گرۋزيادا تۇماۋ اۋرۋىنان 15 ادام قايتىس بولدى

استانا. 14 اقپان. گرۋزيادا قىس مەزگىلى باستالعالى بەرى تۇماۋ اۋرۋىنان 15 ادام قايتىس بولدى. بۇل تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى. «وكىنىشكە وراي, گرۋزيادا تۇماۋدان 15 ناۋقاس قايتىس بولدى. ونىڭ 14-ءى A/H1N1 ۆيرۋسىن جۇقتىرعان بولسا, قالعان ءبىر ادامعا A/H3N2 دياگنوزى قويىلدى», – دەيدى ۇلتتىق دەنساۋلىق ساقتاۋ ورتالىعىنىڭ باس ديرەكتورى اميران گامكرەليدزە. سونىمەن قاتار, گامكرەليزدە ۆيرۋس جۇقتىرعان ادامدار سانى كۇننەن كۇنگە تومەندەپ بارا جاتقانىن مالىمدەدى. ونىڭ ايتۋىنشا, وتكەن جىلدىڭ سوڭىنا قاراي 100 مىڭ ادامنىڭ 357-ءسى اتالعان اۋرۋدى جۇقتىرعان بولسا, ارتىنان بۇل كورسەتكىش 310 ادامعا ازايدى. ال بۇگىنگى كۇندە الدىن الا مالىمەتتەر بويىنشا, 304 ناۋقاسقا كەمىگەن. باس ديرەكتوردىڭ ايتۋىنشا, ءولىمنىڭ باستى سەبەبى, ناۋقاستاردىڭ دارىگەرلەر كومەگىنە تىم كەش جۇگىنگەنىنەن بولىپ وتىر. ايان ءابدۋالي. دەرەك: interfax.ru. سۋرەت: medicfoto.ru.