ءبىلىم جانە عىلىم ءمينيسترى تاعايىندالدى

استانا. 10 اقپان. مەملەكەت باسشىسى نۇرسۇلتان نازارباەۆتىڭ جارلىعىمەن ەرلان ساعاديەۆ قازاقستان رەسپۋبليكاسىنىڭ ءبىلىم جانە عىلىم ءمينيسترى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جارلىق ماتىنىندە: «ەرلان كەنجەعالي ۇلى ساعاديەۆ قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ تاعايىندالسىن», – دەلىنگەن. ەرلان ساعاديەۆ 1966 جىلى 1 اقپاندا تۋعان. 1990 جىلى ءال-فارابي اتىنداعى قازاق ۇلتتىق ۋنيۆەرسيتەتىن ەكونوميكا ماماندىعى بويىنشا بىتىرگەن. سونداي-اق, 1993 جىلى اقش-تىڭ ميننەسوتا شتاتىنداعى ۋنيۆەرسيتەتتى قولدانبالى ەكونوميكا ماماندىعى بويىنشا ءبىتىردى. عىلىمي دارەجەسى – ماگيستر. ەرلان كەنجەعالي ۇلى قىزمەت جولىن 1990 جىلى باستادى. سودان بەرى ءارتۇرلى لاۋازىمدا قىزمەت اتقاردى. ولاردىڭ قاتارىندا پرەمەر-ءمينيستردىڭ كەڭەسشىسى (2012-2013), يندۋستريا جانە جاڭا تەحنولوگيالار ۆيتسە-ءمينيسترى (2014-2015) سىندى لاۋازىمدار بار. ەلامان قوڭىر. دەرەك: egemen.kz. سۋرەت: kapital.kz.