قازاقستان رەسپۋبليكاسى ۇكىمەتىنىڭ قاۋلىسى №51

2016 جىلعى 4 اقپان,  استانا, ۇكىمەت ءۇيى «شەتەلدىكتەردىڭ جانە ازاماتتىعى جوق ادامداردىڭ شەكارالىق ايماققا كىرۋىنە رۇقساتتاما بەرۋ قاعيدالارىن جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 23 شىلدەدەگى № 734 قاۋلىسىنا وزگەرىس پەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «شەتەلدىكتەردىڭ جانە ازاماتتىعى جوق ادامداردىڭ شەكارالىق ايماققا كىرۋىنە رۇقساتتاما بەرۋ قاعيدالارىن جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 23 شىلدەدەگى № 734 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 48, 622-قۇجات) مىناداي وزگەرىس پەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن شەتەلدىكتەردىڭ جانە ازاماتتىعى جوق ادامداردىڭ شەكارالىق ايماققا كىرۋىنە رۇقساتتاما بەرۋ قاعيدالارىندا: 5-تارماقتىڭ 4) تارماقشاسى مىناداي رەداكتسيادا جازىلسىن: «4) جۇمىس ماقساتىندا كەلەتىندەرگە - قولدانىستاعى زاڭناماعا سايكەس الىنعان شەتەلدىك جۇمىس كۇشىن تارتۋعا رۇقسات بولعان كەزدە جۇمىس بەرۋشىنىڭ قولداۋحاتى نەگىزىندە, ال ەۋرازيالىق ەكونوميكالىق وداققا مۇشە مەملەكەتتەردىڭ (بۇدان ءارى - مۇشە مەملەكەتتەر) ازاماتتارى مەن ولاردىڭ وتباسى مۇشەلەرى ءۇشىن مۇشە مەملەكەتتىڭ ەڭبەكشىسى جۇمىس بەرۋشىمەن نەمەسە جۇمىستارعا (كورسەتىلەتىن قىزمەتتەرگە) تاپسىرىس بەرۋشىمەن جاساعان ەڭبەك نەمەسە ازاماتتىق-قۇقىقتىق شارت نەگىزىندە;»; 6-تارماق مىناداي مازمۇنداعى بەسىنشى بولىكپەن تولىقتىرىلسىن: «ەڭبەك قىزمەتىن جۇزەگە اسىرۋ ماقساتىندا كىرگەن كەزدە رۇقساتتاما رۇقساتتىڭ قولدانىلۋ مەرزىمىنە, ال مۇشە مەملەكەتتەردىڭ ازاماتتارى مەن ولاردىڭ وتباسى مۇشەلەرى ءۇشىن مۇشە مەملەكەتتىڭ ەڭبەكشىسى جۇمىس بەرۋشىمەن نەمەسە جۇمىستارعا (كورسەتىلەتىن قىزمەتتەرگە) تاپسىرىس بەرۋشىمەن جاساعان ەڭبەك نەمەسە ازاماتتىق-قۇقىقتىق شارتتىڭ قولدانىلۋ مەرزىمىنە بەرىلەدى.». 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.