7-ءشى قاباتتان قۇلاعان جەتكىنشەك امان قالدى

ماسكەۋدەگى كوپ قاباتتى تۇرعىن ۇيلەردىڭ ءبىرىنىڭ جەتىنشى قاباتىنان جەرگە قۇلاپ كەتكەن 10 جاسار بالا ءتىرى قالدى. پەرىشتە قاعىپ, امان قالعان ونىڭ جاعدايى, بىراق, ازىرگە قيىنداۋ. العان جاراقاتى اۋىر سياقتى. ول № 9 بالالار قالالىق اۋرۋحاناسىندا جاتىر. – ءبىز مۇنداي وقيعانىڭ بولعانىن راستايمىز, – دەدى ماسكەۋ قالالىق ىشكى ىستەر باس باسقارماسى ءباسپاسوز قىزمەتىنەن. – بالا قالانىڭ كوچنوۆ اۋماعىنداعى ۇيلەردىڭ بىرىنەن قۇلاپ كەتكەن. ەڭ باستىسى, ول ءتىرى. دارىگەرلەر ونىڭ ءومىرى ءۇشىن كۇرەسىپ جاتىر. ال قۇقىق قورعاۋ ورگاندارى بولعان جاعدايلاردىڭ بارلىق سەبەپ-سالدارىن تەكسەرۋدە. سونىمەن قاتار, بالا قۇلاعان ءۇيدىڭ 32 قاباتتان تۇراتىنى دا بەلگىلى بولىپ وتىر. ال كىشكەنتايدى بۇدان بىرەۋ يتەرىپ جىبەردى مە, ءوزى قۇلاپ كەتتى مە, ول جاعىن ءتارتىپ ساقشىلارى انىقتايتىن بولادى. نە دەگەندە دە, وسىنشالىقتى بيىكتەن قۇلاعان بالانىڭ امان قالۋى وتە ءبىر سيرەك كەزدەسەتىن وقيعا. مۇرات ايتقوجا.