ەل ەگەمەندىگىنە ارنالعان ەلەۋلى شارالار

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا ەل تاۋەلسىزدىگىنىڭ 25 جىلدىعىن اتاپ وتۋگە ارنالعان «تاۋەلسىز قازاقستان سيمۆولدارى» اتتى ءارتۇرلى پىشىمدەگى ءىس-شارالار توپتاماسىنىڭ تۇساۋكەسەرى بولىپ ءوتتى. ونىڭ نەگىزگى ماقساتى ەل پرەزيدەنتى ن.ءا.نازارباەۆتىڭ جاسامپاز يدەيالارىن, تاۋەلسىزدىك جەتىستىكتەرى مەن تابىستارىن ناسيحاتتاۋعا باعىتتالعان ءىس-شارالار جوسپارىن تالقىلاۋ, ەل ءبىر­­لىگىن نىعايتۋ, «ماڭگىلىك ەل» پات­ريوتتىق يدەيا­سىن ىلگەرىلەتۋ, وتانعا دەگەن ماقتانىش سەزىمىن وياتۋ بولىپ تابىلدى. كەڭەس جۇمىسىنا «نۇر وتان» پار­­­­تياسىنىڭ وكىلدەرى, قازاقستان حالقى اسسامبلەياسىنىڭ مۇشەلەرى, قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكا­دەمياسى, ەلباسى كىتاپحاناسىمەن ىنتىماقتاستىق تۋرالى مەموراندۋمعا وتىرعان مەكەمەلەر, «تۇڭعىش پرە­زيدەنت – ەلباسى كىتاپحاناسى» مەم­لەكەتتىك مەكەمەسى جانىنداعى «كەمەل ەل» مادەني-ءبىلىم بەرۋ جۇ­مى­­­سى جانە جاستارعا تاربيە بەرۋ ور­تا­لى­عىنىڭ ۇيلەستىرۋ كەڭەسىنىڭ مۇشەلەرى قاتىستى. سەرىكتەستەردىڭ اتالعان ءىس-شارالار توپتاماسىن ىسكە اسىرۋ ءۇشىن ارنايى ۇيلەستىرۋ كەڭەسى قۇرىلعان. بۇل كەڭەسكە 20 ۇيىم وكىلدەرى كىرەدى. دالىرەك ايت­ساق, مەملەكەتتىك مەكەمەلەر, جاس­تار بىرلەستىكتەرى, ەلىمىزدىڭ بارلىق ءوڭىر­­لەرىنىڭ اكىمدىكتەرى جانە تاعى باسقالارى. اتالعان ۇيىمدار بىرىگىپ 50-دەن استام ءىس-شارانى بىرلەسىپ ۇيىم­داستىراتىن بولادى. ءىس-شارا­لار ىشىندەگى جوسپار اياسىندا الداعى اي­لارعا تاقىرىپتىق اتاۋلار دا بەرى­لىپ قويعان. مىسالى, قاڭتار ايى – «كا­سى­بي جانە ءتيىمدى مەملەكەت», اقپان – «ين­­دۋستريالاندىرۋ. ين­نوۆاتسيا», ال ناۋرىز ايى – «سپورت. سالاماتتى ءومىر سالتى» دەگەن اتاۋلارمەن بەكىتىلگەن. قازاقستان رەسپۋبليكاسىنىڭ تۇڭ­عىش پرەزيدەنتى – ەلباسىنىڭ كىتاپحاناسى جۇزەگە اسىراتىن باس­تى جانە كەڭ اۋ­قىمدى قامتيتىن ءىس-شارانىڭ ءبى­رى «الەمدى وزگەرتەتىن يدەيالار» ات­تى الەۋ­­­مەتتىك جوباسى بولىپ تابىلادى. بۇل جوبا شەڭبەرىندە جوعارى وقۋ ورىن­دا­رىنىڭ 2-4 كۋرس ستۋدەنتتەرى مەن جالپى ءبىلىم بەرەتىن مەكتەپتەردىڭ 9-10 سىنىپ وقۋشىلارىنا ارنالعان سەمينار-ترەنينگتەر, ەكسكۋرسيالار, كون­كۋرس­تار وتكىزىلەدى دەپ جوسپارلانىپ وتىر. باسقوسۋ بارىسىندا قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى ب.س.ءابدىراسىلوۆ, «قوعام­دىق كەلىسىم» رەسپۋبليكالىق مەم­لەكەتتىك مەكەمەسىنىڭ ديرەكتورى ن.پ.كالاش­نيكوۆا ءسوز سويلەپ, ات­قارىلعان شارا­لارعا شولۋ جاساپ, ال­داعى جوسپارلارىنا دا توقتالىپ ءوتتى. راۋان قايدار, «ەگەمەن قازاقستان». استانا.