اق ۇنتاق

ترانزيتپەن جىبەرىلگەن ەسىرتكىلىك زات بولىپ شىقتى تاياۋدا الماتى قالالىق مەملە­كەتتىك كىرىستەر دەپارتامەنتىنىڭ «جەتىسۋ» كەدەن بەكەتىنىڭ حالىق­ارالىق پوشتا جونەلتۋ بولىمىندە كەزەكتى كەدەندىك تەكسەرۋ ءجۇرىپ جاتتى. كەنەت «راپيسكان» رەنت­گەندىك سكانەر اپپاراتىنان ءوتىپ بارا جاتقان قوراپ ىشىنەن اق ۇنتاققا ۇقساس زات كورىندى. قوراپتى جەكە الىپ, قىزمەتتىك ءيتتى جىبەرگەندە, ول قوراپ ىشىندە ەسىرتكى زات جاتقاندىعى جونىندە كۇدىك ءبىلدىردى. سودان كەيىن الگى قوراپتى اشىپ, كۇدىك تۋدىرعان اق ۇنتاق فيزيكا-حيميالىق ساراپتاماعا جىبەرىلدى. جەدەل جۇرگىزىلگەن تەكسەرۋ قورىتىندىسى ونىڭ جۇيكەگە قاتتى اسەر ەتۋشى ەسىرتكىلىك پرەپارات – فەنتسيكليدين ەكەنىن انىقتادى. ونىڭ جالپى سالماعى 20 كيلوگرامدى قۇرادى. اتالمىش قوراپ گەرمانيادان ترانزيت بويىنشا قىرعىزستان استاناسى بىشكەك قالاسىنا با­عىتتالعان ەكەن. فەنتسيكليدين ناركوز بەرۋ كەزىندە كۇرە تامىر ارقىلى ءجى­بە­رىلەتىن سينتەتيكالىق فار­ما­كولوگيالىق پرەپارات بولىپ تابىلادى. ونى پايدالانۋ ادامنىڭ جۇيكەسىنە وتە قاتتى اسەر ەتەتىنى سونشالىق, پايدالانعان ادام كوزى قاراۋىتىپ, ماڭايىنداعىلارىن تانىماي قالادى. پرەپاراتتىڭ كۇشى ادامنىڭ بويىندا 2 ساعاتتان 24 ساعاتقا دەيىن جۇرەدى. سوندىقتان دا قازىرگى ۋاقىتتا ونىڭ ءوندىرىلۋى قاتاڭ حالىقارالىق باقىلاۋعا الىنعان. مۇنداي ەسىرتكىلىك پرەپاراتتىڭ ۇستالۋى حالىقارالىق پوشتا جونەلتۋ بولىمىندەگى ءبىرىنشى جاع­داي ەمەس. اتاپ ايتساق, ءۇستى­مىزدەگى جىلدىڭ ءبىر ايدان اس­تام ۋاقىتىنىڭ وزىندە عانا حالىقارالىق پوشتا ارقىلى وسىعان ۇقساس 12 جاعداي بولدى. شەشىم قابىلداۋ ءۇشىن ەكونوميكالىق تەرگەۋ قىزمەتىنىڭ وندىرىسىنە بە­رىلدى. ال وتكەن 2015 جىلى قۇرامىندا ەسىرتكىلىك زاتتار بار پرەپاراتتاردى وتكىزۋگە تىرىسقان 38 فاكت, قارۋ-جاراق پەن سۋىق قارۋ جانە ونىڭ اكسەسسۋارلارىن وتكىزۋگە تىرىسقان 22 ارەكەت اشكەرەلەندى, دەپ مالىمدەدى الماتى قالالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتى. ايناش ەسالي, «ەگەمەن قازاقستان». الماتى.