پارتيا ۇسىنعان زاڭ جوباسىنا تۇسىنىك بەردى

قازاقستاننىڭ «اق جول» دەموكراتيالىق پارتياسىنىڭ وكىلدەرى الماتىدا «جەكە تۇلعالار مەن جەكە كاسىپكەرلەردىڭ بانكروتتىق جاعدايى تۋرالى» دەگەن تاقىرىپتا ءتۇرلى سالا وكىلدەرىنىڭ باسىن قوسىپ, قوعامدىق ماسەلەنى كەڭىنەن قوزعايتىن جيىن وتكىزدى. بۇل تاقىرىپتى تەرەڭىرەك قوزعاۋعا الەمدىك ەكونوميكاداعى قازىرگى احۋال مەن بارلىق قوعامدا كەزدەسىپ وتىرعان وتپەلى داعدارىس كەزىندەگى ازاماتتاردىڭ الەۋمەتتىك قۇقىقتارىنىڭ شەكتەلۋ كو­رىنىستەرى سەبەپ بولدى, دەيدى اقجولدىقتار. وسى رەتتە, پارتيا وكىلدەرى قازىرگى تاڭدا كوپتەگەن ازاماتتار ەكونوميكالىق قۇلدىراۋ, جۇمىسىنان نەمەسە ەڭبەككە قابىلەتتىلىگىنەن ايىرىلۋ سالدارىنان ءوزىنىڭ قارجىلىق جاعدايىنىڭ ناشارلاۋىنا, نەسيەلىك جانە ساتىپ الۋ مۇمكىندىگىنىڭ تومەندەۋىنە, قاجەتتىلىك ءۇشىن نەسيەگە مۇقتاج بولۋ جانە قارجى ۇيىمدارىنىڭ جوعارى پايىزدىق مولشەرلەمە ۇستانۋى كەڭ ەتەك العاندىعىن تىلگە تيەك ەتەدى. جيىندا كەي جاعدايدا الەۋمەتتىك كۇيزەلىستىڭ ارتۋىن ەسكەرە وتىرىپ, بانك­تەر قارىز الۋشىلارعا بەلگىلى جەڭىل­دىك­تەر جاسايتىندىعى, الايدا, بانك تارا­پىنان جۇرگىزىلىپ وتىرعان نەسيە الۋشىنىڭ ءوتىنىمىن قايتا قاراۋ جەڭىلدىگى تۇتىنۋشىنىڭ جاعدايىن قىسقا مەر­زىمدە جاقسارتىپ, بەلگىلى ۋاقىت كەزەڭى اياقتالعاننان كەيىن جاڭا قيىن­شىلىق­تارمەن بەتپە-بەت قالاتىندىعى, قول­دا­نىستاعى زاڭناما بەرەشەكتىڭ تۋىنداۋ تاسىلىنە قاراي ونى ءوندىرىپ الۋدىڭ ءبىر­قاتار ادىستەرىن كوزدەيتىندىگى ايتىلدى. قازاقستاننىڭ «اق جول» دەموكراتيالىق پارتياسى ۇسىنىپ وتىرعان زاڭ جوباسىنىڭ تۇپكىلىكتى ماقساتى بەرەشەكتى ءوندىرىپ الۋدىڭ كونترپرودۋكتيۆتى تەتىگىن قول­دا­نۋدى توقتاتۋ جانە ادال, بىراق جولى بولماي قالعان قارىز الۋشىلارعا جاڭا مۇمكىندىك بەرۋ, سونداي-اق, رەسپۋبليكا ازاماتتارىنىڭ تولەم قابىلەتسىزدىگىن رەتكە كەلتىرۋدىڭ وزەكتى ماسەلەسىن ءتيىمدى شەشۋ جولدارىن قاراستىرادى. قانات ەسكەندىر, «ەگەمەن قازاقستان». الماتى. –––––––––– سۋرەتتى تۇسىرگەن بوريس بۋزين.