كانديداتتار ءتىزىمى بەكىتىلدى

«نۇر وتان» پارتياسى ساياسي كەڭەسىنىڭ بيۋرو مۇشەسى, پارتيانىڭ الماتى قالالىق فيليالىنىڭ توراعاسى جانە قالا اكىمى باۋىرجان بايبەكتىڭ باسشىلىعىمەن پارتيانىڭ كەزەكتى ءحVىىى كونفەرەنتسياسى بولىپ ءوتتى. كونفەرەنتسيا بارىسىندا «نۇر وتان» ساياسي پارتياسىنىڭ «قا­زاقستان-2021: بىرلىك. تۇراقتىلىق. جاسامپازدىق» اتتى سايلاۋال­دى باعدارلاماسىن جۇزەگە اسى­رۋ جانە الماتى قالالىق ءماسلي­حاتى دەپۋتاتتىعىنا تۇسۋگە ءۇمىت­كەر­لەردىڭ كانديداتۋرالارىن بەكىتۋ تۋرالى ماسەلەلەر قارالدى. قالا اكىمى ءارى «نۇر وتان» پار­تياسى الماتى قالالىق فيليا­لىنىڭ توراعاسى باۋىرجان باي­بەك ءوزىنىڭ سوزىندە پارتيانىڭ «قا­زاقستان-2017 ماقساتتارى. ۇلتتىق ءىس-قيمىل جوسپارى» سايلاۋالدى تۇعىرناماسى مەرزىمىنەن بۇرىن ورىندالعانىن اتاپ ءوتتى. – قالادا 2016 جىلعا دەيىن جوس­پارلانعان جاڭا مەكتەپتەر ارتىعىمەن سالىنىپ, تاپسىرما اسىرا ورىندالدى. دەنساۋلىق ساقتاۋ نىساندارى دا جوسپار­داعىدان كوپ سالىندى. انا ءولىمى 17,4 پايىزدان 12,3 پايىزعا تومەندەدى. تۇرعىن ءۇي سالۋ 2017 جىلعا دەيىن 24,3 ميلليون شارشى مەتر كولەمىندە كوزدەلسە, مىندەت 30 ميلليون شارشى مەتر دەڭگەيىندە ورىندالدى دەپ كۇتىلۋدە. بۇل – تەك نەگىزگى كورسەتكىشتەردىڭ ءبىر بولىگى عانا, – دەپ اتاپ ءوتتى ب.بايبەك. مۇنداي جوعارى جەتىستىكتەر مەن تۇراقتى كورسەتكىشتەرگە الماتىلىقتاردىڭ ىنتىماق, بىرلىگى مەن ەڭبەكقورلىعىنىڭ, پارتيا مۇشەلەرى مەن مەملەكەتتىك ورگانداردىڭ ءوزارا جۇيەلى جۇمىس جۇرگىزۋىنىڭ ناتيجەسىندە قول جەتكىزگەندىگىن ايتا كەلە, پارتيا قالالىق فيليالىنىڭ توراعاسى حالىقتىڭ «نۇر وتانعا» دەگەن سەنىمى مەن قولداۋىنىڭ زور ەكەندىگىن دە جەتكىزدى. شارا بارىسىندا پارتيانىڭ قالىڭ بۇقاراعا قازىرگى جاعدايدىڭ شىنايى كورىنىسىن جەتكىزۋى, جاڭا ەكونوميكالىق باعدارلامانى جان-جاقتى ءتۇسىندىرۋى, داعدارىسقا قارسى باعىتتى سەزىنۋى, كوپشىلىكتى كۇردەلى ماسەلەلەردى شەشۋگە جۇمىلدىرۋى ءتيىس ەكەندىگى ايتىلدى. سونىمەن بىرگە, اكىم «نۇر وتان» پارتياسىنىڭ الماتى قالالىق ءماسليحاتى V شاقىرىلىمىنداعى فراكتسيا مۇشەلەرىنىڭ جەمىستى قىزمەتىنە العىس ءبىلدىردى. قالا اكىمىنىڭ مالىمدەۋىنشە, وتكەن 5 جىل ارالىعىندا قالانىڭ ەكونوميكالىق, الەۋمەتتىك جانە ينفراقۇرىلىمدىق دامۋىنا, تۇرعىنداردىڭ ءال-اۋقاتىنىڭ ارتۋىنا دەپۋتاتتاردىڭ زور ىقپالى تيگەن. فراكتسيانىڭ 48 وتىرىسى ۇيىمداستىرىلىپ, فراكتسيا مۇشەلەرى پارتيانىڭ سايلاۋالدى باعدارلاماسىنىڭ, بيۋدجەتتىڭ, «نۇرلى جول» باعدارلاماسى اياسىنداعى قۇرىلىستاردىڭ جۇزەگە اسىرىلۋىن, باسقا دا قالالىق جوسپارلاردىڭ ءتيىمدى ورىندالۋىن قاداعالاعان. وسى ۋاقىت ارالىعىندا 53 باسقارما باسشىسى مەن مەملەكەتتىك بيۋدجەتتەن قارجىلاندىرىلاتىن وكىلەتتى ورگاندار جەتەكشىلەرىنىڭ ەسەبى تىڭدالعان. فراكتسيا باستاماسىمەن 87 نۇسقاۋلىق بەرىلىپ, ونىڭ 79-ى ورىندالعان, 9 نۇسقاۋ جۇمىسى قارالۋ ۇستىندە ەكەن. كونفەرەنتسيا قورىتىندىسىندا «نۇر وتان» ساياسي پارتياسى اتىنان الماتى قالالىق ءماسليحاتى دەپۋتاتتىعىنا تۇسۋگە ۇمىتكەر 37 ادامنىڭ كانديداتۋراسىن بەكىتۋ تۋرالى قاۋلى قابىلداندى. كونفەرەنتسيا جۇمىسىنا پارتيا قالالىق فيليالى ساياسي كەڭە­سىنىڭ, الماتى قالالىق ءماسليحا­تىنىڭ دەپۋتاتتارى جانە فراكتسيا مۇشەلەرى, پارتيانىڭ اۋداندىق فيليالى مەن باستاۋىش پارتيا ۇيىمدارىنىڭ جەتەكشىلەرى, بۇقا­را­لىق اقپارات قۇرالدارىنىڭ وكىل­دەرى مەن «جاس وتان» جاستار قانا­تىنىڭ بەلسەندىلەرى قاتىستى. قانات ەسكەندىر, «ەگەمەن قازاقستان». الماتى.