قىزىلوردا. 15 اقپان. وسكەمەن قالاسىندا جەڭىل اتلەتيكادان 1999-2000 جىلدارى تۋعان جاسوسپىرىمدەر اراسىندا وتكەن قازاقستان چەمپيوناتىندا قىزىلوردا وبلىسىنىڭ №4 وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنىڭ سپورتشىلارى جاقسى ونەر كورسەتتى. بۇل تۋرالى وبلىستىق سپورت جانە دەنەشىنىقتىرۋ باسقارماسىنا سىلتەمە جاساعان egemen.kz حابارلادى.
ناتيجەسىندە, سۆەتلانا ساۋنينا 3000 مەتر قاشىقتىققا جانە 2000 مەتر كەدەرگىلەر ارقىلى جۇگىرۋدەن ءبىرىنشى بولىپ كەلدى.
بەكبولات ءمۇسلىموۆ 2000 مەتر جانە ازامات قۇلداس 800 مەتر كەدەرگىلەر ارقىلى جۇگىرۋدەن قولا جۇلدەنى ەنشىلەدى.
وسى جارىستان كەيىن وسكەمەندە جەڭىل اتلەتيكادان 1997-1998 جىلدارى تۋىلعان جاستار اراسىندا قازاقستان رەسپۋبليكاسىنىڭ چەمپيوناتى ءوتتى. جارىستا قارماقشىلىق راحىمجان كەلمانوۆ 2000 مەتر كەدەرگىلەر ارقىلى جۇگىرۋدەن جەڭىمپاز اتانسا, 3000 مەتر قاشىقتىققا جۇگىرۋدەن 3-ورىندى يەلەندى. ال قىزىلوردالىق اناستاسيا ششادىلو 800 مەتر جۇگىرۋدەن كۇمىس جۇلدەنى يەلەندى.
سپورتشىلاردى جارىسقا ۆلاديمير لەپتيكوۆ, ناتاليا لەپتيكوۆا, رۋسلان وماروۆ, مۇرات كەتەباەۆ,يرينا يۋنگكيند جانە راشيدا سارباسوۆالار دايىندادى.
ەرجان بايتىلەس.
دەرەك, سۋرەت: قىزىلوردا وبلىستىق سپورت جانە دەنەشىنىقتىرۋ باسقارماسى.
