تاراز تاماشالارى

وتكەن جىلدىڭ سوڭىنا تامان تاراز تورىندە تويلانىپ وتكەن قازاق حاندىعىنىڭ 550 جىلدىق مەرەيتويى كونە شاھار باسشىسىنىڭ جۇ­مىسىن شيراتىپ, ىسكەرلىك قاسيەتىن تانىتا تۇسكەندەي. «سايگەز» سايتى وبلىس ورتا­لىعى اكىمدەرىنىڭ جۇمىسىن ساراپتاي كەلە, تاراز قالا­سىنىڭ اكىمى نۇرجان كا­لەندەروۆتىڭ جۇمىسىن وڭ با­عالاپ, ءوز ارىپتەستەرى ىشىندە ءۇشىنشى ورىن قويىپتى. بۇل, ارينە, جاسىل قالا اكىمىنىڭ جىل وتكەن سايىن شىڭدالىپ, تاجىريبەسى تولىسىپ كەلە جاتقانىن بايقاتسا كەرەك. قايبىر جىلدارى تاراز قالاسىنىڭ قاق ورتاسىنان «اتشابار» دەگەن تۇرعىن ءۇي كەشەنى پايدا بولعان-دى. بيىك, ەڭسەلى ءارى وزگەشە كەيىپپەن سالىنعان بۇل اسەم ۇيلەر تالايدىڭ تۇسىنە دە كىرگەنى انىق. ايتسە دە قارقىندى باس­تالعان قۇرىلىس نەگە ەكەنىن قايدام, سوڭىنا جەتپەي توقتاپ قالدى. الدە قارجىسى جەتپەي قالدى ما, الدە باس­قاشا سەبەپتەرى بولدى ما, ايتەۋىر ادەمى عيماراتتارعا ەل قونىستانباي, بىرتە-بىرتە سيقى قاشا باستادى. بىراق, وسىنداي قۇرىلىس­تىڭ ەلدىڭ كوز الدىندا قۇرىپ بارا جاتقانى جەرگىلىكتى باسشىلاردىڭ دا جاندارىنا باتتى-اۋ دەيمىن. قالا باسشىلارى بۇل تىعىرىقتان شىعۋدىڭ جولدارىن قا­راس­­تىرىپ, ناتيجەسىندە قۇ­رىلىسقا قايتادان جان ءبىتتى. وتكەن جىلدىڭ سوڭىندا «اتشابار» تۇرعىن ءۇي كە­شە­نىنەن «وڭىرلەردى دامىتۋ-2020» باعدارلاماسى بويىن­شا بىرقاتار وتباسى­لارعا جاڭا پاتەر كىلتى تابىس ەتىلدى. قۇرىلىستى «قازاقستان يپوتەكالىق كومپانيا­سى» اق اياقتادى. پايدالانۋعا بەرىلگەن كوپ جاڭا قاباتتى ءۇي 210 پاتەرلى. جالپى العاندا, وتكەن جىلى تاراز قالا­سىنداعى قۇ­رىلىس جۇمىستارىنىڭ كولەمى 28 ملرد. 271 ملن. تەڭگەنى قۇرادى. 2015 جىلى بەس قاباتتى 4 ءۇي پايدالانۋعا بەرىلىپ, تۇرعىندار قونىس توي تويلادى. «قولجەتىمدى باسپانا-2020» باعدارلاماسى بويىنشا 2012-2014 جىلدارى رەسپۋبليكالىق جانە جەرگىلىكتى بيۋدجەت ەسەبىنەن 4 985,4 ميلليون تەڭگە قاراجات ءبولىنىپ, 56,3 مىڭ شارشى مەتر تۇرعىن ءۇي پايدالانۋعا بەرىلدى. ءسويتىپ, نەگىزگى ينديكاتور 109,7 پايىزعا ورىن­دالىپ وتىر. سوڭعى ءتورت جىلدا قالادا 151 كوپ قا­باتتى تۇرعىن ۇيگە كۇردەلى جانە اعىمداعى جوندەۋ جۇ­مىستارى جۇرگىزىلدى. ال قاي­تارىلعان 258 ميلليون تەڭگە قاراجاتقا قوسىمشا 19 ءۇي قايتا جاڭعىرتىلدى. ءۇش جىلدىڭ ىشىندە قالا سىرتىنداعى بىرنەشە تۇرعىن القاپقا اۋىز سۋ قۇبىرلارى تارتىلدى. ينجەنەرلىك ينفرا­قۇرىلىمداردى دامىتۋعا ءبو­لىنگەن 6765,1 ميلليون تەڭ­گە قارجىعا گاز, ەلەكتر جە­لىلەرى جۇرگىزىلدى. جالپى, سوڭعى جىلدارى مەكتەپ جاسىنا دەيىنگى بالالاردى بالاباقشالارمەن تولىق قامتۋ جونىندەگى مەملەكەت ۇستانىمىنا سايكەس وڭىردەگى بالاباقشالار سا­نى جىلدان-جىلعا ارتىپ كەلەدى. جاقىندا «بايتەرەك» شاعىن اۋدانىندا جوبالىق-سم­تا­لىق قۇنى 472,9 ميلليون تەڭگەنى قۇرايتىن «ەركەناز» بالاباقشاسى 280 بۇلدىرشىنگە ەسىگىن ايقارا اشسا, «اراي» تۇرعىن ءۇي القابىندا 280 ورىن­دىق تاعى ءبىر بالا­باقشا عيماراتى پايدا­لانۋعا بەرىلدى. سونداي-اق, «جىگەر», «پروەكتيروۆششيك», «راسسۆەت» تۇرعىن القاپتارىنا 19 شا­قىرىم سۋ قۇبىرى جۇرگىزىلىپ, پايدالانۋعا تاپسىرىلدى. «بارىسحان» تۇرعىن القابىنا 23 شاقىرىم گاز قۇبىرى تارتىلىپ, القاپ تۇرعىندارى كوگىلدىر وتىنمەن قامتاماسىز ەتىلدى. «اقجول» القابىن ەلەك­ترمەن, «ميچۋرينەتس» ال­قابىن ەلەكتر جانە گازبەن, «قاينار» القابىن ەلەكتر جانە گازبەن قامتاماسىز ەتۋ قۇرىلىستارى جۇرگىزىلۋدە. «تورتكول» القابىندا 12,5 شاقىرىم ەلەكتر جۇيەسى قاي­تا جاڭعىرتىلدى. تاعى دا سول «اراي» ال­قا­بىنداعى تۇرعىن ءۇي كە­شەنىنە 22 شاقىرىم تەلەفون, سۋ, كارىز, جىلۋ جانە گاز جۇيەلەرىنىڭ ماگيسترالدى جانە جاقىنداتۋ جەلىلەرىنىڭ قۇرىلىسى سالىندى. «بايتە­رەك» شاعىن اۋدانىنا 22 شاقىرىم ماگيسترالدى تەلەفون جۇيەسىنىڭ قۇرىلىسى ءجۇر­گىزىلىپ پايدالانۋعا بە­رىلدى. حالقى ەڭبەكشىل ەلدىڭ ەكونوميكاسى ءورىستى, قوعامى تۇراقتى, تۇرمىسى ءتۇزۋ بولا­تىنى بەلگىلى. وسىلايشا تا­تۋ­لىقتىڭ ورداسى بولعان كو­نە تارازدىڭ تىرلىگى العا با­سىپ, تاسى ورگە دومالاپ تۇر. ورالحان ءداۋىت, «ەگەمەن قازاقستان». جامبىل وبلىسى.