وڭتۇستىكتە كاسىپكەرلىك مەكتەبى كومەك بەرەدى

شىمكەنت. 17 اقپان. كاسىپكەرلىك مەكتەبى ءوز بيزنەسىن اشامىن دەگەن ازاماتتارعا مول مۇمكىندىك ۇسىنادى. بۇل تۋرالى egemen.kz ءتىلشىسى حابارلادى. مەكتەپتە كاسىپكەرلىك نەگىزدەرى, تاقىرىپتىق سەمينار-ترەنينگتەر وقۋ كۋرستارىن وتكىزىپ جانە وندىرىستىك نەمەسە شارۋا قوجالىق ايماقتارىندا تاجىريبەلىك ماستەر-كلاسستار ۇيىمداستىرادى. جالپى وقۋ مەرزىمى 10 كۇن, ونىڭ 2 كۇنى تاجىريبەلىك ماستەر-كلاسستار. سونىمەن قاتار, كاسىپكەرلىك سالاسىندا وقۋ كۋرسىن ءساتتى اياقتاعاندارعا كاسىپكەرلىك نەگىزدەرى بويىنشا وقۋ-ادىستەمەلىك نۇسقاۋلىقتار, كاسىپكەرلىك مەكتەبىنىڭ تۇلەكتەرىنە ورىس جانە مەملەكەتتىك تىلدەرىندە اۆتورلىق «شارۋا جولسەرىگى» تەحنولوگيالار جيىنتىعى كىتابى مەن «كىشى بيزنەسكە 100 يدەيا» اتتى بيزنەس-جوسپارلار جيىنتىقتارى بەرىلەدى. سونداي-اق, وقۋ كۋرسىن اياقتاعانىن راستايتىن سەرتيفيكات تاپسىرىلادى. اتالعان كاسىپكەرلىك مەكتەبىنىڭ سەرتيفيكاتى, «ىرىس» مفۇ -نان تومەن پايىزدى ميكرونەسيە الۋلارىنا تولىق مۇمكىندىك بەرەدى. بيىلعى  جىلدىڭ باسىنان وقۋ كۋرسىن وتۋگە وبلىس بويىنشا 500 – دەن استام ادام ءوتىنىش تاپسىرعان بولسا, 8 اقپاننان باستاپ 230 ادام وقۋدى باستاپ كەتكەن. باقتيار تايجان. دەرەك, سۋرەت: egemen.kz