«قازاقستان» تەلەراديوكورپوراتسياسى جاڭا اكتسيا باستادى

استانا. 10 اقپان. «قازاقستان» تەلەارناسى مەن «قازاق» راديوسى «ناۋرىز تىلەك!» اتتى جاڭا اكتسيانى باستادى. بۇل تۋرالى egemen.kz ءتىلشىسى حابارلادى. اكتسياعا قاتىسقان ءاربىر وتانداسىمىز ناۋرىز مەرەكەسىنە بايلانىستى ءوزىنىڭ تۋعان تۋىسقاندارىن, بۇكىل ەلدى قۇتتىقتاۋعا مۇمكىندىك الىپ, ىستىق تىلەكتەرىمەن ءبولىسىپ, باعالى سىيلىقتاردىڭ يەگەرى اتانادى. شاراعا قاتىسقىسى كەلەتىندەر  1 ناۋرىزعا دەيىن ءوزىنىڭ اۋديو, ۆيدەو نەمەسە ءماتىن تۇرىندەگى ناۋرىز مەرەكەسىمەن قۇتتىقتاۋىن nauryz@kaztrk.kz ەلەكتروندىق پوشتاسىنا جىبەرۋ نەمەسە 8 (7172) 55-33-26, 55-33-37 نومەرلەرىنە حابارلاسۋى كەرەك. سونىمەن بىرگە facebook, instagram, vk, twitter الەۋمەتتىك جەلىلەردىڭ بىرەۋىمەن «قازاقستان» رترك پاراقشاسىنا جازىلىپ, ءوزىنىڭ قۇتتىقتاۋىن بايقاۋدىڭ پوستەرىمەن سالۋ كەرەك. قۇتتىقتاۋدا حەشتەگ #nauryztilek كورسەتىلۋى ءتيىس. ەڭ دارىندى قاتىسۋشىنى كورپوراتسيانىڭ كوركەمدىك كەڭەسى ىرىكتەيدى جانە ونى مەرەكە قارساڭىندا جاريالايدى. بايقاۋدىڭ جەڭىمپازىنا ۇيالى تەلەفون, ەكىنشى ورىنعا پلانشەت, ءۇشىنشى ورىن العان ادامعا ەلەكتروندى كىتاپ بەرىلەدى. اكتسيا بويىنشا بارلىق جاڭالىقتاردى nauryz.kaztrk.kz سايتىنان قاراۋعا بولادى. داستان كەنجالين. دەرەك, سۋرەت: «قازاقستان» رترك.