الماتى. 15 اقپان. الماتىداعى ماحاتما گاندي اتىنداعى №92 مامانداندىرىلعان ليتسەيدە جازۋشى, دراماتۋرگ دۋلات يسابەكوۆ مەكتەپ وقۋشىلارىمەن كەزدەسۋ وتكىزدى. بۇل تۋرالى egemen.kz ءتىلشىسى حابارلادى.
جازۋشى اڭگىمەسىن «نۇر وتان» پارتياسىنىڭ كەزەكتەن تىس XVII سەزىنە دەلەگات بولىپ قاتىسىپ قايتقانىنان باستادى. سەزدە قارالعان ماسەلەلەرمەن ءبولىسىپ, بالالارعا قازىرگى زاماندا تەك ءبىلىمدى ادامنىڭ عانا بولاشاعى بار ەكەنىن باسا ايتىپ, كىتاپتى كوپ وقۋعا شاقىردى. سونىمەن بىرگە قازىرگى دراماتۋرگياداعى جاڭالىقتار, ءوزىنىڭ دراماتۋرگياعا كەلۋ جولدارى, قازىرگى اكتەرلەر تۋرالى, «وكپەك جولاۋشى» شىعارماسىنىڭ لوندوندا ساحنالانۋى جايىندا اڭگىمەلەپ, سوڭىندا وقۋشىلاردىڭ قويعان سۇراقتارىنا جاۋاپ بەردى.
سونداي-اق, مەكتەپتە «قازاق ءتىلى مەن ادەبيەتى ساباقتارىندا وقۋ ساۋاتتىلىعىن ارتتىرۋدىڭ وڭتايلى ادىستەرى» تاقىرىبىندا قازاق ءتىلى مەن ادەبيەتى ءپانىنىڭ ونكۇندىگى وتكىزىلدى. جاراتىلىستانۋ ماتەماتيكا پاندەرىنە مامانداندىرىلعان مەكتەپتەگى ونكۇندىك بارىسىندا كوركەمسوز وقۋ سايىسى, اشىق ساباقتار, ساحنالىق قويىلىم, سىنىپتان تىس جۇمىستار جۇرگىزىلدى.
قازاق ءتىلى مۇعالىمى جانار ۇمبەتوۆانىڭ «عاجايىپ سوزدەر الەمى» تاقىرىبىندا وتكەن سايىس ساباعى, قازاق ءتىلى مەن ادەبيەتى ءپانىنىڭ مۇعالىمى گۇلميرا باكەنوۆانىڭ «ءحىح عاسىرداعى ادەبيەتكە شولۋ», «ەسىمشە مەن كوسەمشەنى قايتالاۋ» تاقىرىبىندا وتكەن كريتەريالدى باعالاۋ ساباقتارى, قازاق ءتىلى مەن ادەبيەتى ءپانى مۇعالىمى الماگۇل تاكىشەۆانىڭ «لەكسيكادان وتكەندى قايتالاۋ» ساباقتارى جاڭا جانە وڭتايلى ءادىس-تاسىلدەرگە قۇرىلعان ساباقتار بولدى.
ونكۇندىك سوڭى ماعجان جۇماباەۆتىڭ «باتىر بايان» شىعارماسىن ساحنالاۋمەن قورىتىندىلاندى.
ايناش ەسالي.
دەرەك, سۋرەت: egemen.kz.
