الماتى. 11 اقپان. الماتىداعى قازاق مەملەكەتتىك قىزدار پەداگوگيكالىق ۋنيۆەرسيتەتىندە قاجەت ەمەس زاتتاردان جاسالعان بۇيىمدارعا ارنالعان ەرەكشە كورمە ءوتتى. بۇل تۋرالى egemen.kz ءتىلشىسى حابارلادى.
«كورمە وتكىزۋ يدەياسى ستۋدەنتتەردى شابىتتاندىردى. قازىلار القاسى وسى جۇمىستاردىڭ اراسىنان ەڭ ۇزدىگىن انىقتاپ, ماراپاتتادى. ءبىز ەڭبەككە باۋليتىن پاندەردە عانا جاڭا زارتتاردى جاساۋدى ۇيرەتەتىن بولساق, ەندىگى كەزەكتە كەز كەلگەن قىزىعۋشى جان ارنايى ۇيىرمەگە قاتىسا الادى. سول سياقتى جاڭادان «شەبەر قولدار» ۇيىرمەسىن اشاتىن بولامىز», – دەيدى ۋنيۆەرسيتەتتىڭ مەكتەپكە دەيىنگى جانە باستاۋىش كافەدراسىنىڭ مەڭگەرۋشىسى تۇرسىناي باينازاروۆا.
قيال جۇيرىكتىگىن كورسەتۋدى كوزدەگەن پەداگوگيكا جانە پسيحولوگيا فاكۋلتەتى مەن «قازنۇر» گۋمانيتارلىق كوللەدجىنىڭ ستۋدەنتتەرى كورمەگە ەرەكشە اتسالىستى. ءوز ماماندىقتارى بويىنشا كاسىبي وسۋگە سەپ بولاتىن شاراعا پلاستيك بوتەلكەلەردەن, قاقپاقتاردان, لامپالاردان, گۇلشوعى ورالعان قاعاز, لەنتا, كارتون, ديسك سىندى پايدالانىلعان زاتتاردى قولدانا وتىرىپ جاڭا دۇنيەلەر جاساعان. ءار جۇمىستىڭ اتاۋى, اۆتورى كورسەتىلىپ, قازىلار القاسىنا ۇسىنىلدى.
«كوڭىلدى فەرما», «كيرا توراي», «التىن بالىق» دەگەن اتاۋلاردى العان سان الۋان زاتتار كوزدىڭ جاۋىن الادى.
كورمەگە قويىلعان زاتتار وزىندىك ەرەكشەلىگى, ەستەتيكالىعى, ەكولوگيالىق قۇندىلىعى, پايدانىلعان ماتەريالداردىڭ ارتۇرلىلىگى بويىنشا ساراپقا سالىنىپ, ەڭ ۇزدىكتەرى انىقتالدى.
ۇيىمداستىرۋشىلاردىڭ ايتۋىنشا ۇزدىك جۇمىستار اباي اتىنداعى قازۇپۋ-دا وتەتىن كورمەگە اپارىلادى. بۇل تاجىريبە الماسۋعا, كاسىبي شىڭدالۋعا مۇمكىندىك بەرەرى ءسوزسىز.
ايناش ەسالي.
دەرەك, سۋرەت: egemen.kz.
