اقتوبەدە التى ايلىق نارەستەنىڭ جۇرەگىنە وتا جاسالدى

اقتوبە. 15 اقپان. اقتوبە وبلىستىق بالالار كلينيكالىق اۋرۋحاناسىندا استاناداعى ۇلتتىق عىلىمي كارديوحيرۋرگيا ورتالىعىنىڭ ماماندارى بالالار كارديوحيرۋرگياسى بويىنشا شەبەرلىك ساباقتارىن وتكىزىپ, ءتۋابىتتى جۇرەك اقاۋى بار التى ايلىق ايزەرە سۇلتانعاليعا وتا جاسادى. بۇل تۋرالى egemen.kz ءتىلشىسى حابارلادى. ۇلتتىق عىلىمي كارديوحيرۋرگيا ورتالىعى بالالار كارديوحيرۋرگيا ءبولiمiنiڭ مەڭگەرۋشiسi دميتري گوربۋنوۆتىڭ ايتۋىنشا, ساپاردىڭ ماقساتى – وبلىستىق بالالار كلينيكالىق اۋرۋحاناسىنىڭ جۇمىسىمەن, جەتىستىكتەرىمەن تانىسۋ, تاجىريبە الماسۋ, سونداي-اق, شەبەرلىك ساباقتارىن وتكىزۋ بارىسىندا جۇرەككە كۇردەلى وتالار جاساۋ. سونداي-اق, ول قازىر بالالار اراسىندا مۇنداي اۋرۋدىڭ تۇرلەرى كوبەيىپ بارا جاتقانىن, ەلىمىزدە مىڭ بالانىڭ جەتى-سەگىزىنە جۇرەك اقاۋىنىڭ اۋىر جانە جەڭىل تۇرلەرىنە وتا جاسالاتىنىن ايتتى. اقتوبە وبلىسىندا عانا جىلىنا 20 مىڭعا جۋىق ءسابي دۇنيەگە كەلسە, ونىڭ 140-160-سى وسى اۋرۋعا شالدىعادى ەكەن. ماماننىڭ سوزىنە قاراعاندا, ءتۋابىتتى جۇرەك اقاۋىنىڭ جەڭىل جانە اۋىر ءتۇرى بولادى. وتكەن جىلدان بەرى اقتوبەلىك ماماندار اقاۋدىڭ ەكى تۇرىنە دە وتا جاساي باستاپتى. الايدا, كوبىنە ءتۋابىتتى جانە كۇردەلى جۇرەك اقاۋى بار ناۋقاستار استاناداعى ورتالىققا جىبەرىلەتىن كورىنەدى. ساتىبالدى ءساۋىرباي. دەرەك, سۋرەت: egemen.kz.