استانا. 11 اقپان. 91678 اسكەري بولىمدە ۇيرەتۋشى نۇسقاۋشىلاردى جىل سايىنعى اتپەن دايىنداۋ باستالدى. بۇل تۋرالى egemen.kz ءتىلشىسى حابارالدى.
ءبولىمنىڭ اسكەري قىزمەتشىلەرى تۇلپارلارمەن جاۋىنگەرلىك دايارلىق بويىنشا جوسپارلى ساباقتار وتكىزەدى. ارميادا جىلقىلار تەحنيكا وتە المايتىن تاۋ-تاستىڭ اراسىندا, تاۋلى جەردە, تايىز سوقپاق جولداردا پايدالانىلادى. ولار جارالىلاردى شىعارۋ, جۇكتەر مەن وق-دارىلەردى تاسىمالداۋ, باسقا دا تاپسىرمالاردى ورىنداۋ ۇشىن پايدالانىلىپ كەلەدى.
اسكەري قىزمەتشىلەر جاڭادان كەلگەندەردى اتقا مىنۋگە, جاۋىنگەرلىك تاپسىرمالاردى ورىنداۋعا, اتقا ءمىنۋدىڭ نەگىزدەرىن ۇيرەتەدى. ۇيرەتۋ بارىسىندا جىلقىلار كەدەرگىلەردەن ءوتىپ, تاۋلى جەردە جەكە قۇرامدى تاسىمالدايدى. سونداي-اق, ولارعا اۆتوماتتان شىعاتىن قاتتى دىبىستارعا ۇيرەنىسۋ قاجەت. جاۋىنگەرلىك دايارلىق ءارتۇرلى پوليگونداردا وتكىزىلەدى. الىس جەرلەرگە جىلقىلاردى پويىزبەن تاسىمالدايدى.
قارۋلى كۇشتەردە اتقا ءمىنۋ دايىندىعى مىندەتتى ءپان بولىپ سانالادى. ال پوليگونداردا جىلقىلارمەن جۇمىس جاساۋ جوسپارعا بايلانىستى ايىنا بىرنەشە رەت وتەدى.
«سايگ ۇلىكتەردى ءوزىمىز تاماقتاندىرامىز. س ۇلى, كەبەك, بيداي سياقتى ازىق جەمدى جىلقىلار نورماعا سايكەس كۇن سايىن الىپ تۇرادى. سونىمەن قاتار دارۋمەندەر بەرەمىز. جانۋارلاردى ات قورانىڭ جەكە قورالارىندا ۇستايدى. روتاعا جىلقىلار ءۇش جاسىندا كەلەدى, ال ولاردىڭ قىزمەت ەتۋ مەرزىمى 5 جىل», دەيدى تاۋلى-قورىقتىق روتاسىنىڭ كومانديرى اعا لەيتەنانت بەك قامباربەك ۇلى.
روتا جانىندا جىلقىلاردىڭ كۇتىمىن قاداعالاپ وتىراتىن ۆەتەرينارلىق پۋنكت قىزمەت اتقارادى. روتا قۇرامىندا بارلىعى 52 جۇيرىك بار. ارقايسىسى ءبىر-ءبىر اسكەري قىزمەتشىگە بەكىتىلگەن جانە ءوزىنىڭ ارنايى ءنومىرى بار.
قازىر اسكەردە پايدالانىلىپ جۇرگەن جىلقىلار بىلتىر تارازدا وتكەن قازاق حاندىعىنىڭ 550 جىلدىعىن مەرەكەلەۋگە, جاركەنت پەن قاپشاعايدا وتكەن «قازاق ەلى» ءفيلمىنىڭ تۇسىرىلىمىندە پايدالانىلدى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.
