراۋ كەزىندە جانە وزگە جاعدايلاردا جىبەرىلەدى. تاپسىرمالاردى مينيستر, ۆيتسە-مينيسترلەر نەمەسە جاۋاپتى حاتشى بەرە الادى. ۇلتتىق بيۋروعا, اۋماقتىق بولىمشەلەرگە مينيسترلىككە كەزەكتى ەسەپ اقپاراتىن بەرۋ تۋرالى سۇراتۋ, ونىڭ ىشىندە جەكە جانە زاڭدى تۇلعالاردىڭ وندىرىستە جاتقان وتىنىشتەرى شەڭبەرىندە سۇراتۋعا مينيستر, ۆيتسە-مينيسترلەر نەمەسە جاۋاپتى حاتشى, سونداي-اق مينيسترلىكتىڭ قۇرىلىمدىق بولىمشەلەرىنىڭ باسشىلارى ءوز قۇزىرەتى شەگىندە قول قويادى. بۇل مەملەكەت باسشىسىنىڭ, قازاقستان رەسپۋبليكاسى پرەزيدەنتى اكىمشىلىگى مەن ۇكىمەتى باسشىلىعىنىڭ, ءمينيستردىڭ, ۆيتسە-مينيسترلەردىڭ جانە جاۋاپتى حاتشىنىڭ جاڭا تاپسىرمالارىن, جالپى مەملەكەتتىك ءىس-شارالاردى ورىنداۋعا, باستاپقى تاپسىرمانى ساپاسىز ورىنداۋعا, جاڭادان اشىلعان جاعداياتتارعا بايلانىستى جاعدايلاردى قوسپاعاندا, اۋماقتىق ورگاندارعا قوسىمشا تاپسىرمالار جىبەرۋگە رۇقسات ەتىلمەيدى. قوسىمشا تاپسىرمالارعا مينيستر, ۆيتسە-مينيسترلەر نەمەسە جاۋاپتى حاتشى قول قويادى. ەلەكتروندىق دەرەكتەر قورى ارقىلى الۋعا مۇمكىن ەمەس اقپاراتتى بەرۋ تۋرالى تاپسىرمالار بەرۋگە رۇقسات ەتىلمەيدى. 42. جىبەرىلگەن تاپسىرمالاردى ەسەپكە الۋ بىرىڭعاي ەلەكتروندىق قۇجات اينالىمى جۇيەسى (بۇدان ءارى – بەقاج) ارقىلى جۇرگىزىلەدى. 43. تاپسىرمانى تيىسىنشە ەسەپكە الۋدى قامتاماسىز ەتۋ ماقساتىندا مينيسترلىكتىڭ قۇرىلىمدىق بولىمشەلەرى جارتى جىلدا 1 رەتتەن كەم ەمەس اۋماقتىق ورگاندارعا جانە ۇلتتىق بيۋروعا جىبەرىلگەن تاپسىرمالارعا ءوزىنىڭ وزەكتىلىگىن جوعالتقان تاپسىرمانى جويۋ ءۇشىن رەۆيزيا جۇرگىزەدى. تۇراقتى نەمەسە دۇركىن-دۇركىن ورىنداۋ مەرزىمى بار تاپسىرمالاردى جويۋدى مينيسترلىكتىڭ ونى جىبەرگەن قۇرىلىمدىق بولىمشەلەرى جۇزەگە اسىرادى, ول تۋرالى اۋماقتىق ورگاندار مەن ۇلتتىق بيۋروداعى ورىنداۋشىلارعا دەرەۋ جەتكىزىلەدى. 44. مينيسترلىك قازاقستان رەسپۋبليكاسىنىڭ 2015 جىلعى 23 قاراشاداعى «قازاقستان رەسپۋبليكاسىنىڭ مەملەكەتتىك قىزمەتى تۋرالى» (بۇدان ءارى – مەملەكەتتىك قىزمەت تۋرالى زاڭ) جانە ازاماتتاردىڭ وتىنىشتەرىن قاراۋ تۋرالى زاڭدارىنا سايكەس ۇلتتىق بيۋرونىڭ, اۋماقتىق بولىمشەلەردىڭ, ۆەدومستۆوعا قاراستى ۇيىمداردىڭ قىزمەتىنە تەكسەرۋ, سونداي-اق جەكە جانە زاڭدى تۇلعالاردىڭ شاعىمدارى بويىنشا تەكسەرۋ ۇيىمداستىرادى. 45. ۆيتسە-مينيسترلەر جانە جاۋاپتى حاتشى رەتىندە مينيسترلىك باسشىلىعى مينيسترلىكتە بەلگىلەنگەن كەستە, مينيسترلىكتىڭ جۇمىس جوسپارىنا, سونداي-اق ءمينيستردىڭ نۇسقاۋى بويىنشا تەكسەرۋ جۇرگىزۋ نەمەسە مينيسترلىكتىڭ اۋماقتىق بولىمشەلەرىنىڭ قىزمەتىن ۇيىمداستىرۋعا كومەك كورسەتۋ ءۇشىن وڭىرلەرگە بارادى. 46. اۋماقتىق ورگاندارعا شىعۋعا دايىندىق كەزىندە مينيسترلىكتە تەكسەرىلەتىن وڭىردەگى جۇمىس جاعدايىن سيپاتتايتىن قولدا بار ستاتيستيكالىق جانە وزگە ماتەريالداردى تالداۋ, مينيسترلىك القاسىنىڭ شەشىمدەرىمەن, الدىڭعى تەكسەرۋ قورىتىندىسىمەن جانە ولار بويىنشا قابىلدانعان شەشىمدەرمەن تانىسۋ, بارۋ ماقساتىنا سايكەس جۇمىستىڭ نەگىزگى باعىتتارىن ايقىنداۋ, تەكسەرۋ جۇرگىزۋ جوسپارىن قۇرۋ قاجەت. 47. كەشەندى تەكسەرۋ بولىمشەنىڭ قىزمەتى جاعدايىن جان-جاقتى تەكسەرۋ, ماقساتتى – قاجەت بولعان جاعدايدا, بولىمشەلەردەگى جەكەلەگەن قىزمەت باعىتتارىنىڭ جاعدايىن زەردەلەۋ ءۇشىن جۇرگىزىلەدى. كەشەندى تەكسەرۋ ءۇش جىلدا ءبىر رەت جۇرگىزىلەدى, ۇبب ۇيىمداستىرادى جانە ءمينيستردىڭ نۇسقاۋى بويىنشا ۆيتسە-مينيسترلەر نەمەسە مينيسترلىكتىڭ قۇرىلىمدىق بولىمشەلەرىنىڭ ديرەكتورلارى (ديرەكتورلارىنىڭ ورىنباسارلارى) باسقارادى. اۋماقتىق بولىمشەلەردى كەشەندى تەكسەرۋ جوسپارىن جاۋاپتى حاتشى بەكىتەدى. 48. كەشەندى تەكسەرۋ جۇرگىزۋ ءۇشىن كوميسسيا قۇرامى مينيسترلىكتىڭ قۇرىلىمدىق بولىمشەلەرىنىڭ باسشىلىعى ايقىندايتىن قىزمەتكەرلەرىنەن قۇرالادى. كوميسسيا قۇرامىنا مينيسترلىك باسشىلىعىنىڭ شەشىمى بويىنشا اۋماقتىق ورگانداردىڭ قىزمەتكەرلەرى دە ەنگىزىلەدى. تەكسەرۋگە شىعاتىن كوميسسيا قۇرامىنا نۇسقاۋلىقتى ۆيتسە-مينيسترلەر نەمەسە جاۋاپتى حاتشى ءمينيستردىڭ نۇسقاۋى بويىنشا جۇرگىزەدى. 49. جوسپاردان تىس ءىسساپارلار (توتەنشە جاعدايلارعا بايلانىستى, شاعىمداردى تەكسەرۋ ءۇشىن, وزگە ماسەلەلەردى شەشۋ ءۇشىن) ءمينيستردىڭ نۇسقاۋى بويىنشا جۇرگىزىلەدى. 50. ماقساتتى تەكسەرۋدىڭ ۇزاقتىعى 5 جۇمىس كۇنىنەن اسپاۋى ءتيىس, ال كەشەندى تەكسەرۋ جۇرگىزۋ ءۇشىن – جولدى ءجۇرۋ ۋاقىتىن ەسەپتەمەگەندە, 10 جۇمىس كۇنىن قۇرايدى. تەكسەرۋ مەرزىمىن تەكسەرۋ جۇرگىزۋ تۋرالى شەشىم قابىلداعان لاۋازىمدى تۇلعا ۇزارتادى. 51. تەكسەرۋ قورىتىندىسى تۋرالى انىقتاما (كەشەندى – كولەمى 20 بەتتەن اسپايتىن, ماقساتتى – 5-7 بەتتەن اسپاي­تىن) سول جەردە ەركىن تۇردە ەكى دانادا جاسالادى, كوميسسيانىڭ بارلىق مۇشەلەرى, تەكسەرىلگەن بولىمشەنىڭ باس­شى­سى قول قويادى جانە اۋماقتىق ورگاننىڭ, ونىڭ لاۋازىمدى تۇلعالارىنىڭ قىزمەتى تۋرالى باعالاۋ مەن تالداۋ­دان, جىبەرىلگەن كەمشىلىكتەر جانە بۇزۋشىلىقتار سەبەپتەرى تۋرالى قورىتىندى, ولاردى جويۋ بويىنشا ۇسىنىم­دار­دان تۇرادى. انىقتامانىڭ ءبىر داناسى تەكسەرىلگەن بولىمشەنىڭ باسشىسىنا تانىسۋ جانە انىقتالعان بۇزۋشىلىقتاردى جويۋ بويىنشا شارالار قابىلداۋ ءۇشىن بەرىلەدى. تەكسەرۋ جۇرگىزۋ قورىتىندىسى بويىنشا تەكسەرىلگەن بولىمشەنىڭ باسشىلىعى جانە قىزمەتكەرلەرىمەن كەڭەس ءوت­كىزىلەدى, وندا تەكسەرۋ قورىتىندىسى تالقىلانادى, سونداي-اق ونىڭ قىزمەتىن جاقسارتۋ بويىنشا ۇسىنىمدار بەرىلەدى. 52. ءىسساپاردان كەلگەن سوڭ كوميسسيا باسشىسى 3 جۇمىس كۇنى ىشىندە مينيسترگە تەكسەرۋ قورىتىندىسى تۋرالى جازباشا باياندايدى. 53. كەشەندى تەكسەرۋ ناتيجەلەرى مينيسترلىك باسشىلىعىنىڭ شەشىمى بويىنشا مينيسترلىك القاسىنىڭ نەمەسە جەدەل كەڭەس تالقىلاۋىنا شىعارىلۋى مۇمكىن. 54. قازاقستان رەسپۋبليكاسىنىڭ شەگىندە قىزمەتتىك ىسساپارعا جىبەرىلەتىن مينيسترلىك قىزمەتكەرلەرىنىڭ شىعىندارىن وتەۋ ءتارتىبى مەن جاعدايلارى قازاقستان رەسپۋبليكاسى زاڭناماسىنا سايكەس ايقىندالادى. 55. مينيسترلىك قىزمەتكەرلەرىنىڭ ءىسساپارىنا قاتىستى ءتيىستى قۇجاتتاردى ۋاقىتىلى رەسىمدەۋدى قامتاماسىز ەتۋ ءۇشىن پەرسونالدى باسقارۋ قىزمەتىنە ىسساپارعا جىبەرۋ تۋرالى باسشىلىقتىڭ بۇرىشتاماسى بار قىزمەتتىك جازبا ءىسساپار باستالعانعا دەيىن 3 كۇنتىزبەلىك كۇن بۇرىن ەنگىزىلەدى. مينيسترلىك قىزمەتكەرلەرىنىڭ شۇعىل ءىسساپارىنا جاعدايىندا ءتيىستى قۇجاتتار دەرەۋ رەسىمدەلەدى. 56. اۋماقتىق ورگانداردىڭ قىزمەتكەرلەرىن مينيسترلىككە شاقىرۋ ءمينيستردىڭ, جاۋاپتى حاتشىنىڭ نۇسقاۋى بويىنشا جەتەكشىلىك ەتۋشى ۆيتسە-ءمينيستردىڭ كەلىسىمىمەن قۇرىلىمدىق بولىمشە باسشىسىنىڭ دالەلدى قىزمەتتىك جازباسى بويىنشا جۇزەگە اسىرىلادى. 57. اۋماقتىق ورگانداردىڭ قىزمەتكەرلەرىنىڭ مينيسترلىككە ءىسساپارى مەرزىمى جولدا ءجۇرۋ ۋاقىتىن ەسەپتەمەگەندە, 5 جۇمىس كۇنىنەن اسپاۋى ءتيىس. ءىسساپار مەرزىمى ەرەكشە جاعدايلاردا (كولىك قۇرالىنىڭ بولماۋى نەمەسە ءىسساپاردىڭ شۇعىلدىعى) اۋماقتىق بولىمشە باسشىسىنىڭ ءتيىستى بۇيرىعىن شىعارۋ ارقىلى 5 جۇمىس كۇنىنەن اسپايتىن مەرزىمگە ۇزارتىلادى. 58. ورتالىق اپپارات, ۇلتتىق بيۋرو, مينيسترلىكتىڭ اۋماقتىق ورگاندارىنىڭ مەملەكەتتىك قۇپيالارعا رۇقساتى بار قىزمەتكەرلەرىنىڭ ىسساپارعا, شەتەلدىك ىسساپارلارعا شىعۋ ءتارتىبى قۇپيالىلىق رەجيمىن قامتاماسىز ەتۋ جونىندەگى نۇسقاۋلىقتا بەلگىلەنەدى. 59. مينيسترلىكتىڭ ورتالىق اپپاراتىنىڭ شەتەلدىك ىسساپارعا جىبەرىلەتىن قىزمەتكەرلەرىنىڭ شىعىندارىن وتەۋ ءتارتىبى مەن جاعدايلارى قازاقستان رەسپۋبليكاسى زاڭناماسىنا سايكەس ايقىندالادى. 60. ۆەدومستۆوعا قاراستى ۇيىمداردىڭ قىزمەتى مينيسترلىكتىڭ ستراتەگيالىق ماقساتتارىنا قول جەتكىزۋگە باعىتتالعان. مينيسترلىك قىزمەتىنىڭ ءتيىستى باعىتتارى ۆەدومستۆوعا قاراستى ۇيىمداردىڭ قۇرىلىمىندا جانە ولاردىڭ دامۋ جوسپارلارىندا كورسەتىلەدى. ولارعا جوعارى تۇرعان ورگاندار بەرگەن تىكەلەي تاپسىرمالاردى ورىنداۋ ءۇشىن جىبەرىلەتىن جاۋاپتاردى قوسپاعاندا, قازاقستان رەسپۋبليكاسى پرەزيدەنتى اكىمشىلىگى, پرەمەر-ءمينيسترى كەڭسەسى, وزگە دە جوعارى تۇرعان ورگاندارعا جىبەرىلەتىن قۇجاتتاردى ۆەدومستۆوعا قاراستى ۇيىمدار مينيسترلىك ارقىلى جىبەرەدى. مينيسترلىكتىڭ ۆەدومستۆوعا قاراستى ۇيىمدارمەن ءوزارا ءىس-قيمىلى «اكىمشىلىك راسىمدەر تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى. 6. مينيسترلىكتىڭ كىرىس جانە شىعىس حات-حابارلارىن رەسىمدەۋ, وتكىزۋ, قاراۋ 61. مينيسترلىكتىڭ ءىس جۇرگىزۋ, مينيسترلىككە كەلىپ تۇسكەن حات-حابارلاردى وڭدەۋ, تىركەۋ, جىبەرۋدى (جەتكىزۋ) قۇجاتتامالىق قامتاماسىز ەتۋ قىزمەتى قازاقستان رەسپۋبليكاسىنىڭ 1997 جىلعى 11 شىلدەدەگى «قازاقستان رەسپۋبليكاسىندا تىلدەر تۋرالى» (بۇدان ءارى – تىلدەر تۋرالى زاڭ), «اكىمشىلىك راسىمدەر تۋرالى», «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» زاڭدارىنا جانە وسى رەگلامەنتكە سايكەس جۇزەگە اسىرادى. 62. قازاقستان رەسپۋبليكاسى پرەزيدەنتى اكىمشىلىگى, قازاقستان رەسپۋبليكاسى پارلامەنتى, قازاقستان رەسپۋبليكاسى پرەمەر-ءمينيسترى كەڭسەسىنەن كەلىپ تۇسكەن حات-حاباردى قوسپاعاندا, كىرىس حات-حابارلارىن مينيسترلىك ساعات 9.00-دەن 17.00-گە دەيىن قابىلدايدى. قازاقستان رەسپۋبليكاسى پرەزيدەنتى اكىمشىلىگى, قازاقستان رەسپۋبليكاسى پارلامەنتى, قازاقستان رەسپۋبليكاسى پرەمەر-ءمينيسترى كەڭسەسىنەن كەلىپ تۇسكەن حات-حابارلار جۇمىس كۇندەرى ساعات 9.00-دەن 20.00-گە دەيىن, سەنبى كۇندەرى – ساعات 9.00-دەن 17.00-گە دەيىن مينيسترلىكتىڭ قۇجاتتامالىق قامتاماسىز ەتۋ قىزمەتىنىڭ قىزمەتكەرلەرى اراسىنان كەزەكشىلىك ۇيىمداستىرۋ ارقىلى قابىلدانادى. 63. شۇعىل تاپسىرمانى ورىنداۋ ءۇشىن مەملەكەتتىك ورگاندار دايىنداعان قۇجاتتار (ورىنداۋ مەرزىمى 10 (ون) جۇمىس كۇنى) شۇعىلدىعىن راستايتىن قۇجاتتى (قازاقستان رەسپۋبليكاسى پرەزيدەنتى, قازاقستان رەسپۋبليكاسى پرەزيدەنتى اكىمشىلىگى, قازاقستان رەسپۋبليكاسى پرەمەر-ءمينيسترى كەڭسەسى, ونىڭ ورىنباسارلارىنىڭ, قازاقستان رەسپۋبليكاسى پرەمەر-ءمينيسترى كەڭسەسى باسشىسىنىڭ اكتىلەرى مەن تاپسىرمالارىنىڭ كوشىرمەلەرى) كورسەتكەن جاعدايدا, جۇمىس كۇنى ىشىندە قابىلدانادى. 64. مەملەكەتتىك ورگانداردان قاعاز جانە ەلەكتروندىق جەتكىزگىشتەردە كەلىپ تۇسكەن قۇجاتتار بىردەي بولۋى ءتيىس جانە ەلتاڭباسى بار ءتيىستى بلانكىدە رەسىمدەلەدى جانە مىناداي مىندەتتى رەكۆيزيتتەردى قامتۋى ءتيىس: شىعىس ءنومىرى مەن كۇنى; قازاقستان رەسپۋبليكاسى پرەزيدەنتى, قازاقستان رەسپۋبليكاسى پرەزيدەنتى اكىمشىلىگى, قازاقستان رەسپۋبليكاسى پارلامەنتى, قازاقستان رەسپۋبليكاسى ۇكىمەتىنىڭ جانە پرەمەر-ءمينيسترى كەڭسەسى, ونىڭ ورىنباسارلارىنىڭ, قازاقستان رەسپۋبليكاسى پرەمەر-ءمينيسترى كەڭسەسى باسشىسىنىڭ ءتيىستى اكتىلەرى مەن تاپسىرمالارىنا, سونداي-اق مەملەكەتتىك ورگاننىڭ سۇراۋىنا جاۋاپ بەرۋ كەزىندە – مينيسترلىككە باستاماشىلىق تارتىپتە كەلىپ تۇسكەن قۇجاتتاردى (حاتتاردى) قوسپاعاندا, سۇراۋدىڭ ءنومىرى مەن كۇنىنە سىلتەمەلەر; مەملەكەتتىك ورگاننىڭ ءبىرىنشى باسشىسىنىڭ نەمەسە ونىڭ ورىنباسارلارىنىڭ نەمەسە جاۋاپتى حاتشىنىڭ (نە­مەسە ورتالىق اتقارۋشى ورگاننىڭ جاۋاپتى حاتشىسىنىڭ وكىلەتتىگىن جۇزەگە اسىراتىن لاۋازىمدى تۇلعاسىنىڭ) قولى; ورىنداۋشىنىڭ تەگى مەن ونىڭ تەلەفونىنىڭ ءنومىرى. بۇل رەتتە ەرەكشە ماڭىزى بار ماسەلەلەر بويىنشا ەلەكتروندىق قۇجاتتار (مۇراعاتتى جانە قۇجاتتامانى باسقارۋعا ۋاكىلەتتى مەملەكەتتىك ورگان بەلگىلەگەن ساقتاۋ مەرزىمىمەن) قاعاز جەتكىزگىشىندە رەسىمدەلەدى. قازاقستان رەسپۋبليكاسى پرەزيدەنتى اكىمشىلىگى, قازاقستان رەسپۋبليكاسى پارلامەنتى, قازاقستان رەسپۋبليكاسى پرەمەر-ءمينيسترى كەڭسەسىنەن كەلىپ تۇسكەن حات-حابارلاردى قوسپاعاندا, وسى رەگلامەنتتىڭ تالاپتارىن بۇزا وتىرىپ, رەسىمدەلگەن كىرىس حات-حابارلار قابىلدانبايدى جانە مينيسترلىكتىڭ قۇجاتتامالىق قامتاماسىز ەتۋ قىزمەتى سول كۇنى ءتيىستى مەملەكەتتىك ورگانعا كەرى قايتارادى. مينيسترلىككە كەلىپ تۇسكەن حات-حابارلار قابىلدانعان كۇنى مەن ۋاقىتى كورسەتىلىپ, قول قويعىزا وتىرىپ, قابىلدانادى. 65. وسى رەگلامەنتتە بەلگىلەنگەن تارتىپتە قابىلدانعان قۇجاتتار قارالادى, باقىلاۋعا الىنادى جانە مينيسترلىكتىڭ قۇجاتتامالىق قامتاماسىز ەتۋ قىزمەتى باسشىلىق پەن قۇرىلىمدىق بولىمشەلەر اراسىندا بولەدى, ودان ءارى مينيسترلىكتىڭ قۇجاتتامالىق قامتاماسىز ەتۋ قىزمەتى ءتيىستى رەسىمدەۋ, باقىلاۋ بەلگىلەرىن كورسەتۋ ءۇشىن تىركەۋ شتامپىندا ءنومىرى, كۇنى مەن پاراق سانىن كورسەتە وتىرىپ, تىركەيدى جانە مىنا تارتىپتە جولدانادى: مينيسترگە قار