ويلاستىرىلعان جوسپارلار ورىندالۋىمەن قۇندى

وبلىس اكىمى قانات بوزىم­باەۆ جۇرتشىلىق الدىندا ەسەپ بەردى. اكىمنىڭ ايتۋىنشا يندۋس­تريا­لان­دىرۋ كارتاسىنىڭ ءبىرىنشى بەس­جىل­دى­عىنا ەنگىزىلگەن كاسىپورىندار 180 ملرد. تەڭگەنىڭ ءونىمىن ءوندى­رىپتى. ەكس­پورت كولەمى 100 ملرد. تەڭ­گەدەن اسقان. ەندى باستالعان ەكىنشى بەسجىلدىقتا وبلىستا ينۆەستيتسيالار جالپى كولەمى 443,2 ملرد. تەڭگەنى قۇرايتىن جاڭا نىساندار تىزبەسى قوسىلىپتى. جىل قورىتىندىسىندا بۇل كاسىپورىندار قۇنى 40 ملرد. تەڭگەنى قۇرايتىن ءونىمدى سىرتقا شىعارعان. بۇل كۇندەرى 800 ملرد. تەڭگەدەن استام قارجى سالىنعان 20-دان استام جوبا ىسكە اسىرىلۋدا. بيىل قۇنى 25 ملرد. تەڭگە تۇراتىن 11 جوبا جوسپارلانۋدا. ولاردىڭ اراسىندا تەمىرجول بەلدىكتەرى مەن دوڭگەلەك جۇپتارىن شىعارۋ, ەنەرگەتيكالىق ماشينا جاساۋ ءوندىرىسى, اگروحيميالىق ونىمدەردى شىعارۋ, ەكى ونەركاسىپ جىلىجايى بار. بۇدان باسقا, ق.بوزىمباەۆ جەرگىلىكتى كاسىپورىنداردىڭ قىتايلىق ينۆەستورلارمەن بىرلەسىپ 3 جوبانى ىسكە اسىراتىنىن ايتتى. قازىر وبلىس ورتالىعىندا «سارىارقا», «دوستىق» دەگەن جاڭا ەكى شاعىن اۋدان قۇرىلىسى جۇرگىزىلۋدە. جالپى, 2015 جىلى وبلىستا قۇرىلىس جۇمىستارىنىڭ كولەمى الدىڭعى جىلدىڭ دەڭگەيىنەن 1,5 ەسەگە وسكەن. مەملەكەت باسشىسى ۇكىمەتتىڭ كەڭەيتىلگەن وتىرىسىندا باسىمدىقتى باعدارلامالاردى قارجىلاندىرۋعا ارنايى رەزەرۆتەن قوسىمشا قاراجات ءبولۋ جونىندە تاپسىرما بەردى. سوندىقتان, وبلىستا «جۇمىسپەن قامتۋدىڭ جول كارتاسى-2020» باعدارلاماسىنىڭ شەڭبەرىندە 2016 جىلى 2 دارىگەرلىك امبۋلاتوريانىڭ, 2 فەلدشەرلىك-اكۋشەرلىك پۋنكتتىڭ جانە مەديتسينالىق پۋنكتتىڭ قۇرىلىسى باستالماقشى. جۇمىسشى جاستار ءۇشىن قاشىر, لەبياجى, پاۆلودار اۋداندارى مەن اقسۋ كەنتىندە 4 جاتاقحانا سالۋ جوسپاردا بار. بىلتىر وڭىردە 2500 ورىنعا ارنالعان 5 مەكتەپ سالىنسا, 4-ءۋى – اۋىلدىق جەردە. ەكىباستۇزدا قازاق تىلىندە ءبىلىم بەرەتىن 1200 ورىندىق مەكتەپتىڭ قۇرىلىسى جۇرگىزىلۋدە. بيز­نەستىڭ الەۋمەتتىك جاۋاپكەرشىلىگى اياسىن­دا «ERG كومەك-ءتىڭ» قاتىسۋىمەن 386 بۇلدىرشىنگە ارنالعان 4 بالاباقشا قال­پىنا كەلتىرىلدى. ولاردىڭ ءبىرى مامان­داندىرىلعان – مۇمكىندىگى شەكتەۋلى بالالار ءۇشىن, ەكى بالاباقشا – السىرەگەن يممۋنيتەتتى بالالارمەن جۇمىس ىستەيدى. دەنساۋلىق ساقتاۋ سالاسىندا 2015 جىلدىڭ سوڭىندا وبلىستىق پەريناتالدىق ورتالىقتىڭ ەڭ زاماناۋي قۇرالدارمەن جابدىقتالعان 100 ورىندىق جاڭا كورپۋسى پايدالانۋعا بەرىلدى. ورتالىقتا 9300 انا ەم الىپ, 5800 ءسابي دۇنيەگە كەلسە, ەندى جىلىنا 13 مىڭ اناعا جوعارى ساپالى مەديتسينالىق كومەك كورسەتۋگە جانە 8 مىڭ ءسابيدىڭ دۇنيەگە كەلۋىنە مۇمكىندىك بولادى. وبلىستىڭ اۋىلدىق اۋداندارىندا 7 دارىگەرلىك امبۋلاتوريا سالىندى. اۋىلدىقتار ءۇشىن دە وتكەن جىل جەمىستى جىل بولدى. جالپى, اۋىلشارۋاشىلىق ونىمدەرى ءونىمىنىڭ كولەمى 13 پايىزعا ارتتى – بۇل رەسپۋبليكاداعى ەڭ جوعارى كورسەتكىش. وتكەن جىلدىڭ باسىندا ەگىس القاپتارىن كەڭەيتۋ, ەگىستەردى ءارتاراپتاندىرۋ, ىلعال رەسۋرستارىن ساقتاۋ تەحنولوگيالارىن قولدانۋ بويىنشا ۇلكەن جۇمىس جۇرگىزىلدى. سۋارمالى ەگىنشىلىكتى دامىتۋ شارالارى قابىلداندى. سوڭعى ەكى جىل ىشىندە 10 مىڭ گەكتاردان اسا جەر ەنگىزىلدى, ونىڭ ىشىندە 4 مىڭنان اسا گەكتار جەر ىسكە قوسىلدى. 2018 جىلعا دەيىن بۇل القاپتاردىڭ كولەمىن 52,4 مىڭ گەكتارعا دەيىن كەڭەيتۋ جوسپارلانۋدا, دەدى ءوڭىر باسشىسى. ءداندى داقىلدار 1,6 ەسە, مايلى داقىلدار– 1,8 ەسە كوپ جينالدى. ينۆەستورلاردىڭ ەسەبىنەن سوڭعى 10 جىل بويى توقتاپ تۇرعان ەرتىس ەلەۆاتورى قايتا قالپىنا كەلتىرىلدى. قازىرگى تاڭدا ءۋاليحان ەلەۆاتورى مەن «پاۆلودارسكايا نيۆا» كومپانياسىندا قۇرال-جابدىقتار قايتا قالپىنا كەلتىرىلۋدە. سونىمەن بىرگە, 412 مىڭ توننادان استام نەمەسە 1,2 ەسە وسىممەن كارتوپ جينالدى. قازىرگى تاڭدا ەلىمىز بەن رەسەيدە ساتۋ ءۇشىن 50 مىڭ توننادان استام كارتوپ جانە 15 مىڭ توننا ءسابىز دايىندالدى. بۇگىن كارتوپ ەلىمىزدىڭ بىرقاتار وبلىستارىنا جانە رەسەيدىڭ شەكارالاس وڭىرلەرىنە جەتكىزىلەدى. «اگروسويۋز» سەرىكتەستىگى گرۋزيا رەسپۋبليكاسىنا 400 توننا كارتوپتى جەتكىزۋ جونىندە كەلىسىمشارتقا قول قويدى. مال شارۋاشىلىعىندا ەتتى ەكسپورتتاۋدى دامىتۋعا باعىتتالعان باعدارلامالار جۇزەگە اسىرىلدى. ءسۇتتى مال شارۋاشىلىعىن دامىتۋ باعدارلاماسى بويىنشا «ىرىس» سەرىكتەستىگى پاۆلودار, اقسۋ قالالارىنىڭ اۋىلدىق ايماقتارىندا, كاشىر جانە پاۆلودار اۋداندارىندا 4 تاۋارلى-ءسۇت فەرمالارىن پايدالانۋعا بەردى. جەلەزين اۋدانىندا 1200 باسقا ارنالعان 2 فەرمانىڭ قۇرىلىسى جۇرگىزىلۋدە. بيىلعى جىلى اقسۋ قالاسىنىڭ اۋىلدىق ايماعىندا 600 باسقا ارنالعان تاۋارلى-ءسۇت فەرماسى قولدانىسقا ەنگىزىلەدى, «لاكتاليس» فرانتسۋز كومپانياسى پاۆلودار اۋدانىنداعى تاۋارلى-ءسۇت فەرماسىنىڭ قۇرىلىسىنا ينۆەستيتسيا تارتۋدى جوسپارلاپ وتىر. جالپى, اسىل تۇقىمدى مال شارۋاشىلىعىن دامىتۋ, مال شارۋاشىلىعىنىڭ ونىمدىلىگى مەن ءونىم ساپاسىن ارتتىرۋ ءۇشىن 1101 شارۋاشىلىققا 3,2 ملرد. تەڭگە كولەمىندە سۋبسيديا بەرىلدى. مىنە, وبلىس اكىمىنىڭ ەسەپتى كەزدەسۋىندە وسىنداي جوسپارلى جۇزەگە اسىپ جاتقان يگى ىستەر ايتىلدى. وبلىس اكىمىنە ساۋال قويعان اۋىلدىقتار, مىسالى, باياناۋىلدىق سانسىزباي ەلەۋوۆ اۋىلدارعا الداعى كوكتەمگى سۋ تاسقىنى قاۋپى ءتونىپ تۇرعانىن, سوعان وراي اكىمدىك قانداي شارالار جاساپ جاتقانىن سۇرادى. قانات بوزىمباەۆ سۋ تاسقىنىنىڭ الدىن الۋ ءۇشىن ارنايى شارالار جاسالىپ جاتقانىن, الداعى ۋاقىتتا اۋدانعا ارنايى كوميسسيا باراتىنىن جەتكىزدى. بيىل قىستا وبلىس ورتالىعىندا بولعان جىلۋ جۇيەلەرىندەگى اپاتتىڭ زاردابى تاعى قايتالانباس ءۇشىن قانداي شارالار جاسالۋدا دەپ سۇرادى تۇرعىندار. بۇل جۇمىستار دا باقىلاۋدا ەكەنى, الداعى قىسقا دايىندىق قازىردەن باستالعانى ايتىلدى. اۋىلدىقتار ادەتىنشە جول, تازا سۋمەن قامتاماسىز ەتۋ سياقتى كۇردەلى ماسەلەلەردى كوتەردى. ق.بوزىمباەۆ اۋىلدىقتاردى قيناپ جۇرگەن قيىن ماسەلەنىڭ ءبىرى – ءبىز گازەتىمىزدە جازعان لەبياجى اۋدانى كولدەرىندەگى ارتەميا سالينا قۇرتتارىن اۋلاۋ ءۇشىن ول جاقتا زاۋىت سالىناتىنىن جەتكىزدى. فاريدا بىقاي, «ەگەمەن قازاقستان». پاۆلودار وبلىسى.