سولتۇستىك قازاقستاندا بۇرىنعى پوشتا باسشىسى سوتتالدى

پەتروپاۆل. 17 اقپان. پەتروپاۆلدا «قازپوشتا» اكتسيونەرلىك قوعامىنىڭ وبلىستىق فيليالى اۋداندىق ءبولىمىنىڭ بۇرىنعى باسشىسى ا.مۇقجانوۆاعا مەملەكەت قازىناسىنا قول سالعانى ءۇشىن 7 جىلعا باس بوستاندىعىنان ايىرۋ جازاسى كەسىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. سوتتا بەلگىلى بولعانداي ا. مۇكجانوۆا قىزمەت بابىن جەكە باس مۇددەسىنە پايدالانا وتىرىپ, جالعان قۇجات جاساۋ ارقىلى سالىمشىلاردىڭ دەربەس ەسەشوتتارىنان اقشا الىپ وتىرعان. بۇل قىلمىستىق ارەكەتىن 2010 جىلدان بەرى جاساپ كەلگەن ول 6 ميلليون 214 مىڭ 28 تەڭگەنى قالتاعا باسقان. پەتروپاۆل قالالىق سوتى كۇدىكتىنى قىلمىستىق كودەكستىڭ 176-بابى بويىنشا ايىپتى دەپ تاۋىپ, قىلمىستىق جولمەن تاپقان مەنشىگىندەگى دۇنيە-م ۇلىكتى تاركىلەۋمەن بىرگە 5 جىلدىق مەرزىمگە ماتەريالدىق جاۋاپتى قىزمەتتەردى اتقارۋ قۇقىعىنان ايىرىپ, جالپى رەجيمدەگى تۇزەۋ مەكەمەسىندە 7 جىلعا باس بوستاندىعىنان ايىرۋ جازاسىنا كەستى. ءومىر ەسقالي. دەرەك, سۋرەت: egemen.kz.