قىزىلوردا. 15 اقپان. 11-14 اقپان ارالىعىندا قىزىلوردا وبلىسى, ارال قالاسىندا ۆولەيبولدان 2000-2001 جىلى تۋعان جاسوسپىرىمدەر اراسىندا اسحات احانوۆتى ەسكە تۇسىرۋگە ارنالعان رەسپۋبليكالىق تۋرنير اياقتالدى. بۇل تۋرالى وبلىستىق سپورت جانە دەنەشىنىقتىرۋ باسقارماسىنا سىلتەمە جاساعان egemen.kz حابارلادى.
بيىل بەسىنشى مارتە ۇيىمداستىرىلعان جارىسقا اقتوبە, ماڭعىستاۋ, وڭتۇستىك قازاقستان جانە قىزىلوردا وبلىستارىنان 29 كوماندا (ۇلدار 14, قىزدار 15 كوماندا) قاتىستى. كوماندالاردا 300-گە جۋىق سپورتشى بولدى. ءتورت كۇنگە سوزىلعان جارىستىڭ قورىتىندىسى بويىنشا ۇلدار اراسىندا شيەلى اۋدانىنىڭ كومانداسى قاتارىنان ءۇشىنشى مارتە ءتۋرنيردىڭ جەڭىمپازى اتاندى. ەكىنشى ورىندى اقتوبە وبلىسى بايعانين اۋدانىنىڭ قۇراما كومانداسى يەلەنسە, ءۇشىنشى ورىندى ارال اۋدانىنىڭ كومانداسى ەنشىلەدى. قىزدار اراسىندا اقتوبە وبلىسى حرومتاۋ قالاسىنىڭ سپورتشىلارى مىقتىلىقتارىن دالەلدەسە, كۇمىس جۇلدە سىرداريا اۋدانىنا, قولا جۇلدە اقتوبە وبلىسى ىرعىز اۋدانىنىڭ كومانداسىنا بۇيىردى.
ءتۋرنيردىڭ ۇزدىكتەرى:
ۇلدار اراسىندا
ۇزدىك قورعاۋشى – مامىر العي ۇلى (بايعانين اۋدانى)
ۇزدىك بايلانىستىرۋشى – ايات رامازان ۇلى (شيەلى اۋدانى)
ۇزدىك شابۋىلشى – جاندوس شامرانوۆ (ارال اۋدانى)
قىزدار اراسىندا:
ۇزدىك قورعاۋشى – ءامينا جۇمانوۆا (ارال اۋدانى)
ۇزدىك بايلانىستىرۋشى – ساندۋعاش جولمىرزا (حرومتاۋ قالاسى)
ۇزدىك شابۋىلشى – گۇلسىم كەڭەسبەكوۆا (سىرداريا اۋدانى)
جەڭىمپازدار مەن جۇلدەگەرلەر ديپلوم, مەدال, كۋبوكتارمەن ماراپاتتالسا, نوميناتسيا يەگەرلەرىنە ديپلوم جانە ەستەلىك سىيلىقتار تابىس ەتىلدى.
ەرجان بايتىلەس.
دەرەك, سۋرەت: قىزىلوردا وبلىستىق سپورت جانە دەنەشىنىقتىرۋ باسقارماسى.
