نيگەريادا لاڭكەستەرگە قارۋ-جاراق وتكىزبەك بولعاندار ۇستالدى

استانا. 29 جەلتوقسان. نيگەريانىڭ سولتۇستىگىندە ورنالاسقان ماداگالي مەن مايدۋگۋري قالالارىندا «بوكو حارام» سودىرلار توبى ۇيىمداستىرعان جارىلىستاردان 80 ادام قازا تاپتى. بۇل تۋرالى ria.ru سايتىنا سىلتەمە جاساعان egemen.kz ءتىلشىسى حابارلادى. بورنو فەدەرالدى شتاتىنىڭ ءادمينيستراتيۆتى ورتالىعى – مايدۋگۋريدەن 150 شاقىرىم قاشىقتىقتا ورنالاسقان ماداگالي قالاسىندا كۇتپەگەن جەردەن لاڭكەستەر شابۋىل جاسادى. حالىق كوپ شوعىرلانعان جەرگىلىكتى بازارلاردىڭ بىرىندە ەكى ايەل بومبا قويىپ, 30 ادام قازا تاپتى. ال مايدۋگۋري قالاسىنىڭ وزىندە تۇندە بولعان اتىس پەن جارىلىستان 30 ادام باقيلىق بولدى. سونداي-اق, 90 تۇرعىن ءتۇرلى جاراقات الدى. لاڭكەستىك توپ ارتىنشا قالا مەشىتتەرىنىڭ بىرىندە دە قىلمىستى ارەكەتىن جالعاستىردى. قۇلشىلىق ورنىنداعى شابۋىلدان 20 ادام كوز جۇمدى. نەبارى التى جىلدىڭ ىشىندە «بوكو حارام» سودىرلار ۇيىمىنىڭ قولىنان 20 مىڭعا جۋىق قالا حالقى قازا تاۋىپتى. اتالعان توپ كوبىنە نيگەريانىڭ سولتۇستىك-باتىسىندا, سونداي-اق كامەرۋن مەن چاد ەلدەرىنە تەررورلىق شابۋىل جاسايدى. ايان ءابدۋالي. دەرەك: ria.ru. سۋرەت: 112.ua.