اقتوبەدە جاس تالانتتار بايقاۋىنا ىرىكتەۋ تۋرى اياقتالدى

اقتوبە. 18 اقپان. اقتوبەدە بيىل 17-رەت وتكىزىلەتىن «اينالايىن-2016» جاس تالانتتار كونكۋرس-فەستيۆالىنە وبلىس بالالارى اراسىنداعى ىرىكتەۋ تۋرى اياقتالدى. بۇل تۋرالى egemen.kz ءتىلشىسى حابارلادى. جىل سايىن رەسپۋبليكالىق بايقاۋدىڭ ءورىسى كەڭەيىپ, قاتىسۋشىلاردىڭ قاتارى كوبەيىپ كەلەدى. بيىلعى ىرىكتەۋ تۋرىنا قاتىسۋعا وبلىستىڭ شالعايداعى شالقار, بايعانين, ويىل, حرومتاۋ سياقتى اۋداندارىنان جانە قالا مەكتەپتەرىنەن ءۇمىتىن ۇكىلەگەن 500-گە جۋىق بالا ءوتىنىش بەرگەن ەكەن. ۆوكال, حورەوگرافيا, تەاتر, اسپاپتىق, بەينەلەۋ, ساندىك قولدانبالى ونەر اتالىمى بويىنشا ىرىكتەۋدەن سۇرىنبەي وتكەن 262 بالا بايقاۋعا جولداما الدى. «اينالايىن-2016» فەستيۆالى بيىلعى 26-28 ناۋرىز ارالىعىندا ەۋرازيالىق توپتىڭ قۇرامىنا كىرەتىن «قازحروم» تۇك» اق فيليالى – اقتوبە فەرروقورىتپا زاۋىتىنىڭ مەتاللۋرگتەر مادەنيەت ۇيىندە وتەدى. وعان «قازحرومنىڭ» فيليالدارى پاۆلودار قالاسىنان اقسۋ فەرروقورىتپا زاۋىتى, اقتوبەدەن اقتوبە فەرروقورىتپا زاۋىتى جانە قاراعاندىداعى «قازمارگانەتس» كەن باسقارماسىنىڭ بالالارى دا قاتىسىپ, باق سىنايدى. «اينالايىن-2016» جاس تالانتتار كونكۋرس-فەستيۆالىنىڭ ىرىكتەۋ تۋرىنا قاتىسقان جاس تالانتتاردىڭ ونەرلەرىن بىلىكتى ماماندار باعالاپ, كەلەسى كەزەڭگە جولداما بەردى. ونەر دوداسىنىڭ شەشۋشى سىنىندا ناعىز مىقتىلار انىقتالاتىن بولادى», – دەيدى مەتاللۋرگتەر مادەنيەت ءۇيىنىڭ ادىسكەرى اينۇر كىستاۋباەۆا. ساتىبالدى ءساۋىرباي. دەرەك, سۋرەت: egemen.kz.