Facebook جەلىسى لاڭكەستىكپەن كۇرەستى كۇشەيتەدى

استانا. 13 اقپان. Facebook الەۋمەتتىك جەلىسىنىڭ باسشىلىعى تەرروريزممەن كۇرەستى كۇشەيتۋگە بەل بۋدى. ەندى جەلىدە لاڭكەستىككە قاتىستى ماتەريال تاراتۋشىلار قاتاڭ باقىلاۋعا الىنىپ, ولاردىڭ جولىن كەسىلمەك. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. The Wall Street Journal باسىلىمىنىڭ مالىمدەۋىنشە, اقش بيلىگى Facebook-كە «قىسىم كورسەتىپ», سوعان وراي جەلى قىزمەتكەرلەرى قولدانۋشى جازبالارىنىڭ ەكسترەميزمگە قاتىسى بار-جوعىن بەلسەنە تەكسەرۋدى قولعا الدى. وسىعان قاتىستى باسىلىم بەتىنە جاريالانعان ماقالادا: «الەمدەگى ءىرى الەۋمەتتىك جەلى لاڭكەستىك توپتارعا قولداۋ بىلدىرگەن قولدانۋشىلاردىڭ پاراقشالارىن بۇرىنعىدان جىلدامىراق بۇعاتتاي باستادى. سونداي-اق, ولاردىڭ دوستارىنا جازعان حاتتارى دا تەكسەرىلەدى. ءتىپتى تەرروريزمگە بايلانىستى جازبالارمەن اينالىساتىن ارنايى توپ قۇرىلدى», – دەلىنگەن. Facebook الەۋمەتتىك جەلىسىنىڭ نەگىزىن 2004 جىلدىڭ 4 اقپانىندا مارك تسۋكەربەرگ قالادى. بۇگىندە جەلىنى الەم بويىنشا ايىنا 1,5 ملرد. ادام قولدانادى. ەلامان قوڭىر. دەرەك: تاسس. سۋرەت: AP Photo.