ساندىق تەحنولوگيا – الەمدىك دامۋدىڭ ايناسى

حالىقارالىق شارانىڭ ماقساتى – ساندىق تەحنولوگيا­لاردى ومىرگە دەندەپ ەنگىزىپ, ونىڭ الەۋمەتتىك توپتار ساتى­سىن­داعى حالىقتىڭ ومىرىنە ەلەۋ­لى تۇردە تيگىزەتىن اسەرىن ايعاق­تاۋ ەكەنى بيىك مىنبەرگە شىققان سويلەۋشىلەردىڭ العاشقى سوزىنەن-اق انىق بايقالدى. «ساندىق تەحنولوگيالار قازىرگى كەزدە الەمدە كەڭىنەن تارالۋدا. الايدا, ولاردى پايدالانۋدىڭ ارتىقشىلىقتارى, ياعني ساندىق ديۆيدەندتەر ءومىر­دەن كەشەۋىلدەپ ورىن تابۋدا. كوپ جاعدايدا بۇل تەحنولوگيا­لار ەكونوميكانىڭ دامۋىنا, قىزمەت كورسەتۋ ساپاسىن ارت­تىرۋعا سەپتىگىن تيگىزەتىنى داۋسىز. الايدا, وكىنىشكە قاراي, ولار­دان كەلىپ تۇسەتىن ديۆيدەندتەر ءبىر­كەلكى تاراتىلىپ جاتقان جوق», دەدى مەملەكەتتىك سەكتورلار سالاسى بويىنشا اعا مامان ءارى بايان­دامانىڭ تەڭ اۆتورى زاحيد حاسناين. ءوز كەزەگىندە ءسوز العان ينۆەستيتسيالار جانە دامۋ ءمينيسترى اسەت يسەكەشەۆ ساندىق تەحنولوگيانىڭ ەكونوميكاداعى باسكەلەستىك پەن تۇرعىنداردىڭ تۇرمىسىن جاقسارۋداعى اتقاراتىن جەتەكشى رولىنە توقتالدى. «ەلىمىزدە ەلباسىنىڭ تاپسىرماسى بويىنشا ەكونوميكا مەن الەۋمەتتىك سالالاردا ساندىق جۇيەنى جەتىلدىرۋدىڭ جاڭا جوباسى جاسالىنۋ ۇستىندە. ونىڭ ىشىنە كەڭ جولاقتى ينتەرنەتكە بارلىق اۋماقتا قول جەتكىزۋ, زاڭدىق قۇجاتتاردى قايتا قاراۋ, مامانداردى قايتا دايارلاۋ سەكىلدى باسقا دا باعىتتار كىرەدى. ەلباسى اتاپ وتكەندەي, بۇل بۇگىنگى كۇننىڭ شىندىعى – ساپالىق وسىمگە مۇمكىندىك بەرەر داڭعىل جول.» الەمدىك ماڭىزى بار جيىندا جاڭا باعدارلامانىڭ قازاقستاننىڭ الەۋمەتتىك-ەكونوميكالىق دامۋىنىڭ نەگىزگى درايۆەرلەرىنىڭ بىرىنە اينالاتىندىعى دا اتاپ ءوتىلدى. ول – تۇرعىنداردىڭ كەڭجولاقتى عالامتورعا قول جەتىمدىلىگىن قامتاماسىز ەتۋ, قوعامنىڭ ساندىق ساۋاتتىلىعىن ارتتىرۋ جانە ەلەكتروندى ۇكىمەتتى ودان ءارى دامىتۋ ەكەنى بارشاعا ايان جايت. الماتىدا باس قوسقان دۇنيەجۇزىلىك بانك ساراپشىلارى ورتالىق جانە وڭتۇستىك ازيا ەلدەرى اشىق تەڭىزگە شىعا الماعانمەن ءموبيلدى تەلەكوممۋنيكاتسيالىق ينفراقۇرىلىمداردى جاقسارتۋ سالاسىندا ەداۋىر ىلگەرى قادام جاساپ ۇلگەرگەنىن دە مىسالعا كەلتىرۋدى ۇمىتپادى. ساندىق تەحنولوگيانىڭ الەۋەتتى مۇمكىندىكتەرىن مەيلىنشە كەڭ پايدالانۋ جولىندا قازاقستانعا تابىس تىلەدى. تالعات ءسۇيىنباي, «ەگەمەن قازاقستان». الماتى.