«بولاشاق» ويىن-ساۋىق, ساۋدا ورتالىعى شاقىرادى

بۇل كۇندەرى وندا 150 ساۋدا نۇكتەلەرى جۇمىس جاساپ, 500-گە جۋىق جۇمىس ورنى اشىلعان. ەكىباستۇزداعى «بولاشاق» كومپانيالار توبىنىڭ جە­تەكشىسى ميرون يسانوۆتىڭ ايتۋىنشا, قالاداعى ويىن-ساۋىق-ساۋدا ورتالىعىنىڭ قۇرىلىسىنا 2,67 ملرد. تەڭ­گە كولە­مىندە ينۆەستيتسيا تار­­تىلىپتى. جارقىراعان عاجايىپ «بولاشاق+» كەشەنى 4 قاباتتان تۇرادى. جالپى اۋماعى – 19607,4 شارشى مەتر. كەشەن­نىڭ 3-قاباتىندا ساۋدا-ساتتىق, قىزمەت كور­سەتۋ ورىندارى بار. ءتورتىنشى قابات بالالاردىڭ دەمالىس, ويىن الاڭدارىنا ارنالعان. ويىن الاڭىنداعى اۆتوماتتار مەن اتتراكتسيون­دار گەرمانيا, اقش, ۇلىبريتانيا, يتاليادان اكەلىنىپتى. بۇل جەردە اسحانا, مەيرامحانا اشىل­عان. جانە دە 5D جانە 6D پىشىمدەگى ەكى كينوتەاتر بار. ولار ءبىر ساتتە 90-نان استام ادامدى قابىلداي الادى. – قالا تۇرعىندارى «بو­لا­شاققا» تەك قانا زات ساتىپ الۋ ءۇشىن ەمەس, وتبا­سىمەن دەمالۋ ءۇشىن كە­لەدى. جارقىراعان ورتا­لىقتىڭ قۇرى­لىس جۇمىس­تارىن جەر­گىلىكتى «ستال­­مونتاج» كومپانيا­سى جۇرگىزدى. ءويت­كەنى, «بولا­شاق+» ساۋلەتى, ار­حي­تەك­تۋرالىق كوركەمدىگى جا­عىنان ەكىباس­تۇزداعى ەرەك­شە نىسانداردىڭ ءبى­رىنە اينالدى. الداعى ۋا­قىتتا ورتالىقتىڭ ءبىرىنشى قا­باتىندا سۋبۇرقاق ور­نا­تىلادى. سونداي-اق, ەكى­باس­تۇزدىقتار ءۇشىن اكۆاپارك سالۋدى جوسپارلاپ وتىرمىز, – دەيدى كومپانيا باسشىسى ميرون يسانوۆ. فاريدا بىقاي, «ەگەمەن قازاقستان». ەكىباستۇز. ––––––––––––– سۋرەتتەردى تۇسىرگەن ۆالەري بۋگاەۆ.