دايىندىق بارىسى پىسىقتالدى

«بىرلىك» پارتياسى ۇگىت-ناسيحات ناۋقانىنا دايىن. بۇل تۋرالى كەشە «بىرلىك» ساياسي پارتياسىنىڭ باسشىلىعىنىڭ قاتىسۋىمەن باق وكىلدەرىنە ارنالعان پارتيانىڭ ورتالىق سايلاۋالدى شتابىنداعى بريفينگتە ايتىلدى. جۋرناليستەردىڭ سۇراقتارىنا جاۋاپ بەرگەن «بىرلىك» پارتياسى توراعاسىنىڭ ورىنباسارلارى بولات بايقاداموۆ پەن تولەگەن قۋانىشەۆ, پارتيا مۇشەلەرى مۇرات راەۆ, مۇرات قوجامقۇلوۆ ءوز سوزدەرىندە قازىرگى كەزدە «بىرلىك» پارتياسى سايلاۋالدى ناۋقانعا تولىق دايىن ەكەندىگىن, پارتيانىڭ سايلاۋ شتابتارى ەلىمىزدىڭ بارلىق وڭىرىندە جۇمىس جاساپ وتىرعانىن جەتكىزدى. ولاردىڭ ايتۋىنشا, پارتيانىڭ ورتالىق سايلاۋ شتابى رەسمي تۇردە بيىلعى جىلدىڭ 12 اقپانىندا استانا قالاسىندا اشىلعان, بارلىق وفيس قاجەتتى تەحنيكامەن جانە اۆتوكولىكپەن تولىقتاي قامتاماسىز ەتىلگەن. بۇعان قوسا, سايلاۋالدى باعدارلاما دا ازىرلەنىپ, قابىلدانعان, ۇگىت ۇنپاراقتارىنىڭ, پلاكاتتار مەن باسقا اتريبۋتتاردىڭ سىزبالارى بەكىتىلگەن. ماسەلەن, «بىرلىك» پارتياسى توراعاسىنىڭ ورىنباسارى ت.قۋانىشەۆ پارتيانىڭ بيلبوردتار دايارلاۋ جانە ورنالاستىرۋ جونىندەگى جارنامالىق كومپانيالارمەن شارت جاساسقانىنا, پارتيانىڭ ىسكە قوسىلعان رەسمي سايتى pp-birlik.kz. ارقىلى اتقارىلعان جانە الداعى ۋاقىتتا اتقارىلاتىن جۇمىستار بويىنشا ەگجەي-تەگجەيلى تولىق اقپارات الۋعا بولاتىنىنا توقتالىپ ءوتتى. جالپى, دەپۋتاتتىققا كانديداتتار ءۇشىن ءۇش ادىستەمەلىك ۇسىنىم دايىندالسا, ونىڭ بىرەۋى سەنىمدى ۋاكىلدەرمەن جۇمىس جونىندەگى نۇسقاۋلىق, ەندى بىرەۋى سايلاۋ وتكىزۋدى ۇيىمداستىرۋ ماسەلەلەرى بويىنشا ازىرلەنگەن جادىناما ەكەن. بيىلعى جىلدىڭ 20 قاڭتارىنان قازىرگى كەزگە دەيىن پارتيا استانا مەن الماتى قالالارىندا 84 ءىس-شارا وتكىزگەن, ونىڭ ىشىندە پارتيانىڭ كەزەكتەن تىس ءىى سەزى دە بار. ال ەلدىڭ قالعان وڭىرلەرىندە 194 ءىس-شارا ۇيىمداستىرىلىپتى. پارتيا وكىلدەرى بۇگىنگى كۇنى «بىرلىك» پارتياسىنىڭ استانا قالاسىنداعى ورتالىق شتابىنا 38 ادام كەلگەنىن, الماتى قالاسىنداعى شتابىنا 12 ادام, جالپى فيليالدار بويىنشا 122 ادام كەلگەنىن جەتكىزدى. ولاردىڭ بارلىعى پارتيانىڭ جۇمىس ىستەۋ قاعيداتتارى, ماقساتى, پارتيا ءتىزىمى بويىنشا دەپۋتاتتىققا ۇسىنىلعان كانديداتتار تۋرالى تولىق, تۇبەگەيلى اقپارات العان كورىنەدى. سونىمەن قاتار, ۇجىمدىق وتىنىمدەر مەن جەكەلەگەن سايلاۋشىلار تاراپىنان وتىنىشتەر قابىلدانسا, ولاردىڭ اراسىندا «سامال» شاعىن اۋدانىنداعى ليفتىلەردىڭ جۇمىسىنا, «وڭتۇستىك-شىعىس» شاعىن اۋدانىندا قار جيناۋعا قاتىستى ماسەلەلەر دە بار ەكەن. ءوز كەزەگىندە «بىرلىك» پارتياسىنىڭ وكىلدەرى بارلىق ءوتىنىشتى شۇعىل تارتىپتە قاراپ, ءتيىستى ۋاكىلەتتى ورگاندارمەن بايلانىسىپ, ماسەلەلەردى قىسقا مەرزىمدە شەشۋ تۋرالى ۋاعدالاستىققا قول جەتكىزگەن. پارتيا, سونىمەن قاتار, سايلاۋ زاڭنامالارىن ءتۇسىندىرۋ ماقساتىندا پارلامەنت ءماجىلىسىنىڭ دەپۋتاتتىعىنا كانديداتتارعا جادناما دايىنداپ, ۇگىت-ناسيحات روليكتەرى مەن ماقالالارىن ورنالاستىرۋ ءۇشىن باق-تارمەن شارت جاساسۋدا كورىنەدى. ءلايلا ەدىلقىزى, «ەگەمەن قازاقستان».