ۇمىتكەرلەر سانى – 687

وبلىستىق سايلاۋ كوميسسياسىنىڭ توراعاسى اسقار ساقىپ­كەرەەۆ رەسپۋبليكالىق جانە وبلىستىق باق-تار وكىلدەرى­مەن بريفينگ وتكىزىپ, سايلاۋعا ازىرلىك جايلى جان-جاقتى ماع­لۇ­مات بەردى. كەزدەسۋگە جەرگىلىكتى سايلاۋ كوميسسيالارىنىڭ جەتەك­شىلەرى قاتىستى. اسقار جولامان ۇلى كەزەكتەن تىس پارلامەنت ءماجىلىسى جانە كەزەكتى وبلىستىق, اۋداندىق, قالالىق ءماسليحاتتار سايلاۋلارى قارساڭىنداعى ۇيىمداستىرۋ شارالارىنىڭ تالاپقا ساي جۇرگىزىلىپ جاتقانىن, بارلىعى 929, ونىڭ ىشىندە, 15 اۋماقتىق, 217 وكرۋگتىك, 697 ۋچاسكەلىك ساي­لاۋ كوميسسيالارىنىڭ قۇرى­لىپ, ولارعا 6503 ادامنىڭ تارتىل­عانىن, ماتەريالدىق-تەحنيكا­لىق جاعىنان ويداعىداي قامتىل­عانىن جەتكىزدى. سايلاۋ قۇرىلىمدارى مۇشە­لەرىنىڭ قۇقىقتىق بىلىمدەرىن جەتىلدىرۋ ماقساتىمەن 56 سەمي­نار-كەڭەس ۇيىمداستىرىلدى. الدا تاعى 72 قىسقا مەرزىمدى كۋرستار وتكىزىلىپ, تىڭداۋشىلار ساياسي جاعىنان شىڭدالاتىن بولادى, دەي كەلىپ, ا. ساقىپكەرەەۆ وبلىستىق ماسليحاتقا – 90, اۋ­دان­دىق ماسليحاتتارعا – 537, قالا­لىق ماسليحاتقا 60 ادامنىڭ ۇسىنىلىپ, 128-ءىنىڭ تىركەۋدەن وتكەنىن مالىمدەدى. ساياسي پارتيالار اتىنان ۇسىنىلعاندار سانى 207 بولسا, 480 ادام ءوزىن ءوزى ۇسىنۋ ارقىلى باقتارىن سىناۋعا بەل بۋىپتى. ولاردىڭ قۇرامىنا كەلەتىن بولساق, ۇمىتكەرلەر ءتىزىمىن 20 ۇلتتىڭ وكىلى, ال ورتا جاس 43-ءتى قۇرايدى. زەينەتكەر جاسىنداعى ۇمىتكەر بىرەۋ عانا. 66,8 پايىزى – ەرلەر. 70,3 پايىزىنىڭ جوعارى ءبىلىمى بار. كوممەرتسيالىق سالا قىزمەتكەرلەرىنىڭ ۇلەسى – 43,2 پايىز. وبلىستىق سايلاۋ كوميس­سياسىنىڭ توراعاسى دەپۋتاتتىققا كانديداتتاردى تىركەۋ 23 اقپانعا دەيىن سوزىلاتىنىن, سول سەبەپتى, ءتىزىمنىڭ تولىعا تۇسەتىنىن دە ايتىپ ءوتتى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.