كادەگە اسىرۋ تيىمدىلىگى

وتكەن جىلى قازاقستاننىڭ قارۋلى كۇشتەرىندە مەملەكەتتىك قورعانىس تاپسىرىسى شەڭبەرىندە 160 مىڭنان اسا ارتيللەريالىق وق-دارىلەر, 260 مىڭعا جۋىق قول گراناتالارى جانە 10 مىڭنان اسا ينجەنەرلىك وق-دارىلەر كادەگە جاراتىلىپتى. وق-دارىلەردى پايداعا اسىرۋ ۇدەرىسى كادەگە جاراتۋدىڭ ەكى ۋچاس­كەسىندە – ارىس قالاسى مەن وتار ستانساسىندا جۇرگىزىلەدى. اتالعان جەرلەردە ارنايى جابدىقتار, ونىڭ ىشىندە مودۋلدەر بار. «جابدىقتىڭ وسى تۇرلەرىندە وق-دارىلەردى بولشەكتەۋ, كۇكىرت­تەردى اجىراتۋ, تروتيلدى قورىتۋ, يا­كي وق-دارىلەردى الۋدان باستاپ تولىق بولشەكتەگەنگە دەيىن جانە ءارى قاراي ىسكە اسىرىلىپ, كادەگە جاراتىلاتىن ونىمدەر الۋعا دەيىن جۇرگىزىلەدى جانە قارجى مەملەكەت بيۋدجەتىنىڭ كىرىسىنە تۇسەدى. ساقتالۋى بويىنشا مەرزىمى ءوتىپ كەتكەن وق-دارىلەر ءتيىستى ساناتقا اۋىستىرىلادى جانە جوعارىدا اي­تىلعان ارنايى پۋنكتتەردە كادە­گە جاراتىلادى. ولاردىڭ ارا­سىندا وتكەن عاسىردىڭ 40-شى جىل­دارىنىڭ سوڭىنداعى, 50-60-شى جىلدارداعى وق-دارىلەر دە بار», – دەدى «قازتەحنولوگيا» اق كادەگە جاراتۋ دەپارتامەنتىنىڭ ديرەكتورى ەربول الىبەكوۆ. كادەگە جاراتۋ ءارى قاراي قارا جانە ءتۇستى مەتالل رەتىندە ىسكە اسى­رىلۋى مۇمكىن ماتەريالداردى ءبول­شەكتەۋ جانە الۋ ادىسىمەن جۇرگى­زىلەدى. كۇكىرت پەن تروتيل سياقتى جارىلعىش زاتتاردى ايىرۋ بولەك ىسكە اسىرىلادى. مامانداردىڭ ايتۋىنشا, ستاتيستيكا بويىنشا كادەگە جا­را­تى­لاتىن وق-دارىلەردىڭ سانى جىل سايىن ارتا تۇسۋدە. تەحني­كا قاۋ­ىپ­سىزدىگىن ساقتاۋ مەن جەتىلدىرۋگە دە اسا ءمان بەرىلۋدە. «ءبىز تەحنولوگيانى وزگەرتىپ, ونى جاقسارتتىق. كۇكىرتتەردى اجىراتۋ ءادىسىن ءبىز ابدەن وزگەرتتىك, جا­زاتايىم وقيعالاردىڭ ورىن الۋ ىقتيمالدىلىعى بارىنشا ازايتىلدى. ءارتۇرلى وقىتۋدى ءجۇر­گىزەمىز, قوسىمشا جابدىق, قورعانىس قۇرالدارى ساتىپ الىنۋدا, ەڭبەكتى كۇزەتۋ مەن وندىرىستەگى قاۋىپسىزدىك جونىندە مامانداردىڭ قوسىمشا لاۋازىمدارى ەنگىزىلدى. كادەگە جاراتۋ بويىنشا شارالار بارلىق ءتۇرى باقىلانىپ وتىرادى», – دەدى ە. الىبەكوۆ. كادەگە جاراتۋ ونىمدەرىن ىسكە اسىرۋ ناتيجەسىندە 2015 جىلى رەس­پۋب­ليكالىق بيۋدجەتكە 322 ملن. تەڭگە اۋدارىلعانىن ايتا كەتكەن ءجون. «ەگەمەن-اقپارات».