جەرلەۋ قىزمەتىندەگى جونسىزدىك

قيىنشىلىقتىڭ زامانىندا ءولۋدىڭ ءوزى وڭايعا سوقپايىن دەپ تۇر. نەگە دەسەڭىز, اقتىق ساپارعا اتتاندىرۋ قىزمەتىنىڭ باعاسى اسپانعا شاپشىپ كەتكەن. ماسەلەن, قاراعاندىدا جەرلەۋ قىزمەتىنىڭ بۇل ءتۇرى باقانداي 15 پايىزعا قىمباتتاپتى. وسى اقپاراتتان قۇلاعدار بول­عان وبلىس اكىمى نۇرمۇحام­بەت ابدىبەكوۆ باعا مونيتورينگى بو­­يىن­شا ارنايى توپ قۇرىپ, جەرلەۋ اگەنتتىكتەرى مەنشىك يەلەرى­نىڭ ءىس-ارەكەتىنىڭ قانشالىقتى دايەك­تىلىگىن انىقتاۋ جونىندە تاپسىرما بەردى. «جەرلەۋ قىزمەتى نەگە 15 پا­­يىز­عا قىمباتتادى؟ اقىلعا سىيىمسىز! سۇرانىس كوبەيدى مە, نە؟ ادامداردىڭ باسىنا قاي­عى كەل­­­گەندە, كەيبىرەۋلەر بۇل جاع­داي­­دى پايدالانىپ, تيىن-تەبەن تابۋعا تىرىسادى. بۇل مۇلدە جا­راماي­­تىن قىلىق», – دەدى ءوڭىر باسشىسى. ول ول ما, قاراعاندىدا تابىت پەن ازاگۇل عانا ەمەس, ءدارى-دارمەك تە شەكتەن تىس قىمباتتاپ كەتكەن. اسىرەسە, ءدارىحانا يەلەرى تۇماۋ مەن سۋىق تيۋ اۋرۋلارى ەتەك الىپ تۇرعان كەزدە جوعارى سۇرانىسقا يە دارىلەر باعاسىنىڭ نوقتاسىن سىپىرىپ تاستاعان. وبلىس اكىمى بۇل جاعدايدىڭ دا انىق-قانىعىنا جەتىپ, ءتيىستى شارالار قابىلداۋدى دەنساۋلىق ساقتاۋ باسقارماسىنىڭ باسشىسىنا شەگەلەپ تاپسىردى. جوعارىدا ايتقانىمىزداي, بۇگىنگى كۇندە وبلىس اكىمىنىڭ تاپسىرۋى بويىنشا جەرلەۋ قىزمەتى, ءدارى-دارمەك جانە باسقا دا قىزمەت كورسەتۋ تۇرلەرى مەن تاۋارلار باعا­سىنىڭ ءجونسىز وسۋىنە مونيتورينگ جۇرگىزەتىن ارنايى توپ قۇرىلدى. ونىڭ قۇرامىنا كا­سىپكەرلىك جانە ەكونوميكانى باسقارۋ باسقارماسىنىڭ ساراپ­شى-ەكونوميستەرى ەنگەن. ارنايى توپتىڭ ماقساتى – ارتىق اقشا تابامىن دەپ باعانى شەكتەن تىس اسىرىپ جىبەرگەن ىنساپسىز كاسىپكەرلەردى انىقتاۋ.  قايرات ءابىلدينوۆ, «ەگەمەن قازاقستان». قاراعاندى.