اقش پرەزيدەنتى اراعا 80 جىل سالىپ كۋباعا اياق باسقالى تۇر

الماتى. 18 اقپان. اقش پرەزيدەنتى باراك وبامانىڭ الداعى اپتالاردىڭ بىرىندە لاتىن امەريكاسى ەلدەرىنە ساپارىنىڭ بارىسىندا كۋباعا دا ايالداماق ويى بار. ەگەر بۇل ميسسيا ورىندالار بولسا,  قۇراما شتاتتارىنىڭ پرەزيدەنتى بوستاندىق ارالىنا 80 جىلدان سوڭ ءبىرىنشى رەت اياق باسقالى تۇر. بۇل تۋرالى bbc.com سايتىنا سىلتەمە جاساعان egemen.kz ءتىلشىسى حابارلادى. ساپار ناۋرىز ايىنىڭ 21-22 كۇندەرى ارگەنتيناعا باراردىڭ الدىنا قويىلعان. كۋباعا جولى تۇسكەن جالعىز پرەزيدەنت كالۆين كۋليدج قۇراما شتاتتاردىڭ اتىنان ارالعا 1928 جىلى بارعان ەكەن. سول كەزدە كۋليدج كۋبا پرەزيدەنتى حەراردو ماچادومەن جۇزدەسكەن. 2002 جىلى بوستاندىق ارالىنا دجيممي كارتەردىڭ جولى ءتۇستى. بىراق ول كەزدە كارتەر اقش پرەزيدەنتى قىزمەتىندە ەمەس ەدى. باراك وباما 2014 جىلى اقش كونگرەسىنە كۋبامەن بايىرعى ەلارالىق قاتىناستى قايتا ورناتۋ تۋرالى ۇسىنىس جاساعان. اقش پرەزيدەنتىنىڭ سايلاۋ ناۋقانى تۇسىنداعى باراك وبامانىڭ بۇل ساپارىن رەسپۋبليكالىقتار بىردەن جاقتىرماي قالعان. ولار امەريكا قۇراما شتاتتارىنىڭ پرەزيدەنتى ول ەلگە قازىرگى كۋباداعى  كاسترونىڭ  اۋلەتى بيلىكتەن كەتكەندە عانا بارۋ كەرەكتىگىن العا تارتۋدا. تالعات ءسۇيىنباي. دەرەك: bbc.com سۋرەت: ria.ru.