جارقىراعان جاڭا مەكتەپ

وبلىس ورتالىعىنداعى «سايا­­­جايلار» شاعىن اۋدانىندا اشىل­عان №37 مەكتەپ, ايتارى جوق, جارقىراپ تۇر. ەكىنشىدەن, بۇل مەكتەپ قالانىڭ شەتكى جا­عىندا ورنالاسقان. قازىر بۇل اۋداندا دا ەڭسەلى بيىك ۇيلەر بوي كوتەرۋدە. شاعىن اۋداننىڭ بالالارى ارالاس مەكتەپتەردە, باسقا قازاق مەكتەپتەرىندە ءبىلىم الىپ ءجۇردى. ەندى ولار سىنىپتارىمەن جانە سىنىپ جەتەكشىلەرىمەن وسىندا كەلدى. بۇل جاقتا تۇراتىن اتا-انالارعا قايتا جاقسى بولدى. بۇرىن قازاق تىلىندە ءبىلىم السىن دەپ بالالارىن ورتالىققا اپاراتىن ەدى. ءۇش قاباتتى ءزاۋلىم مەكتەپتىڭ قۇرىلىس جۇمىستارىنا رەسپۋب­ليكالىق جانە وبلىستىق بيۋدجەتتەن 2 ملرد 134 ميلليون تەڭگە ءبولىندى. وبلىس اكىمى قانات بوزىمباەۆتىڭ ايتۋىنشا, 1200 وقۋشىعا ارنالعان قازاق تىلىندەگى مەكتەپ ەكىباستۇز قالاسىندا دا اشىلماق. قازىرگى زامان تالابىنا ساي بوي كوتەرگەن مەكتەپتە 51 وقۋ كابينەتى, ياعني ينفورماتيكا, فيزيكا, بيولوگيا, حيميا كابينەتتەرى ارنايى قۇرىلعىلارمەن جابدىقتالعان. كىتاپحانا, اسحانا, سپورت زالى بار. اۋلاسىندا سپورتپەن شۇ­عىل­دانۋ ءۇشىن ءتۇرلى الاڭدار جا­ساقتالعان. الداعى قىركۇيەك ايىن­دا تاعى 500 وقۋشىمەن تولىق­پاقشى. جاڭا مەكتەپتىڭ ديرەكتورى ءلايلا ءجۇنىسوۆانىڭ ايتۋىنشا, بۇل قازىر ءبىلىم الىپ جۇرگەن 700 وقۋشىنىڭ قاتارى تولىعىپ, وقۋ باعدارلاماسى دا ەرەكشە بولماق. ەرەكشە دەلىنەتىنى – جاڭا مەكتەپكە بىلىكتىلىگى جوعارى ۇستازدار تاڭداپ الىنىپتى. ءاربىر نەگىزگى پاندەر بويىنشا ساناتتارى جوعارى جانە «كەمبريدج» باعدارلاماسى بويىنشا ءبىلىم ساپاسىن ارتتىرۋ كۋرسى دەڭگەيىنىڭ سەرتي­فيكاتىنىڭ يەگەرلەرى اتان­عان مۇعالىمدەر ساباق بەرەدى. №37 مەكتەپ وبلىستا وتكەن جىلى پاي­دالانۋعا بەرىلگەن 5-ءشى جاڭا مەكتەپ. بۇعان دەيىن شارباقتى, قىزىلاعاش, كەنجەكول اۋىلدارى مەن قالقامان كەنتىندە جاڭا مەكتەپتەر اشىلدى. قۇرىلىس جۇمىستارىن پاۆلودارلىق «تازا-ستار» سەرىكتەستىگى جۇرگىزدى.  فاريدا بىقاي, «ەگەمەن قازاقستان». پاۆلودار. سۋرەتتەردى تۇسىرگەن ۆالەري بۋگاەۆ.