تاربيە جەمقورلىقتىڭ تامىرىنا بالتا شابادى

كەشە قايىربەك سۇلەيمەنوۆتىڭ جەتەك­شىلىك ەتۋىمەن «نۇر وتان» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ اعىمداعى جىلعى العاشقى وتىرىسى ءوتتى. وندا سىبايلاس جەمقورلىققا قارسى ءىس-قيمىل باعدار­لاماسىن جۇزەگە اسىرۋ جونىندەگى 2015 جىلعى ءىس-شارالار جوسپارىنىڭ ورىندالۋ ناتيجەلەرى تالقىلاندى. القالى جيىندا نەگىزگى بايانداماشىدان بولەك ءبىلىم جانە عىلىم مەن مادەنيەت جانە سپورت مينيسترلىكتەرىنىڭ, پارتياعا قاراستى ۇيىمدار مەن «جاس وتان» جاستار قاناتىنىڭ وكىلدەرى ءسوز الىپ, تاقىرىپقا قاتىستى ماسەلەلەر توڭىرەگىندە وي ءوربىتتى. سونداي-اق, جەمقورلىقتىڭ الدىن الۋداعى مەملەكەتتىك ورگاندار مەن قوعامدىق ۇيىمداردىڭ بەلسەندىلىگى, جاستار ۇيىمدارىمەن تاربيەلىك جۇمىستاردىڭ جۇرگىزىلۋ قارقىنى دا ايتىلدى. حالىقتىڭ جەمقورلىققا قارسى مادەنيەتىن قالىپتاستىرۋعا قاتىستى قول­عا الىنعان شارالارعا ءتيىستى باعالار بەرىلدى. وتىرىستا «نۇر وتان» پارتياسى مۇشە­لەرىنىڭ الدىنا جەمقورلىقتىڭ الدىن الۋ ۇردىسىنە دەندەي قاراۋ, باستاۋىش پارتيا ۇيىمى, قوعامدىق قۇرىلىمدار مەن پارتيانىڭ بارلىق دەڭگەيىندەگى بولىمدەر قىزمەتىن نىعايتۋ ماسەلەلەرى كۇن تارتىبىنە شىعارىلدى. وعان قوسا, جەمقورلىققا قارسى جاڭا زاڭ قابىلداۋدىڭ ماڭىزدىلىعىنا, «100 ناقتى قادام» ۇلت جوسپارىن ءتيىمدى تۇردە ىسكە اسىرۋعا, مەملەكەتتىك ورگاندار جانىنان قوعامدىق كەڭەستەر قۇرۋعا, پارتيا توراعاسى ن.نازارباەۆتىڭ جەمقورلىققا قارسى مەملەكەتتىك ساياساتىنا قاتىستى تاپسىرمالارىن جۇزەگە اسىرۋعا باسا ءمان بەرىلدى. نۇرلىبەك دوسىباي, جۋرناليست.