ەگىزدەردىڭ تۇستەرى ەكى بولەك

انگليادا 20 جاستاعى حاننا ياركەر مەن 24 جاستاعى كايل ارمس­ترونگ وتباسىندا ەگىز قىز بالا دۇنيەگە كەلدى. بىراق بۇل ءبىر پالەندەي تاڭعالاتىن جاڭالىق ەمەس. مۇنىڭ اعايىندى اڭ-تاڭ ەتكەن بار جاعدايى ولاردىڭ ەكەۋى­نىڭ ەكى ءتۇرلى ءناسىلدى, ەكى ءبو­لەك ءتۇستى ەكەندىگىندە بولىپ وتىر. ءبىر قىزىعى, شاقالاقتار شىر ەتىپ ومىرگە كەلگەن كەزدە ولاردىڭ تۇرلەرىنەن اناۋ ايتقانداي ايىر­ما­شىلىق بايقالماعان. ولار ءتىپتى ءبىر-بىرلەرىنەن اينىمايتىن بولىپ شىققان. تەك بىرنەشە كۇن وتكەننەن كەيىن ولاردىڭ ءبىرىنىڭ ءتۇسى بىرتىندەپ قارايا باستاعان. اقشىل ءتۇستى انايا اناسىنىڭ گەنىن السا, ونىڭ سىڭارى ميلا قارا ءناسىلدى اكەسىنە تارتىپتى. ەگىز­دەردىڭ مىنەزى دە ەكى ءبو­لەك ەكەن. ميلا وتە بەيماز بولسا, انايا سابىرلى قالپىمەن تانىلعان. حاننا ادامداردىڭ ءبىرازى ءوز قىزدارىنىڭ ەگىز ەكەنىنە سەن­بەيتىنىن ايتادى. ءتىپتى, بۇل جايتقا ۇيرەنىپ تە كەتكەن. «ەكەۋىنىڭ ءبىر كۇندە تۋىلعانىنا ءوزى­مىز دە سەنە الماي وتىرمىز. سە­بە­بى, ولاردىڭ مىنەز-ق ۇلىقتارى دا ءبىر-بىرىنە ۇقسامايدى», – دەيدى جاس انا. رۋسلان يگىلىك.