قالالىق سايلاۋ كوميسسياسىنىڭ ەسەبى تىڭدالدى

كەشە قازاقستان رەسپۋبليكاسى ورتالىق سايلاۋ كوميسسياسىنىڭ وتىرىسى ءوتتى. وندا بىرقاتار وبلىستىق سايلاۋ كوميسسيالارىنىڭ مۇشەلەرى تاعايىندالدى. «سايلاۋ تۋرالى» زاڭنىڭ 19-بابى 6-تارماعىنىڭ ەكىنشى ءبو­لىمىنە جانە 8-تارماعىنا سايكەس ورتسايلاۋكوم سايلاۋ زاڭنا­ماسىندا بەلگىلەنگەن تارتىپپەن سايلانعانعا دەيىن, الماتى وبلىستىق سايلاۋ كوميسسياسىنىڭ مۇشەسى ەتىپ ت.ە. ءداۋىتوۆتى, اتى­راۋ وبلىستىق سايلاۋ كوميس­سياسىنىڭ مۇشەسى ەتىپ ع.ش. قا­ناتوۆتى, قاراعاندى وبلىس­تىق سايلاۋ كوميسسياسىنىڭ مۇشە­سى ەتىپ ا.گ.ستەپانەنكونى, قوستا­ناي وبلىستىق سايلاۋ كوميسسيا­سىنىڭ مۇشەسى ەتىپ گ.ا. گەرا­سيموۆتى, پاۆلودار وبلىستىق سايلاۋ كوميسسياسىنىڭ مۇشەسى ەتىپ ن.پ. چۋدوۆسكيدى, وڭتۇستىك قازاقستان وبلىستىق سايلاۋ كو­ميس­­سياسىنىڭ مۇشەسى ەتىپ ءا.م.ءالى­شەۆتى تاعايىندادى. سونداي-اق, ورتسايلاۋكوم وتىرىسىندا قازاقستان رەسپۋبليكاسى پارلامەنتى ءماجىلىسىنىڭ جانە ءماسليحاتتارىنىڭ دەپۋتاتتارىن سايلاۋعا دايىندىق بارىسى تۋرالى استانا قالالىق سايلاۋ كو­ميس­سياسىنىڭ ەسەبى تىڭ­دالدى. استانا قالالىق سايلاۋ كوميسسياسىنىڭ توراعاسى ي.جالبىروۆ ورتساي­لاۋكوم مۇشەلەرىن قالادا قالا­لىق ءماسليحات دەپۋتاتتارىن سايلاۋ بويىنشا 25 سايلاۋ وك­رۋگى, 278 سايلاۋ ۋچاسكەسى قۇرىل­عانى, ولاردىڭ 213-ءى قالا اۋما­عىندا جانە 65-ءى قازاقستان رەسپۋب­ليكاسىنىڭ شەتەلدەگى وكىلدىك­تەرىنىڭ جانىندا ورنالاسقانى تۋرالى مالىمدەدى. استانا قالاسى بويىنشا سايلاۋدى ۇيىمداستىرۋدى جانە وتكىزۋدى جالپى سانى 2149 مۇشەسى بار 307 سايلاۋ كوميسسياسى, ولاردىڭ ىشىندە 4 اۋماقتىق, 25 وكرۋگتىك جانە 278 ۋچاسكەلىك كو­ميس­سياسى جۇزەگە اسىرادى. قالا­لىق سايلاۋ كوميسسياسى سايلاۋ كوميسسيالارىن وقىتۋدى ۇيىم­داستىرۋعا ەرەكشە كوڭىل بولەدى, ول ءۇشىن سەمينار, ترەنينگ, كەڭ­ەستەر وتكىزۋدەن باستاپ قاجەتتى سايلاۋ قۇجاتتارىمەن جانە ءادىس­تەمەلىك قۇرالدارمەن قامتاماسىز ەتۋگە دەيىن ءتۇرلى نىسانداردى قول­دانۋدا. قازىرگى ۋاقىتتا قالالىق ءماس­ليحات دەپۋتاتتىعىنا كانديداتتاردى ۇسىنۋ جانە تىركەۋ ءجۇر­گىزىلۋدە. 2016 جىلعى 9 اقپانداعى جاعداي بويىنشا 25 سايلاۋ ۋچاسكەسىندە 27 كانديدات (18 ەر ادام جانە 9 ايەل ادام) ۇسىنىلدى. ولاردىڭ 26-سىنىڭ جوعارى ءبىلىمى بار. وكرۋگتىك سايلاۋ كوميسسيالارى ۇسىنىلعان كانديداتتاردىڭ كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا بەلگىلەنگەن تالاپتارعا سايكەستىگىن تەكسەرۋ بويىنشا قاجەتتى جۇمىستار جۇرگىزۋدە, كانديداتتاردىڭ جانە ولاردىڭ سەنىم بىلدىرىلگەن ادامدارىن تىركەۋدى جۇزەگە اسىرۋدا. قازىرگى ۋاقىتتا ءۇش كانديدات تىركەلدى. سايلاۋالدى ۇگىتتى جۇرگىزۋگە قاتىستى شارالار ۋاقتىلى قابىل­دانۋدا. قالالىق سايلاۋ كوميسسياسىمەن كەلىسىم بويىنشا پار­تيالىق ءتىزىمىن ۇسىنعان ساياسي پارتيالار ءۇشىن, سونداي-اق, قالالىق ءماسليحات دەپۋتاتتىعىنا كانديداتتار ءۇشىن ۇگىتتىك باسپا ماتەريالدارىن ورنالاستىرۋ ورىندارى انىقتالدى. ساياسي پارتيالاردىڭ جانە كانديداتتاردىڭ سايلاۋشىلارمەن كەزدەسۋلەر وتكىزۋى ءۇشىن, شارتتىق نەگىزدە ۇسىنىلعان ءۇي-جايلار تىزبەسى بەكىتىلدى. ءاليسۇلتان قۇلانباي, «ەگەمەن قازاقستان». سۋرەتتى تۇسىرگەن ەرلان وماروۆ.