اتىراۋ وبلىسىندا 69 ءوتىنىشتىڭ م ۇلىگى جاريا ەتىلدى

اتىراۋ. 18 اقپان. اتىراۋ وبلىسىنىڭ جىلىوي اۋدانىندا م ۇلىكتى جاريا ەتۋگە بايلانىستى 80 ءوتىنىش تىركەلىپ, ونىڭ 69-ى بويىنشا وڭ شەشىم شىعارىلدى. بۇل تۋرالى egemen.kz ءتىلشىسى حابارلادى. جىلىوي اۋداندىق م ۇلىكتى جاريا ەتۋدى وتكىزۋ جونىندەگى كوميسسيانىڭ مالىمەتىنشە, جۇرتشىلىقتىڭ كوپشىلىگى جەكە تۇرعىن ءۇيدى زاڭداستىرۋ, ءۇيىنىڭ قاسىنان سالىنعان مونشا, تۇرعىن ءۇيدى جالعاستىرۋ قوسىمشا قۇرىلىسى, قايتا جوسپارلاۋ, گاراج, قويما, دۇكەن, فوتو-بەينە ستۋديو عيماراتتار سىندى قوسالقى عيماراتتاردى زاڭداستىرۋ ماسەلەسىمەن كەڭەس الادى. كوميسسيا مۇشەلەرى 2014 جىلدىڭ 1 قىركۇيەگىنەن باستاپ وسى ۋاقىتقا دەيىن 543 تۇرعىنعا ءتيىستى ماعلۇماتتار بەرگەن. سونىڭ ىشىندە 80 ءوتىنىش تىركەلىپ, 69 ءوتىنىشتى جاريا ەتۋ ءۇشىن وڭ شەشىم شىعارىلىپتى. ءبىر ءوتىنىش زاڭداستىرۋعا جاتاتىن م ۇلىككە (عيماراتقا) ءتيىستى ساراپشىنىڭ قورىتىندىسى بولماۋىنا بايلانىستى كەرى قايتارىلدى, ال 10 ءوتىنىش ءالى دە كوميسسيا وتىرىسىندا قاراستىرىلۋدا. جوعارىدا كورسەتىلگەن وتىنىشتەر بويىنشا 69 تۇرعىن ءۇي نىسانىنىڭ سوماسى 306 ملن. 230 مىڭ تەڭگەنى قۇراعان. سونىمەن بىرگە, 64 تۇرعىن ەمەس نىساندار قۇنى 27 ملن. 890 مىڭ تەڭگەگە باعالانعان. ودان بولەك, 173 ملن. 304 مىڭ تەڭگەنى قۇرايتىن 41 كوممەرتسيالىق نىسانعا جاتاتىن م ۇلىك جاريا ەتىلدى. جولداسبەك شوپەعۇل. دەرەك: egemen.kz. سۋرەت: syrboyi.kz.