قىزىلوردادا كاسىپكەرلەردىڭ مۇددەسى قورعالدى

قىزىلوردا. 17 اقپان. 2016 جىلدىڭ قاڭتار ايىندا قىزىلوردا وبلىسىنىڭ كاسىپكەرلەر پالاتاسى بيزنەس وكىلدەرىنىڭ 70 ميلليون تەڭگەدەن استام قارجىسىن ساقتاپ قالدى. بۇل تۋرالى قىزىلوردا وبلىستىق كاسىپكەرلەر پالاتاسىنا سىلتەمە جاساعان egemen.kz حابارلادى. ءبىر ايدا كاسىپكەرلەر پالاتاسىنا كاسىپكەرلەردەن 27 ءوتىنىش كەلىپ تۇسكەن. قر «ۇلتتىق كاسىپكەرلەر پالاتاسى تۋرالى» زاڭىندا ۇلتتىق كاسىپكەرلەر پالاتاسىنىڭ نەگىزگى قىزمەتتەرىنىڭ ءبىرى رەتىندە كاسىپكەرلەردىڭ زاڭدى قۇقىقتارى مەن مۇددەلەرىن قورعاۋ كورسەتىلگەن. وسى رەتتە, تۇسكەن وتىنىشتەردىڭ باسىم بولىگى سوتتا كاسىپكەرلەردىڭ مۇددەسىن بىلدىرۋگە قاتىستى, سوت پروتسەسىنە قاجەتتى قۇجاتتاردى ازىرلەۋگە قاتىستى بولىپ وتىر. ماسەلەن, وسى جىلدىڭ وزىندە كاسىپكەرلىك سۋبەكتىلەرىنىڭ سوتتا مۇددەسىن بىلدىرگەن پالاتا زاڭگەرلەرى كاسىپكەرلەردىڭ 12 ميلليون تەڭگەدەن استام قارجىسىن ساقتاپ قالا الدى. مۇنان وزگە, وسى سوت پروتسەستەرىنە پالاتا زاڭگەرلەرىنىڭ تەگىن قىزمەت كورسەتۋىنە وراي زاڭگەرگە قۇجات ازىرلەۋگە, قورعاۋشىلىق قىزمەتتەرگە تولەيتىن 2 ميلليون تەڭگەدەن استام قارجىسى دا ساقتاپ قالا الدى. مۇنان وزگە, پالاتا زاڭگەرلەرىنىڭ كەلىسسوزدەر جۇرگىزۋى ناتيجەسىندە كاسىپكەردىڭ قارجىسىن تولەمەي وتىرعان قوردان 58 ميلليون تەڭگەگە جۋىق قارجىنى جاقىن كۇندەرى تولەتۋ مۇمكىندىگىنە يە بولدى. ەرجان بايتىلەس. دەرەك, سۋرەت: egemen.kz