الماتىدا م ۇلىك جاريالاۋدىڭ جاڭا رەكوردى جاسالدى

الماتى. 15 اقپان. الماتىدا م ۇلىكتى جاريالاۋعا بايلانىستى زاڭعا ءتيىستى وزگەرىستەر مەن جەڭىلدىكتەر ەنگىزىلگەلى بەرى بۇل شاراعا قاتىسۋعا ىنتا تانىتۋشىلار سانى كۇن ساناپ كوبەيىپ كەلەدى. بۇل تۋرالى الماتى قالالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جالپى بۇقارا حالىق م ۇلىكتى جاريالاۋدىڭ بولاشاقتاعى پايداسى مەن 2017 جىلدان باستاپ جالپىلاما دەكلاراتسيالاۋ كەزەڭى الدىنداعى ۇلكەن جەڭىلدىك ەكەنىن جەتە تۇسىنە باستادى. ناقتىراق ايتقاندا, 2015 جىلى الماتى قالالىق مەملەكەتتىك كىرىستەر دەپارتامەنتىنىڭ اۋداندىق باسقارمالارىنا م ۇلىكتى جاريا ەتۋ جونىندە 12 عانا ءوتىنىش ءتۇسىپ, 807,8 ميلليون تەڭگەنىڭ عانا مۇلكى جاريا ەتىلگەن بولاتىن. ال بيىل قاڭتار ايىنىڭ وزىندە عانا م ۇلىكتى جاريا ەتۋگە بايلانىستى 30 ءوتىنىش ءتۇسىپ, اقشا مەن جىلجىمايتىن م ۇلىكتى قوسقاندا 34,2 ميلليارد تەڭگەنىڭ مۇلكى جاريا ەتىلدى. ياعني, ءبىر ايداعى كورسەتكىش ءبىر جىلدىڭ كورسەتكىشىنەن 42 ەسە اسىپ كەتىپ وتىر. بۇل ارينە, رەكورد ەكەنى ءسوزسىز. مۇنداي جەتىستىككە قالالىق مەملەكەتتىك كىرىستەر دەپارتامەنتىنىڭ ورتالىق اپپاراتى مەن اۋداندىق باسقارمالارى قىزمەتكەرلەرىنىڭ جۇمىستى دۇرىس ۇيىمداستىرۋى, جۇيەلى ناسيحات جۇرگىزۋى جانە كوپشىلىككە ارناپ ءجيى سەمينارلار مەن «اشىق ەسىك» كۇندەرىن وتكىزۋى ناتيجەسىندە قول جەتكەنىندە داۋ جوق. سوندىقتان دا م ۇلىكتى جاريا ەتۋ اكتسياسى جىل اياعىنا دەيىن كۇن تارتىبىندەگى ەڭ ماڭىزدى ماسەلەلەردىڭ ءبىرى بولىپ قالا بەرەدى. م ۇلىكتى جاريا ەتۋگە مۇددەلى سۋبەكتىلەر ءۇشىن مەملەكەتتىك كىرىس ورگاندارىنىڭ ەسىگى ءاردايىم اشىق. ايناش ەسالي. دەرەك, سۋرەت: الماتى قالالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتى.