تاراز. 15 اقپان. جامبىل وبلىسى بويىنشا مەملەكەتتىك قىزمەت ىستەرى دەپارتامەنتى «مەملەكەتتىك قىزمەتتىڭ جاڭا مودەلى جانە مەملەكەتتىك قىزمەتشىنىڭ جاڭاشا كەلبەتى» تاقىرىبىندا سەمينار وتكىزدى. بۇل تۋرالى egemen.kz ءتىلشىسى حابارلادى.
سەميناردىڭ نەگىزگى ماقساتى الەمنىڭ دامىعان وتىز ەلدەرىنىڭ قاتارىنا قوسىلۋدى مىندەتتەگەن «100 ناقتى قادام» ۇلت جوسپارىن ىسكە اسىرۋ بولىپ تابىلادى.
جامبىل وبلىسى بويىنشا مەملەكەتتىك قىزمەت ىستەرى دەپارتامەنتىنىڭ باسشىسى ب. يساقوۆ مەملەكەتتىك قىزمەت جۇيەسى مەن سىبايلاس جەمقورلىققا قارسى ساياساتتىڭ باسىم باعىتتارى مەن جاڭالىقتارى تۋرالى بايانداي كەلە جاڭادان قۇرىلعان مەملەكەتتىك قىزمەت ىستەرى مينيسترلىگىنىڭ جاڭا جۇمىس باعىتتارىنا توقتالىپ ءوتتى.
سونداي-اق, مەملەكەتتىك قىزمەتشىلەردىڭ جۇمىس بارىسىنداعى باستى قۇرالى بولىپ تابىلاتىن جاڭا ادەپ جونىندەگى كودەكسى بولەك تاقىرىپتا تالقىلاندى. بۇل قۇجات مەملەكەتتىك قىزمەتشىلەردىڭ مورالدىق-ەتيكالىق كەلبەتىنە عانا ەمەس ولاردىڭ ءوزىن ءوزى ۇستاۋ مانەرىنىڭ بازالىق ستاندارتتارىن بەكىتەدى. ب.يساقوۆ مەملەكەتتىك قىزمەتشىلەر جۇمىسىندا قاراپايىمدىلىق, ادىلدىك, ادالدىق, ساتىلماۋشىلىق سياقتى پرينتسيپتەردى ۇستانۋ كەرەكتىگىن اتاپ ءوتتى.
ءىس-شاراعا قاتىسۋشىلار مەملەكەتتىك قىزمەت سالاسىنداعى رەفورمالارعا, مەملەكەتتىك كورسەتىلەتىن قىزمەتتەر, سىبايلاس جەمقورلىققا قارسى كۇرەستى كۇشەيتۋ ماسەلەلەرىنە قاتىستى سۇراقتاردى تالقىلاپ, ونى ىسكە اسىرۋ جونىندە ءوز ويلارىمەن ءبولىستى.
مەملەكەتتىك قىزمەتشىلەردىڭ ادەپتىلىگى مەن سىبايلاس جەمقورلىقتى ەڭسەرۋ – ءبىرىن ءبىرى تولىقتىراتىن فاكتور بولىپ تابىلادى. سوندىقتان مەملەكەتتىك ورگانداردىڭ وسى باعىتتا جۇيەلى تۇردە جۇمىس ىستەۋى بۇگىنگى كۇننىڭ تالابى بولماق.
ورالحان ءداۋىت.
دەرەك, سۋرەت: egemen.kz
