ءولى نارەستە ورتەر الدىندا ءتىرىلىپ كەتتى

قىتايدا ءمايىتحانادا تسەلسي بويىنشا مينۋس 12 گرادۋستىق سۋىقتا 23 ساعات جات­قان نارەستە ءتىرىلىپ كەتتى. بۇعان دەيىن دارىگەرلەر قايتىس بولدى دەگەن ۇكىم شىعارىپ قويعان بوبەك ورتەۋ ءراسىمى با­س­تالۋعا ساناۋلى مينۋتتار قال­عان كەزدە وزىنەن ءوزى ويانعان. شاقالاق چجەنتسزيان پروۆينتسياسىندا 8 قاڭتار كۇنى ءوزىنىڭ مەرزىمىنەن ەكى اي بۇرىن تۋىلعان ەكەن. دارىگەرلەر ونى ينكۋباتورعا سالىپ, 23 كۇن بويى قولدان تىنىستاندىرعان. الايدا, مۇنان كەيىن ءسابيدىڭ اتا-اناسى بالالارىن دارىگەر­لەردىڭ قارسىلىعىنا قاراماس­تان, ۇيلەرىنە الىپ كەتىپتى. ولار قىتاي جاڭا جىلىن وتباسىمەن قارسى الماق بولعان كورىنەدى. بىراق ارادا ەكى كۇن وتكەندە نارەستەنىڭ جاعدايى كۇرت ناشارلاپ, ەرلى-زايىپتىلار ونى اۋرۋحاناعا قايتا جەتكىزگەن. ال 4 اقپان كۇنى بالا قاي­تىس بولىپتى. وسىدان كەيىن ونىڭ دەنەسى مايىتحاناعا قويىلعان. كەلەسى كۇنى دارىگەرلەر ءنا­رەس­­تەنىڭ دەنەسىن ورتەۋ كامەراسىنا سالىپ جاتقان تۇستا ول جىلاپ جىبەرىپتى. ماماندار دەرەۋ ونى جانساقتاۋ بولىمىنە جەتكىزىپ, قايتادان تىنىس الۋ اپپاراتىنا قوسىپ قويادى. بالانى ءولدى دەپ ساناعان دوكتور چەن ءالى كۇنگە دەيىن بۇ­عان قايران قالىپ وتىر. «مەن شىنىندا دا نە بولعانىن تۇسىنە الار ەمەسپىن. بۇل ءبىر عاجايىپ وقيعا بولدى», – دەيدى دارىگەر. ال اۋرۋحانا باسشىلىعى بول­عان جايتتى دارىگەرلەردىڭ سال­عىرتتىعىنان كورىپ وتىر. دامير قوجامقۇل.