قالالىقتار قار جاۋدى دەپ قۋانىپ جاتىر

بۇرناعى كۇنى بۇعان دەيىن كوك­تەمنىڭ كۇيىن كەشكەندەي بو­لىپ تۇرعان شىمكەنتكە قىس قاي­تا كەلگەندەي بولدى. قىسقا مەرزىم ىشىندە ايماقتى ۇلپاداي اپپاق قار باستى دا قالدى. بۇل قوياننىڭ قۇيرىعىنداي بۇلاڭ­دا­عان قىستىڭ قايتا ءۇيىرىلىپ سوق­قانىن كورسەتتى. ال بيىل جاڭا جىلدى وڭتۇستىك ءوڭىرىنىڭ جۇرتى جىلى جاڭبىرمەن قارسى العان. ارقادا ارقىراعان بوران قارعا ادىم جەردى كورگىزبەي, اسپان مەن جەر كوك مۇزعا ورانىپ جاتقاندا شىمكەنتتە بايشەشەك ءبۇر جارعان, شيە گۇلدەگەن. ەسىك الدىن­داعى الاڭقايىمىزدا قاۋلاپ وسكەن بالاۋسا وراقپەن ورارعا كەپ قالعانداي ەدى. «اق كيىمدى, دەنەلى, اق ساقالدى, سوقىر, مىل­قاۋ تانىماس ءتىرى جاندى» قىسى­ڭىز شىمكەنت دەگەن جەردە دە قىس بولۋ كەرەكتىگىن ۇمى­تىپ كەتتى مە دەپ جۇرگەنىمىزدە, اق­پاننىڭ ەكىنشى اپتاسى قارمەن باستالدى. قىلامىقتاپ جاۋدى, جەرگە تۇسپەي ەرىپ جاتتى. بولماعان سوڭ جاپالاقتاپ جاۋىپ, قاباعىن تۇكسيتىپ ەدى, قىس ءتۇستى. تۇندە بەس گرادۋس, كۇندىز ءۇش-ءتورت گرادۋس اياز بار. بالالار راحاتتا­نىپ قالدى. ۇلكەندەر تاۋعا بارىپ شاڭعى تەۋىپ ءجۇر. بىراق, قوياننىڭ قۇيرىعىنداي شولتاڭ ەتە قالاتىن وڭتۇستىك قىسىنىڭ اياعى وسى قار بولاتىن سىڭايلى. 12 اقپاننان باستاپ اۋا تەمپە­را­تۋراسىنىڭ جىلىلىعى 2-3 گرادۋسقا ارتادى دەپ كۇتىلۋدە. قىس وسىلايشا سىر بەرىپ تۇر. باقتيار تايجان, «ەگەمەن قازاقستان». وڭتۇستىك قازاقستان وبلىسى.