جانبوتا الدابەرگەنوۆا الەم كۋبوگىندا «كۇمىسكە» قول جەتكىزدى

استانا. 14 اقپان. قازاقستاندىق سپورتشى جانبوتا الدابەرگەنوۆا ماسكەۋ قالاسىندا وتكەن فريستايلدان الەم كۋبوگىندا شاڭعى اكروباتيكاسىنان سىنعا ءتۇسىپ, كۇمىس جۇلدەگە قول جەتكىزدى. بۇل تۋرالى egemen.kz ءتىلشىسى حابارلادى. وتانداسىمىز فينالدا 75,91 ۇپاي جينادى. رەسەيلىك الينا گريدنەۆا 77,43 ۇپايمەن التىن مەدالدى موينىنا تاقتى. ۇزدىك ۇشتىكتى اقش سەنىم ارتقان مەديسون ولسەن تۇيىندەدى. ونىڭ ونەرىن تورەشىلەر 75,69 ۇپايمەن باعالادى. ايتا كەتەيىك, جانبوتانىڭ بۇل جەتىستىگى قازاقستاننىڭ فريستايلدىڭ شاڭعى اكروباتيكاسىنان الەم كۋبوگىندا العان العاشقى جۇلدەسى. سونىمەن قاتار, 20 جاستاعى فريستالشى قازاق قىزدارى اراسىندا قىسقى وليمپيادادا ەڭ جوعارى ناتيجە كورسەتكەن بولاتىن. اتاپ ايتقاندا, 2014 جىلى سوچي وليمپياداسىندا ول الەم مىقتىلارىمەن ۇزەڭگى قاعىستىرىپ, جالپى ەسەپتە 6-ورىنعا تابان تىرەدى. ەلامان قوڭىر. دەرەك: egemen.kz. سۋرەت: gazeta.caravan.kz.