بريۋسسەلدەگى كولىك كەپتىلىسىنە تىشقاندار كىنالى بولىپ شىقتى

استانا. 18 اقپان. بريۋسسەل شەنەۋنىكتەرى كولىك كەپتىلىسىنە تىشقانداردى كىنالاپ وتىر. بۇل تۋرالى lenta.ru اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. بەلگيا استاناسى – بريۋسسەل قالاسىنىڭ بيلىگى كوشەدەگى كولىك كەپتەلىسىنە اش تىشقانداردى كىنالى دەپ سانايدى. ولاردىڭ ايتۋىنشا, ەۋروپالىق وداقتىڭ استاناسى اتالىپ كەتكەن قالا ماگيسترالدارىن قايتا جوندەۋ جونىندەگى قالالىق جوسپاردى كەمىرگىشتەر جەپ قويعان. بۇل تۋرالى 17 اقپان كۇنى قالالىق پارلامەنت وتىرىسىندا بەلگىلى بولدى. بريۋسسەل جولدارىنداعى كولىك سانىن ازايتۋدى كوزدەيتىن قاعاز سىزبالار كوپىرلەردىڭ بىرىندەگى قابىرعا اراسىندا ساقتالىپ كەلگەن. دەپۋتاتتارعا كوشەلەر قيىلىسى جوسپارىنىڭ جوقتىعىن بريۋسسەل ينفراقۇرىلىم باسقارماسىنىڭ بۇرىنعى باسشىسى: «سىزبالاردى تىشقاندار كەمىرىپ تاستاعان بولۋى كەرەك», – دەپ تۇسىندىرگەن. Reuters اگەنتتىگىنىڭ حابارلاۋىنشا, ناتو-نىڭ شتاب-پاتەرى مەن ەۋروپالىق وداقتىڭ باستى ينستيتۋتتارى ورنالاسقان بۇل قالادا كولىك كەپتەلىسى ماسەلەسى ەڭ كوپ تالقىلاناتىن تاقىرىپتاردىڭ ءبىرى. سىزبانۇسقانىڭ جوعالىپ كەتۋى بۇل وزەكتى ماسەلەنى شەشۋدى بىرنەشە جىلعا كەيىنگە قالدىرۋى مۇمكىن. كەيبىر باعالاۋلارعا قاراعاندا, قالا كوشەلەرىن قايتا قۇرۋعا شامامەن 1 ملرد. ەۋرو قاجەت ەكەن. ەلامان قوڭىر. دەرەك: lenta.ru. سۋرەت: AFP.