ەنجارلىقتى ەڭسەرۋ

بۇرىندارى وڭىردەگى ەڭبەكپەن تۇزەتۋ مەكەمەلەرىن جۇمىسپەن قامتاماسىز ەتۋ مىندەتى «قى­زىلجار-ەڭبەك» جشس-نە جۇكتە­لىپ كەلگەن. الايدا, سەرىكتەستىك داع­­دارىس قىسپاعىنا شىداي الماعاندىقتان بانكروتتىققا ۇشىراعان. وسىنداي قىسىلشاڭ تۇستا ۇكىمەت ارنايى قاۋلى قا­بىلداپ, ارىپتەستىككە شاعىن جانە ورتا بيزنەس وكىلدەرىن تارتۋ, ولاردىڭ مۇمكىندىكتەرىن پايدالانۋ, باس ەركىنەن ايىرىلعان جانداردى وقىتۋ ارقىلى قوسىمشا كاسىپكە دايارلاۋ سەكىلدى ءتۇيىندى ماسەلەلەردى رەتتەپ بەردى. مۇن­داي شەشىمدى تىعىرىقتان شى­عۋدىڭ امال-ادىستەرى رەتىندە قا­بىلداعان قىلمىستىق اتقارۋ جۇيەسى وبلىستىق دەپارتامەنتىنىڭ باسشىلىعى دەرەۋ ىسكە كىرىسكەن. جازاسىن وتەۋشىلەردى نارىق سۇرانىسىنا لايىق ماماندىققا ازىرلەۋ, جۇيەلى جۇمىسپەن قامتۋ شارالارى كەڭ ءورىس الىپ, سەمينار-وقۋلار ۇيىمداستىرىلعان. – ءوڭىر اۋماعىندا ورنالاسقان 6 ەڭبەكپەن تۇزەتۋ مەكەمەلەرىندە ەكى مىڭعا جۋىق ادام جازاسىن وتەيدى. ەڭبەككە جارامدىلاردىڭ 54 پايىزى ناپاقالارىن ادال ايىرادى. بۇل – جامان كورسەتكىش ەمەس. 10-عا جۋىق كاسىپكەرمەن تىعىز قارىم-قاتىناس ورناتۋدىڭ ارقاسىندا كيىم تىگۋ, اعاش وڭدەۋ, تەمىر قاڭقالارىن قۇراستىرۋ تسەحتارى جۇمىس ىستەيدى. الدا 400 سوتتالۋشى 5 ماماندىق بو­يىنشا بىلىمدەرىن جەتىلدىرەتىن بولادى. ول ءۇشىن كۋرستار سانى كوبەيتىلىپ, كاسىپتىك-تەحنيكالىق كوللەدجدەرمەن قارىم-قاتىناس نىعايتىلادى, – دەدى قىلمىستىق اتقارۋ جۇيەسى وبلىستىق دەپار­تامەنتىنىڭ سوتتالعانداردىڭ ەڭ­بەگىن ۇيىمداستىرۋ جونىندەگى باس مامان قانات سۇلەيمەنوۆ. تەمىر توردىڭ ارعى جاعىندا جازاسىن وتەپ جاتقانداردىڭ قيلى تاعدىرىنا الاڭداپ, العاش قول سوزعانداردىڭ ءبىرى – «ششەگولەۆ» جەكە كاسىپكەرلىگى. 2012 جىلى ەس–164/4 تۇزەتۋ مەكەمەسىندە مونشاعا قاجەتتى بۇيىمدار شىعاراتىن تسەح اشىپ, 10 جۇمىس ورنىن قۇرعان. بىلتىر جۇمىسشىلار سانى 120-عا جەتكەن. ەۆگەني ششەگولەۆتىڭ ايتۋىنشا, ونىڭ مۇنداي قادامعا بارۋىنا مەملەكەت تاراپىنان جاسالعان قامقورلىقتار تۇرتكى بولعان. عيماراتتاردى جالعا الۋ اقىسى تەگىن. باسقاداي دا جەڭىل­­دىكتەر قاراستىرىلعان. ەندى تىگىن تسەحىن ىسكە قوسۋدى ماقسات ەتىپ, قاجەتتى قۇرال-جابدىقتار رەسەيدەن اكەلىنىپتى. اباقتى ىشىندە ورنالاسقان كاسىبي ليتسەيدە وقىپ جاتقان 25 قىز-كەلىنشەك تىگىنشى ماماندى­عىن الىپ شىعادى. بۇدان تىس­قا­رى 10 ادام اۋىلدىق جەرلەرگە اڭ­شى, بالىقشىلارعا ارناپ كيىم­دەر تىگۋمەن اينالى­سادى. جوكە توقۋ ءوندىرىسى دە جولعا قويىلعان. كاسىپكەردىڭ ەندىگى ءبىر ويى – جىلىجاي قۇرىپ, گۇل­دەر, اعاش كوشەتتەرىن ءوسىرۋ. ءبىر قۋانتارلىعى, ونىمدەر ەلىمىز بو­يىنشا تارايدى. – ايەلدەر كولونياسىنداعى 200 سوتتالۋشىنىڭ 90 پايىزى ەڭبەكپەن قامتىلعان. بوس ۋاقىتتارىن ءبىلىم الۋعا بولماسا ەڭبەكتەنۋگە جۇمسايدى. جىل وتكەن سايىن قول قۋسىرىپ وتىرۋشىلار قاتارى ازايىپ كە­لەدى. بوستاندىققا شىققاننان كەيىن دە ءبىر قاجەتىنە جاراتارى انىق. ماڭداي تەرمەن تاپقان ەڭبەكاقىلارى سوت شەشىمىمەن بەلگىلەنگەن قارىزدارىن وتەۋگە جۇمسالادى. قالعاندارىن وتباسىنا جىبەرە مە, الدە جەكە قا­جەتىنە جاراتا ما, بولماسا ەسەپ­شوتتا ساقتاي ما – ەركى,– دەي­دى بولىمشە باستىعى مايا رامازانوۆا. بۇگىندە 125 جازاسىن وتەۋ­شى كاسىبي-كوللەدجدەردىڭ ءشا­كىرت­تەرى ەسەبىندە تىگىنشى, تاس قالاۋشى, سىلاقشى, گازبەن ءدا­نەكەرلەۋشى ماماندىقتارىنا باۋ­لىنۋدا. ارنايى كابينەتتەردى جابدىقتاۋعا بىلتىر 1 ميلليون 862 مىڭ تەڭگە جۇمسالسا, بيىل 2 ميلليون 185 مىڭ تەڭگە بولىنگەن. دەپارتامەنتتە قىسقا كۋرس­تاردى اياقتاۋشىلاردى جۇ­مىس­قا ورنالاستىرۋ ءبىرىنشى كە­زەكتەگى ماسەلە سانالادى. ءوز­ارا كەلىسىمشارتتارعا سايكەس «سا­ليكوۆ» جەكە كاسىپكەرلىگى – 26, «لايف» جشس – 10, «ىسقاقوۆ» جەكە كاسىپكەرلىگى 7 ادامعا جۇمىس تاۋىپ بەرگەن. ايىرتاۋ اۋدانىندا ورنالاسقان تۇزەتۋ مەكەمەسىندە 4 جەكە كاسىپكەر اعاش ماتەريالدارىن وڭدەۋمەن اينالىسىپ, 30 ادام ەڭبەككە تارتىلعان. ءومىر ەسقالي, «ەگەمەن قازاقستان». سولتۇستىك قازاقستان وبلىسى.