تايلاندتا اپاتقا ۇشىراعان كەمەدەن 60 جولاۋشى قۇتقارىلدى

استانا. 11 اقپان. تايلاندتىڭ وڭتۇستىگىندەگى پحانگنگا پروۆينتسياسىنا قاراستى اندامان تەڭىزىندە جەرگىلىكتى بالىقشىلار اپاتقا ۇشىراعان ساياحاتشىلار كەمەسىنەن 60 ادامدى قۇتقارىپ قالدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وقيعا سارسەنبى كۇنى ساياحاتشىلار توبى سيميلان ارالدارىنان قايتقان كەزدە بولعان. ۇلكەن جىلدامدىقپەن كەلە جاتقان كەمە سۋ بەتىندەگى ءىرى بورەنەگە سوعىلىپ, اپاتقا ۇشىرادى. بۇل ءساتتى بايقاعان بالىقشىلار دەرەۋ كومەككە جەتىپ, ساياحاتشىلاردىڭ ءبارىن امان الىپ قالدى. سيميلان باسشىلىعى نات كونگكەسورننىڭ ايتۋىنشا, ساياحاتشىلار اراسىندا سۇرانىسقا يە ارالدىڭ ءاربىر كەمەلەرى 70 ادامعا دەيىن تاسىمالداي الادى. سۋ كولىگىنىڭ كاپيتانى ساقتىق شارالارىن دەر كەزىندە ورىنداپ, ءاربىر ادامعا ارنايى سۋعا باتىرمايتىن كەۋدەشەلەر كيگىزدى. وسىعان بايلانىستى ەشكىم زارداپ شەكپەدى. ايان ءابدۋالي. دەرەك: تاسس. سۋرەت: regnum.ru.