وگەم ءوڭىرى جاڭارادى

وڭتۇستىكتە «ەگەر وگەم شاتقالىن كورمەسەڭ, شىم­كەنتتىكپىن دەمەي-اق قوي» دەگەن ءسوز بار. سايرام-وگەم ۇلتتىق پاركىنە قارايتىن شاتقالدى جەر ءجانناتى دەسەڭ دە بولادى. تاۋدى تەسىپ قۇلدىراڭداپ اققان بۇلاق, تۇگى جاپىرىلماعان كوك بالاۋسا قۇراق, ماۋەسى-شاۋەسى قوڭىر كۇزدە جەرگە بىرداي بولىپ توگىلگەن جەمىس اعاشتارى اسپانعا قول سوزعان قاراعايلارمەن كىرىگىپ كەتكەن. شاتقالعا تەك استى بيىك ماشينالار­مەن عانا وتە الاسىز. قۇ­لاما جارتاستاردى جاناي وتەتىن جول ەكى كولىك زورعا سىيارداي. ەتەككە تۇسكەن سوڭ جو­لىنداعىنى جاڭقاداي كور­مەيتىن وگەم وزەنىنە ەرىكسىز ايالدايسىز. جىلدىڭ قاي مەزگىلى بولسا دا سۋىقتىعى سونداي, اياعىڭىزدى مال­ساڭىز, توق ۇرعانداي ماڭ­دايىنىزدان مۇزداي تەر بۇرق ەتە قالادى. مۇلگىگەن تىنىشتىق, مۇندا تابيعات بالبىراپ ۇيقىعا باتىپ تۇرعانداي كورىنەدى. مىنە, ەرتەگىدەي وسى جەر وبلىستىق كاسىپكەرلىك, ين­دۋستريالىق-يننوۆا­تسيا­لىق دامۋ جانە تۋريزم باسقار­ماسىنىڭ ۇي­عا­رى­مىمەن سايرام-وگەم تا­بيعي پار­كىنە قارايتىن ماشات شات­قالى, وگەم ءجا­نە قاس­قاسۋ ءتۋريزمدى دامىتۋ ءۇشىن ينۆەستورلارعا ۇزاق مەر­زىمگە جالعا بەرى­لەتىن بولدى. «سايرام-وگەم» مەملە­كەت­تىك ۇلتتىق تابيعي پار­كىنىڭ كولەمى – 148 مىڭ 87 گەكتار. سونىڭ 19 مىڭ 74 گەكتارىن ءتۇرلى ماق­ساتقا پايدالانۋعا بولادى. ءبۇ­گىندە 34 جەكە كاسىپكەر 136 گەكتاردى پاي­دالانىپ, مەملەكەت پاي­داسىنا قارجى تولەپ وتىر. ەندى 300 گەكتار جەر ۇزاق جانە قىسقا مەرزىمگە ين­ۆەستورلارعا جال­عا بە­رىلەدى. «ءوزىم دەگەندە, وگىز قا­را كۇشىم بار» دەيدى حا­لىق ناقىلى. اتالعان جەر­دى پايدالانۋعا العان كا­سىپ­كەرلەر دەمالىس ورىندارىن سالادى. اسپان جەرگە اينالىپ تۇسەردەي اپتاپتا شىمكەنتتىكتەردىڭ دەنى تاۋ ساعالاپ كەتەتىن. جاڭا دەمالىس ورىندارى ەلگە دە, مەملەكەتكە دە پايدالى بولماق. باقتيار تايجان, «ەگەمەن قازاقستان». وڭتۇستىك قازاقستان وبلىسى.